ਭਾਰਤ ਦੁਨੀਆ ਨੂੰ ਸਭ ਤੋਂ ਵੱਧ ਵੈਕਸੀਨ ਦੇਣ ਵਾਲਾ ਦੇਸ਼ ਹੀ ਨਹੀਂ, ਬਲਕਿ ਵੈਕਸੀਨ ਨਾਲ ਸਬੰਧਿਤ ਹੋਰ ਲੋੜੀਂਦੀਆਂ ਵਸਤੂਆਂ ਦੀ ਸਪਲਾਈ ਲਈ ਵੀ ਅਹਿਮ ਯੋਗਦਾਨ ਪਾ ਰਿਹਾ ਹੈ । ਯੂ.ਕੇ. ਦੀ ਆਕਸਫੋਰਡ/ਐਸਟਰਾਜੈਨੇਕ ਵੈਕਸੀਨ ਦੀ ਖੁਰਾਕ ਸਭ ਤੋਂ ਵੱਧ ਭਾਰਤ 'ਚ ਤਿਆਰ ਹੋ ਰਹੀ ਹੈ । ਦੁਨੀਆ ਦੀ 8 ਅਰਬ ਅਬਾਦੀ ਦਾ ਟੀਕਾਕਰਨ ਕਰਨ ਲਈ ਵੀ ਸਰਿੰਜ਼ਾਂ ਦੀ ਵੀ ਜ਼ਰੂਰਤ ਹੈ । ਭਾਰਤ ਦੀ ਰਾਜੀਵ ਨਾਥ ਹਿੰਦੋਸਤਾਨ ਸਰਿੰਜ਼ ਐਂਡ ਮੈਡੀਕਲ ਡੀਵਾਇਸ ਫੈਕਟਰੀ 'ਚ ਵੱਡੀ ਮਾਤਰਾ 'ਚ ਸਰਿੰਜ਼ਾਂ ਤਿਆਰ ਕੀਤੀਆਂ ਜਾ ਰਹੀਆਂ । ਇਸ ਫੈਕਟਰੀ 'ਚ 6000 ਸਰਿੰਜ਼ਾਂ ਪ੍ਰਤੀ ਮਿੰਟ ਦੇ ਹਿਸਾਬ ਨਾਲ 40 ਲੱਖ ਸਰਿੰਜ਼ਾਂ ਇਕ ਦਿਨ 'ਚ ਤਿਆਰ ਕੀਤੀਆਂ ਜਾ ਰਹੀਆਂ ਹਨ ।
