ਰਾਏਕੋਟ15 ਨਵੰਬਰ(ਗੁਰਸੇਵਕ ਸਿੰਘ ਸੋਹੀ) ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਡਕੌਂਦਾ ਬਲਾਕ ਰਾਏਕੋਟ ਦੀਆਂ ਸਮੂਹ ਸਤਿਕਾਰਯੋਗ ਇਕਾਈਆਂ ਨੂੰ ਬਹੁਤ ਆਦਰ ਸਹਿਤ ਇੱਕ ਜ਼ਰੂਰੀ ਬੇਨਤੀ ਹੈ ਕਿ ਮਿਤੀ17 ਨਵੰਬਰ 2021 ਦਿਨ ਬੁੱਧਵਾਰ ਨੂੰ ਬਾਲ ਸ਼ਹੀਦ ਸ੍ਰ ਕਰਤਾਰ ਸਿੰਘ ਸਰਾਭਾ ਜੀ ਦਾ ਸ਼ਹੀਦੀ ਦਿਹਾੜਾ ਮਨਾਇਆ ਜਾ ਰਿਹਾ ਹੈ।ਇਸ ਪਵਿੱਤਰ ਸ਼ਹੀਦੀ ਦਿਹਾੜੇ ਦੇ ਸਬੰਧ ਵਿੱਚ ਇੱਕ ਵਿਸ਼ਾਲ ਮਾਰਚ ਕੱਢਿਆ ਜਾਣਾ ਹੈ।ਇਸ ਮਾਰਚ ਵਿੱਚ ਮਾਈ,ਭਾਈ, ਬਜ਼ੁਰਗ ਅਤੇ ਨੌਜਵਾਨ ਵੱਡੀ ਗਿਣਤੀ ਵਿੱਚ ਕਾਫ਼ਲੇ ਬਣਾਕੇ ਝੰਡੇ ਲੈਕੇ ਸਕੂਟਰ, ਟਰੈਕਟਰ, ਮੋਟਰਸਾਈਕਲ, ਕਾਰਾਂ ,ਜੀਪਾਂ ਆਦਿ ਉੱਪਰ ਸਵਾਰ ਹੋਕੇ ਸ਼ਾਮਿਲ ਹੋਣ। ਅੱਚਰਵਾਲ, ਝੋਰੜਾਂ ਨੱਥੋਵਾਲ, ਧੂੜਕੋਟ, ਕਾਲਸ,ਬੋਪਾਰਾਏ ਖੁਰਦ ਗੋਬਿੰਦਗੜ੍ਹ, ਬੱਸੀਆਂ,ਜੱਟਪੁਰਾ ਆਦਿ ਅਤੇ ਰਾਏਕੋਟ ਦੇ ਨੇੜਲੇ ਪਿੰਡ ਸਵੇਰੇ ਠੀਕ 10:30 ਵਜੇ ਬਰਨਾਲਾ ਚੌਂਕ ਰਾਏਕੋਟ ਵਿਖੇ ਪਹੁੰਚਣ। ਨੂਰਪੁਰੇ ਦੇ ਨੇੜਲੇ ਪਿੰਡ ਠੀਕ ਸਵੇਰੇ 11:00 ਵਜੇ ਨੂਰਪੁਰਾ ਪਿੰਡ ਦਾ ਸਟੇਡੀਅਮ ਜੋ ਲੁਧਿਆਣਾ ਰੋਡ ਉੱਪਰ ਸਥਿੱਤ ਹੈ, ਉੱਥੇ ਪਹੁੰਚਣ। ਰਾਏਕੋਟ ਅਤੇ ਨੂਰਪੁਰੇ ਵਾਲਾ ਸਾਰਾ ਕਾਫ਼ਲਾ ਇਕੱਠਾ ਹੋ ਕੇ ਦੁਪਹਿਰੇ ਠੀਕ 12:00 ਵਜੇ ਹਲਵਾਰਾ ਪਿੰਡ ਦੇ ਮੁੱਖ ਬੱਸ ਸਟੈਂਡ ਉੱਪਰੋਂ ਸਰਾਭਾ ਰੋਡ ਪੈਕੇ ਸਰਾਭਾ ਪਿੰਡ ਪਹੁੰਚੇਗਾ। ਇਹ ਕਾਫ਼ਲਾ ਸਰਾਭਾ ਪਿੰਡ ਦੀਆਂ ਪਰਕਰਮਾਂ ਕਰਦਾ ਹੋਇਆ ਵੱਖ ਵੱਖ ਪਿੰਡਾਂ ਵਿੱਚ ਹੋਕੇ ਵਾਪਸ ਆਪੋ ਆਪਣੇ ਘਰਾਂ ਨੂੰ ਆਵੇਗਾ,ਧੰਨਵਾਦ। ਵੱਲੋਂ:ਮਹਿੰਦਰ ਸਿੰਘ ਕਮਾਲਪੁਰਾ ਪ੍ਰਧਾਨ ਜ਼ਿਲਾ ਲੁਧਿਆਣਾ ਅਤੇ ਰਣਧੀਰ ਸਿੰਘ ਉੱਪਲ ਪ੍ਰਧਾਨ ਬਲਾਕ ਰਾਏਕੋਟ ਭਾਰਤੀ ਕਿਸਾਨ ਯੂਨੀਅਨ ਡਕੌਂਦਾ।
