ਹਠੂਰ, ਜਨਵਰੀ 2021 -(ਕੌਸ਼ਲ ਮੱਲ੍ਹਾ)-ਪੰਥ ਦੀ ਸਿਰਮੌਰ ਸ਼ਖਸ਼ੀਅਤ ਸ੍ਰੋਮਣੀ ਢਾਡੀ ਸਵ:ਗੁਰਬਖਸ ਸਿੰਘ ਅਲਬੇਲਾ ਦੀ ਪੰਜਵੀ ਬਰਸੀ ਨੂੰ ਸਮਰਪਿਤ ਪਿੰਡ ਬੁਰਜ ਰਾਜਗੜ੍ਹ ਵਿਖੇ ਢਾਡੀ ਦਰਬਾਰ ਕਰਵਾਇਆ ਗਿਆ।ਇਸ ਮੌਕੇ ਸ੍ਰੀ ਸੁਖਮਨੀ ਸਾਹਿਬ ਦੇ ਪਾਠਾ ਦੇ ਜਾਪ ਕਰਨ ਉਪਰੰਤ ਸਰਬੱਤ ਦੇ ਭਲੇ ਲਈ ਅਰਦਾਸ ਕੀਤੀ ਗਈ।ਇਸ ਢਾਡੀ ਦਰਬਾਰ ਦੀ ਸੁਰੂਆਤ ਭਾਈ ਬਲਰਾਜ ਸਿੰਘ ਦਾਉਧਰ ਦੇ ਕਵੀਸਰੀ ਜੱਥੇ ਨੇ ਕੀਤੀ।ਇਸ ਮੌਕੇ ਗਿਆਨੀ ਜਸਪਾਲ ਸਿੰਘ ਤਾਨ ਮੁੱਲਾਪੁਰ ਵਾਲੇ,ਬਸੰਤ ਸਿੰਘ ਗੁਰਮਾਂ ਵਾਲੇ,ਚਰਨਜੀਤ ਸਿੰਘ ਭਾਈਰੂਪਾ,ਗੁਰਸੇਵਕ ਸਿੰਘ ਬਠਿੰਡਾ,ਪ੍ਰਮਿੰਦਰ ਸਿੰਘ ਸਹੌਰ,ਪਰਵਿੰਦਰ ਸਿੰਘ ਦੇ ਢਾਡੀ ਜੱਥਿਆ ਨੇ ਢਾਡੀ ਸਵ:ਗੁਰਬਖਸ ਸਿੰਘ ਅਲਬੇਲਾ ਦੀਆਂ ਲਿਖੀਆ ਸ਼ਹੀਦਾ ਅਤੇ ਜੋਧਿਆ ਦੀਆ ਵਾਰਾ ਪੇਸ ਕੀਤੀਆ।ਇਸ ਮੌਕੇ ਪ੍ਰਸਿੱਧ ਗੀਤਕਾਰ ਗੀਤਾ ਦਿਆਲਪੁਰੇ ਵਾਲਾ ਦੀ ਲਿਖੀ ਰਚਨਾ ‘ਨਹੀ ਚੜ੍ਹਨਾ ਅਲਬੇਲਾ ਸੂਰਜ,ਜੱਗ ਤੇ ਫੇਰ ਦੁਆਰਾ’ਨੂੰ ਪ੍ਰਮਿੰਦਰ ਸਿੰਘ ਸਹੌਰ ਨੇ ਪੇਸ ਕਰਕੇ ਪੰਡਾਲ ਵਿਚ ਬੈਠੇ ਦਰਸਕਾ ਦੀਆਂ ਅੱਖਾ ਨਮ ਕਰ ਦਿੱਤੀਆ।ਇਸ ਮੌਕੇ ਗੀਤਕਾਰ ਗੀਤਾ ਦਿਆਲਪੁਰੇ ਵਾਲਾ ਅਤੇ ਢਾਡੀ ਜਸਵੰਤ ਸਿੰਘ ਦੀਵਾਨਾ ਨੇ ਵੱਡੀ ਗਿਣਤੀ ਵਿਚ ਪੁੱਜੇ ਦਰਸਕਾ ਨੰੁ ਸੰਬੋਧਨ ਕਰਦਿਆ ਕਿਹਾ ਕਿ ਢਾਡੀ ਸਵ:ਗੁਰਬਖਸ ਸਿੰਘ ਅਲਬੇਲਾ ਨੇ ਢਾਡੀ ਵਾਰਾ ਤੋ ਇਲਾਵਾ ਸੈਕੜੇ ਪਰਿਵਾਰਿਕ ਅਤੇ ਸੱਭਿਆਚਾਰਕ ਗੀਤ ਪੰਜਾਬੀ ਮਾਂ ਬੋਲੀ ਦੀ ਝੋਲੀ ਵਿਚ ਪਾਏ,ਜਿਨ੍ਹਾ ਨੂੰ ਸਰੋਤਿਆ ਨੇ ਖਿੜ੍ਹੇ ਮੱਥੇ ਪ੍ਰਵਾਨ ਕੀਤਾ।