ਮਹਿਲਕਲਾਂ/ ਬਰਨਾਲਾ- 19 ਨਵੰਬਰ (ਗੁਰਸੇਵਕ ਸੋਹੀ)- ਪਿੰਡ ਚੰਨਣਵਾਲ ਵਿਖੇ ਐਨ ਆਰ ਆਈਜ ਵੀਰਾਂ ਵੱਲੋਂ ਗਰਾਮ ਪੰਚਾਇਤ ਅਤੇ ਸਮੂਹ ਨਗਰ ਨਿਵਾਸੀਆਂ ਦੇ ਸਹਿਯੋਗ ਨਾਲ ਕਿਸਾਨੀ ਸੰਘਰਸ਼ ਨੂੰ ਸਮਰਪਿਤ 6,.7,.8 ਦਸੰਬਰ ਨੂੰ ਕਰਵਾਏ ਜਾ ਰਹੇ ਯੂ ਐਸ ਏ ਕਬੱਡੀ ਕੱਪ ਦਾ ਪੋਸਟਰ ਸਮੂਹ ਪਿੰਡ ਵਾਸੀਆਂ ਵੱਲੋਂ ਸਾਂਝੇ ਤੌਰ ਤੇ ਰਿਲੀਜ਼ ਕੀਤਾ ਗਿਆ ।ਇਸ ਮੌਕੇ ਉੱਘੇ ਸਮਾਜ ਸੇਵੀ ਸਾਬਕਾ ਸਰਪੰਚ ਨੰਬਰਦਾਰ ਗੁਰਜੰਟ ਸਿੰਘ ਧਾਲੀਵਾਲ, ਆੜ੍ਹਤੀਆ ਕੁਲਬੀਰ ਸਿੰਘ ਗਿੱਲ, ਜਰਨੈਲ ਸਿੰਘ ਜੈਲੀ, ਦਰਬਾਰਾ ਸਿੰਘ ਬਾਠ, ਪ੍ਰਮਿੰਦਰ ਸਿੰਘ ਬਾਠ, ਅਮਰ ਸਿੰਘ ਬਾਠ ,ਬਲਵਿੰਦਰ ਸਿੰਘ, ਡਾ ਗੋਪਾਲ ਸਿੰਘ, ਚਰਨਜੀਤ ਸਿੰਘ, ਮਨਦੀਪ ਸਿੰਘ ਪਟਿਆਲੇ ਵਾਲੇ ਨੇ ਸਾਂਝੇ ਤੌਰ ਤੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਤਿੰਨ ਰੋਜ਼ਾ ਕਰਵਾਏ ਜਾ ਰਹੇ ਕਬੱਡੀ ਕੱਪ ਦੇ ਪਹਿਲੇ ਦਿਨ 6 ਦਸੰਬਰ ਨੂੰ ਕੱਬਡੀ 48 ਕਿੱਲੋ, ਤਾਸ਼ ਸੀਪ ਦੇ ਮੁਕਾਬਲੇ ਕਰਵਾਏ ਜਾਣਗੇ, 7 ਦਸੰਬਰ ਨੂੰ ਕਬੱਡੀ ਇੱਕ ਪਿੰਡ ਓਪਨ, 65 ਕਿੱਲੋ ਵਰਗ ਅਤੇ 8 ਦਸੰਬਰ ਨੂੰ ਕਬੱਡੀ ਓਪਨ ਚ 3 ਬਾਹਰੋਂ ਵਿੱਚ 32 ਟੀਮਾਂ ਨੂੰ ਐਂਟਰ ਕਰਕੇ ਫਾਈਨਲ ਮੁਕਾਬਲੇ ਕਰਵਾਏ ਜਾਣਗੇ । ਉਨ੍ਹਾਂ ਕਿਹਾ ਕਿ ਜੇਤੂ ਰਹਿਣ ਵਾਲੀਆਂ ਟੀਮਾਂ ਨੂੰ ਨਗਦ ਇਨਾਮ ਦੇਣ ਤੋਂ ਇਲਾਵਾ ਕਬੱਡੀ ਓਪਨ 3 ਬਾਹਰੋਂ ਦੇ ਬੈਸਟ ਰੇਡਰ ਅਤੇ ਬੈਸਟ ਜਾਫੀ ਨੂੰ ਮੋਟਰਸਾਈਕਲ, ਕਬੱਡੀ ਓਪਨ ਨਿਰੋਲ ਇੱਕ ਵਾਰ ਪਿੰਡ ਬੈਸਟ ਰੇਡਰ ਅਤੇ ਬੈਸਟ ਜਾਫੀ ਨੂੰ ਮਾਈਕਰੋ ਵੇਵ ਅਤੇ ਕੱਬਡੀ 65 ਕਿੱਲੋ ਵਰਗ ਵਿੱਚੋਂ ਬੈਸਟ ਰੇਡਰ ਅਤੇ ਬੈਸਟ ਜਾਫੀ ਨੂੰ ਸਾਈਕਲ ਭੇਟ ਕਰਕੇ ਸਨਮਾਨ ਕੀਤਾ ਜਾਵੇਗਾ ਅਤੇ ਇਸ ਤੋਂ ਇਲਾਵਾ ਅਰਸ਼ ਧਾਲੀਵਾਲ ਯੂ ਐਸ ਏ, ਕੁਲਦੀਪ ਬਾਠ ਯੂਐੱਸਏ ਵੱਲੋਂ ਕਬੱਡੀ ਖਿਡਾਰੀ ਗੁਰਪ੍ਰੀਤ ਸਿੰਘ ਠੀਕਰੀਵਾਲਾ ਨੂੰ ਮੋਟਰਸਾਈਕਲ, ਸਪੋਰਟਸ ਕਲੱਬ ਯੂ ਐਸ ਏ ਵੱਲੋਂ ਕ੍ਰਿਕਟ ਖਿਡਾਰੀ ਸੋਨਾ ਸਿੰਘ ਚੰਨਣਵਾਲ ਨੂੰ ਸਨਮਾਨ ਅਤੇ ਜਨਤਾ ਨੰਬੜਦਾਰ ਆਸਟ੍ਰੇਲੀਆ, ਕਾਲਾ ਬਾਠ ਯੂਐੱਸਏ ਵੱਲੋਂ ਖਿਡਾਰਨਾਂ ਅਵਨੀਤ ਕੌਰ ਬੜਿੰਗ ਚੰਨਣਵਾਲ ਨੂੰ ਸਕੂਟਰੀ ਨਾਲ ਸਨਮਾਨਤ ਕੀਤਾ ਜਾਵੇਗਾ। ਉਨ੍ਹਾਂ ਸਮੂਹ ਖਿਡਾਰੀ ਪ੍ਰੇਮੀਆਂ ਨੂੰ ਕਰਵਾਏ ਜਾ ਰਹੇ ਕਬੱਡੀ ਕੱਪ ਵਿੱਚ ਵੱਧ ਚਡ਼੍ਹ ਕੇ ਭਾਗ ਲੈਣ ਦੀ ਅਪੀਲ ਕੀਤੀ ।
