ਮਹਿਲ ਕਲਾਂ/ਬਰਨਾਲਾ-ਅਪ੍ਰੈਲ- (ਗੁਰਸੇਵਕ ਸਿੰਘ ਸੋਹੀ)- ਹਲਕਾ ਮਹਿਲ ਕਲਾਂ ਦੇ ਅਧੀਨ ਪੈਂਦੇ ਪਿੰਡ ਮੂੰਮ ਜ਼ਿਲ੍ਹਾ ਬਰਨਾਲਾ ਦੀ ਰਹਿਣ ਵਾਲੀ ਇੱਕ ਦਲਿਤ ਔਰਤ ਨੂੰ ਉਸਦੇ ਪਿੰਡ ਦੇ ਹੀ ਇੱਕ ਜ਼ਿਮੀਂਦਾਰ ਵੱਲੋਂ ਆਪਣੀ ਹਵਸ ਦਾ ਸ਼ਿਕਾਰ ਬਣਾਉਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ।ਆਪਣੀ ਲਾਜ ਸ਼ਰਮ ਦੀ ਮਾਰੀ ਪੀਡ਼ਤ ਔਰਤ ਕੁਝ ਦਿਨ ਤਾਂ ਘਰ ਅੰਦਰ ਝੂਰਦੀ ਰਹੀ ਪ੍ਰੰਤੂ ਅੱਜ ਉਹ ਆਪਣੇ ਪਤੀ ਨੂੰ ਸਾਰੀ ਘਟਨਾ ਦੱਸ ਕੇ ਥਾਣਾ ਮਹਿਲ ਕਲਾਂ ਵਿਖੇ ਦੋਸ਼ੀਆਂ ਖ਼ਿਲਾਫ਼ ਕਾਨੂੰਨੀ ਕਾਰਵਾਈ ਕਰਵਾਉਣ ਦੇ ਲਈ ਪੁਲਸ ਕੋਲ ਪਹੁੰਚ ਗਈ ।ਪੁਲਸ ਨੇ ਪੀੜਤਾ ਦੇ ਬਿਆਨ ਦੇ ਆਧਾਰ ਤੇ ਦੋ ਨਾਮਜ਼ਦ ਦੋਸ਼ੀਆਂ ਖ਼ਿਲਾਫ਼ ਬਲਾਤਕਾਰ ਤੇ ਬਲਾਤਕਾਰ ਦੀ ਸਾਜ਼ਿਸ਼ ਦੇ ਦੋਸ਼ ਵਿੱਚ ਕੇਸ ਦਰਜ ਕਰਕੇ ਉਨ੍ਹਾਂ ਦੀ ਤਲਾਸ਼ ਵੀ ਸ਼ੁਰੂ ਕਰ ਦਿੱਤੀ ਹੈ। ਪੁਲਸ ਨੂੰ ਔਰਤ ਨੇ ਦੱਸਿਆ ਕਿ ਉਸ ਦੀ ਗੁਆਂਢਣ ਜੀਵਨ ਕੌਰ ਉਸ ਦੇ ਘਰ ਆਈ ਤੇ ਕਹਿਣ ਲੱਗੀ ਕਿ ਉਸ ਦੇ ਵਿਹੜੇ ਵਿੱਚ ਬਾਹਰ ਪਈ ਕਣਕ ਅੰਦਰ ਕਮਰੇ ਵਿੱਚ ਰੱਖ ਕੇ ਆ, ਜਦੋਂ ਮੈਂ ਕਣਕ ਰੱਖਣ ਅੰਦਰ ਪਹੁੰਚੀ ਅੰਦਰ ਵੜੀ ਤਾਂ ਘਰ ਅੰਦਰ ਸਾਡੇ ਪਿੰਡ ਦਾ ਹੀ ਜ਼ਿੰਮੀਦਾਰ ਜਗਸੀਰ ਸਿੰਘ ਪਹਿਲਾਂ ਹੀ ਉਥੇ ਮੌਜੂਦ ਸੀ ।