ਉਨ੍ਹਾ ਕਿਹਾ ਕਿ ਉਨ੍ਹਾ ਦੀਆ ਗਾਈਆ ਢਾਡੀ ਵਾਰਾ ਲੋਕਾ ਦੇ ਦਿਲਾ ਤੇ ਹਮੇਸਾ ਰਾਜ ਕਰਦੀਆ ਰਹਿਣਗੀਆ।ਅੰਤ ਵਿਚ ਗੁਰਜੰਟ ਸਿੰਘ ਅਲਬੇਲਾ,ਸੁਰਜੀਤ ਸਿੰਘ ਅਲਬੇਲਾ,ਭੋਲਾ ਸਿੰਘ ਅਲਬੇਲਾ,ਬਿੱਟੂ ਅਲਬੇਲਾ ਅਤੇ ਸਮੂਹ ਪ੍ਰਬੰਧਕੀ ਕਮੇਟੀ ਵੱਲੋ ਸਮੂਹ ਮਹਿਮਾਨਾ,ਸਮੂਹ ਢਾਡੀ ਜੱਥਿਆ,ਗੀਤਕਾਰਾ,ਕਲਾਕਾਰਾ ਨੂੰ ਸਨਮਾਨ ਚਿੰਨ ਦੇ ਕੇ ਸਨਮਾਨਿਤ ਕੀਤਾ ਗਿਆ।ਇਸ ਮੌਕੇ ਸਟੇਜ ਸਕੱਤਰ ਗੀਤਾ ਦਿਆਲਪੁਰਾ ਵਾਲੇ ਅਤੇ ਪਰਵਿੰਦਰ ਸਿੰਘ ਸਹੌਰ ਨੇ ਵੱਡੀ ਗਿਣਤੀ ਵਿਚ ਪੁੱਜੇ ਦਰਸਕਾ ਦਾ ਧੰਨਵਾਦ ਕੀਤਾ।ਇਸ ਮੌਕੇ ਉਨ੍ਹਾ ਨਾਲ ਪ੍ਰਧਾਨ ਕੁਲਵੰਤ ਸਿੰਘ,ਗੁਰਜੀਤ ਸਿੰਘ,ਭੋਲਾ ਸਿੰਘ ਅਲਬੇਲਾ,ਗੁਰਜੰਟ ਸਿੰਘ, ਸੁਰਜੀਤ ਸਿੰਘ,ਗੀਤਕਾਰ ਗੀਤਾ ਦਿਆਲਪੁਰੇ ਵਾਲਾ, ਸਰਪੰਚ ਜਸਵੰਤ ਸਿੰਘ ਦੀਵਾਨਾ, ਸਮਾਜ ਸੇਵਕ ਇਕਬਾਲ ਮੁਹੰਮਦ ਮੀਨੀਆ,ਬਿੱਟੂ ਅਲਬੇਲਾ,ਅਰਮਾਨ ਵੀਰ ਅਲਬੇਲਾ,ਮਨਜੀਤ ਕੌਰ,ਬਿੱਲੂ ਮੀਨੀਆ,ਡਾ:ਗੁਰਾਂਦਿੱਤਾ ਸਿੰਘ ਭਾਈਰੂਪਾ,ਹਰਦੀਪ ਕੌਸ਼ਲ ਮੱਲ੍ਹਾ,ਲੇਖਕ ਪ੍ਰਸੋਤਮ ਪੱਤੋ,ਜਸਪ੍ਰੀਤ ਸੋਹਲ,ਲੋਕ ਗਾਇਕ ਹਰਬੰਸ ਛੱਤਾ,ਪ੍ਰਭਜੋਤ ਸਿੰਘ,ਸੁਖਪਾਲ ਸਿੰਘ,ਚਰਨਜੀਤ ਸਿੰਘ,ਗੁਰਲਾਭ ਸਿੰਘ,ਗੁਰਨੈਬ ਸਿੰਘ,ਮਨਜੀਤ ਸਿੰਘ ਪੱਪੂ,ਕੁਲਵੰਤ ਸਿੰਘ ਧੱਲੇਕੇ,ਮੰਗਤ ਮੀਤ,ਜਸਵੀਰ ਸਿੰਘ,ਸੀਰਾ ਗਰੇਵਾਲ,ਰਾਜਵੀਰ ਸਿੰਘ ਸੇਖਾ,ਜੱਗਾ ਸੇਖੋਂ ਕਾਉਕੇ ਕਲਾਂ,ਮਨਜੀਤ ਕੌਰ ਬਰਾੜ,ਬਲਜਿੰਦਰ ਕੌਰ,ਸਾਧੂ ਸਿੰਘ ਔਲਖ ਆਦਿ ਹਾਜ਼ਰ ਸਨ।
