23 ਮਾਰਚ ਦੇ ਸ਼ਹੀਦਾਂ ਨੂੰ ਸਮਰਪਿਤ! ਸਲੇਮਪੁਰੀ ਦੀ ਚੂੰਢੀ -
*ਸੁੱਕੀ ਰੋਟੀ*
ਤੇਰੀ 'ਲੁੱਟ' ਦੇ ਗਲ ਵਿਚ ਹਾਰ ਪੈਂਦੇ!
ਸਾਡੀ 'ਕਿਰਤ' ਨੂੰ ਫਾਂਸੀ ਲੱਗਦੀ ਆ!
ਤੂੰ ਪੀਵੇੰ ਪਿਆਲੇ ਖੂਨਾਂ ਦੇ,
ਸਾਡੀ 'ਸੁੱਕੀ ਰੋਟੀ' ਚੁਭਦੀ ਆ!
'ਦੇਸ਼ ਭਗਤੀ' ਦੇ ਨਾਂ ਲੁੱਟਦਾ ਏੰ!
ਸਾਡੀ 'ਵਾਜ ਤੈਨੂੰ ਦੁਖਦੀ ਆ!
ਤੂੰ ਖੇਡੇੰ ਖੇਡ ਚਲਾਕੀ ਦੀ,
ਸਾਡੇ ਅੰਦਰ ਅਗਨੀ ਧੁਖਦੀ ਆ!
ਘਰ ਬੈਠੇ 'ਤੇ ਪਰਚਾ ਮੜ੍ਹ ਦੇਵੇੰ,
'ਬਗ਼ਾਵਤ' ਤਾਹੀਓਂ ਉੱਠਦੀ ਆ!
ਤੂੰ ਆਖੇਂ ਸਾਨੂੰ 'ਅੱਤਵਾਦੀ'
ਤੇਰੇ ਅੰਦਰ 'ਬੇਈਮਾਨੀ' ਫੁੱਟਦੀ ਆ!
ਸਾਡੀ ਹਿੱਕ 'ਤੇ ਸੂਰਜ ਸੰਘਰਸ਼ਾਂ ਦਾ
ਇਹੀਓ ਗੱਲ ਨਾ ਤੈਨੂੰ ਪਚਦੀ ਆ!
ਸੁਖਦੇਵ ਸਲੇਮਪੁਰੀ
09780620233
23 ਮਾਰਚ, 2021
