ਮਹਿਲ ਕਲਾਂ/ ਬਰਨਾਲਾ - ਦਸੰਬਰ 2020 - (ਗੁਰਸੇਵਕ ਸਿੰਘ ਸੋਹੀ)- ਹਲਕਾ ਮਹਿਲ ਕਲਾਂ ਦੇ ਅਧੀਨ ਪੈਂਦੇ ਗੁਰਦੁਆਰਾ ਭਾਈ ਭਗਤੂਆਣਾ ਸਾਹਿਬ ਗਹਿਲ ਵਿਖੇ ਸ਼੍ਰੋਮਣੀ ਕਮੇਟੀ ਅੰਤਿੰਗ ਮੈਂਬਰ ਸਰਦਾਰ ਬਲਦੇਵ ਸਿੰਘ ਚੂੰਘਾਂ ,ਹਲਕਾ ਇੰਚਾਰਜ ਸ਼੍ਰੋਮਣੀ ਅਕਾਲੀ ਦਲ (ਬਾਦਲ) ਸੰਤ ਬਲਬੀਰ ਸਿੰਘ ਘੁੰਨਸ,ਅਤੇ ਮੈਨੇਜਰ ਅਮਰੀਕ ਸਿੰਘ ਦੀ ਅਗਵਾਈ ਹੇਠ 50 ਮੈਂਬਰੀ ਕਮੇਟੀ ਦਾ ਇਕੱਠ ਕੀਤਾ ਗਿਆ। ਜਿਸ ਵਿਚ ਮਾਤਾ ਸਾਹਿਬ ਕੌਰ ਗਰਲਜ਼ ਕਾਲਜ ਗਹਿਲ ਦੇ ਪ੍ਰਬੰਧ ਨੂੰ ਸੁਚਾਰੂ ਢੰਗ ਨਾਲ ਚਲਾਉਣ ਲਈ ਪਿੰਡ ਗਹਿਲਾਂ ਦੇ ਪਤਵੰਤੇ ਸੱਜਣ ਅਤੇ ਸਮੂਹ ਕਮੇਟੀਆਂ ਤੇ ਪੰਚਾਇਤਾਂ ਇਕੱਤਰਤਾ ਤੇ ਸਹਿਮਤੀ ਨਾਲ ਕਾਰਵਾਈ ਹੋਈ। ਇਸ ਮੀਟਿੰਗ ਵਿੱਚ ਸ਼ਾਮਲ ਸਰਦਾਰ ਜਗਰੂਪ ਸਿੰਘ ਸਿੱਧੂ ਬਿੱਟੂ ਯੂਐਸਏ ਸਰਪ੍ਰਸਤ,ਸਰਦਾਰ ਸੁਰਜੀਤ ਸਿੰਘ ਸਿੱਧੂ ਉਪ ਚੇਅਰਮੈਨ, ਸਰਦਾਰ ਨਿਸਾਨ ਸਿੰਘ ਭੋਲਾ ਸਾਬਕਾ ਸਰਪੰਚ ਪ੍ਰਧਾਨ,ਸਰਦਾਰ ਜਗਜੀਤ ਸਿੰਘ ਨੰਬਰਦਾਰ ਉੱਪ ਪ੍ਰਧਾਨ, ਸਰਦਾਰ ਬਲਬੀਰ ਆਡ਼੍ਹਤੀਆ ਖਜ਼ਾਨਚੀ,ਸਰਦਾਰ ਜਗਦੇਵ ਸਿੰਘ ਧਾਲੀਵਾਲ ਖਜ਼ਾਨਚੀ,ਸਰਦਾਰ ਦਲਜੀਤ ਸਿੰਘ ਸ/ਖਜ਼ਾਨਚੀ,ਸਰਦਾਰ ਸੁਖਮੰਦਰ ਸਿੰਘ ਨੰਬਰਦਾਰ ਸਕੱਤਰ,ਸਰਦਾਰ ਬੇਅੰਤ ਸਿੰਘ ਸੰਧੂ ਸ/ਸਕੱਤਰ,ਸਰਦਾਰ ਗੁਰਜੀਤ ਸਿੰਘ ਮਾਨ ਸ/ਸਕੱਤਰ,ਸਰਦਾਰ ਦਵਿੰਦਰ ਸਿੰਘ ਬੀਹਲਾ ਯੂਐਸਏ ਪ੍ਰੈੱਸ ਸਕੱਤਰ ਆਦਿ ਨਿਯੁਕਤ ਕੀਤੇ ