ਮੈਂ ਦੁੱਖਾਂ-ਸੁੱਖਾਂ ਦੇ ਘੇਰੇ ਤੋਂ ਜਦ ਬਾਹਰ ਆਵਾਂਗੀ
ਆਪਣਾ ਹਰ ਸੁਪਨਾ ਨਵਾਂ ਸਜਾਵਾਂਗੀ
ਨਾ ਖ਼ੁਦ ਤੋਂ ਜਿਆਦਾ ਕਿਸੇ ‘ਤੇ ਵਿਸ਼ਵਾਸ ਕਰਾਂਗੀ
ਨਾ ਕਿਸੇ ਨੂੰ ਜਿਆਦਾ ਚਾਹਾਂਗੀ
ਆਪਣੀ ਜ਼ਿੰਦਗੀ ਖੁਸ਼ੀਆਂ ਸੰਗ ਬਿਤਾਵਾਂਗੀ
ਨਾ ਕੋਈ ਹੋਵੇਗੀ ਕਮਜ਼ੋਰੀ ਮੇਰੀ
ਨਾ ਕਿਸੇ ਨੂੰ ਖ਼ਾਸ ਬਣਾਵਾਂਗੀ
ਜੇ ਹੋਊ ਪੈਦਾ ਮੇਰੇ ਰਾਸਤੇ ਵਿੱਚ ਕੋਈ ਰੁਕਾਵਟ
ਤਾਂ ਮੈਂ ਖ਼ੁਦ ਹੀ ਨਿਪਟਾਵਾਂਗੀ
ਸਾਬਿਤ ਕਰ ਸਕਾਂ ਮੈਂ ਖ਼ੁਦ ਨੂੰ ਨਿਰਦੋਸ਼
ਨਾ ਕਿਸੇ 'ਤੇ ਇਲਜਾਮ ਲਾਗਾਵਾਂਗੀ
ਖੁਦਗਰਜ ਬੇਵਫ਼ਾ ਨਾਲ ਨਾ ਪਿਆਰ ਜਤਾਵਾਂਗੀ
ਇਨਾਂ ਗੱਲਾਂ ਨਾਲ ਮੈਂ ਆਪਣੀ ਜ਼ਿੰਦਗੀ ਰੁਸ਼ਨਾਵਾਂਗੀ
ਹਰ ਇੱਕ ਸੁਪਨਾ ਲਿਖਣ ਤੋਂ ਪਹਿਲਾਂ
ਗਗਨ ਹਕੀਕਤ ਵਿੱਚ ਅਜਮਾਵਾਂਗੀ।
ਗਗਨਦੀਪ ਕੌਰ