ਜਦੋਂ ਮੈਂ ਕਣਕ ਰੱਖਣ ਜੀਵਨ ਕੌਰ ਦੇ ਕਮਰੇ ਵੱਲ ਅੱਗੇ ਵਧੀ ਤਾਂ ਜਗਸੀਰ ਸਿੰਘ ਨੇ ਜੀਵਨ ਕੌਰ ਦੇ ਘਰ ਦੇ ਮੇਨ ਗੇਟ ਦੀ ਕੁੰਡੀ ਅੰਦਰੋਂ ਬੰਦ ਕਰ ਲਈ ਤੇ ਮੇਰੀ ਬਾਂਹ ਫੜ ਕੇ ਜੀਵਨ ਕੌਰ ਦੇ ਮਕਾਨ ਚ ਧੱਕੇ ਨਾਲ ਲੈ ਕੇ ਵੜ ਗਿਆ ।ਜਿਸ ਨੇ ਕਮਰੇ ਵਿੱਚ ਲਿਜਾ ਕੇ ਮੇਰੇ ਨਾਲ ਜ਼ਬਰਦਸਤੀ ਸਰੀਰਕ ਸਬੰਧ ਬਣਾ ਬਣਾਏ ।ਪ੍ਰੰਤੂ ਮੈਂ ਅੱਜ ਤਕ ਸ਼ਰਮ ਦੀ ਮਾਰੀ ਨੇ ਕਿਸੇ ਕੋਲ ਗੱਲ ਨਹੀਂ ਕੀਤੀ ਬਲਾਤਕਾਰ ਦੀ ਘਟਨਾ ਤੋਂ ਬਾਅਦ ਵੀ ਸੀਰਖ ਅਤੇ ਜੀਵਨ ਕੌਰ ਮੈਨੂੰ ਤੰਗ ਪ੍ਰੇਸ਼ਾਨ ਕਰਦੇ ਰਹੇ ਜਿਨ੍ਹਾਂ ਤੋਂ ਤੰਗ ਆ ਕੇ ਮੈਂ ਅੱਜ ਸਾਰੀ ਗੱਲ ਆਪਣੇ ਘਰਵਾਲੇ ਨੂੰ ਦੱਸ ਕੇ ਪੁਲਸ ਕੋਲ ਇਤਲਾਹ ਦਿੱਤੀ ।
ਇਸ ਸੰਬੰਧੀ ਗੱਲਬਾਤ ਕਰਨ ਤੇ ਡੀਐੱਸਪੀ ਮਹਿਲ ਕਲਾਂ ਕੁਲਦੀਪ ਸਿੰਘ ਨੇ ਦੱਸਿਆ ਕਿ ਪੀਡ਼ਤ ਦੇ ਬਿਆਨ ਜਸਵਿੰਦਰ ਕੌਰ ਇੰਚਾਰਜ ਵੂਮੈਨ ਸੈੱਲ ਬਰਨਾਲਾ ਨੇ ਕਲਮਬੰਦ ਕੀਤੇ ।ਜਿਨ੍ਹਾਂ ਦੇ ਆਧਾਰ ਤੇ ਬਲਾਤਕਾਰ ਦੇ ਦੋਸ਼ੀ ਜਗਸੀਰ ਸਿੰਘ ਸੀਰਾ ਅਤੇ ਸਾਜ਼ਿਸ਼ ਵਿੱਚ ਸ਼ਾਮਲ ਜੀਵਨ ਕੌਰ ਦੇ ਖਿਲਾਫ ਅਧੀਨ ਜੁਰਮ 376/120B IPC ਦੇ ਤਹਿਤ ਕੇਸ ਦਰਜ ਕੇ ਦੋਵਾਂ ਦੋਸ਼ੀਆਂ ਤਲਾਸ਼ ਸ਼ੁਰੂ ਕਰ ਦਿੱਤੀ ਹੈ ।ਪੁਲਸ ਪ੍ਰਸ਼ਾਸਨ ਦਾ ਕਹਿਣਾ ਹੈ ਕਿ ਜਲਦੀ ਹੀ ਦੋਸ਼ੀ ਪੁਲਸ ਗ੍ਰਿਫਤ ਚ ਹੋਣਗੇ।
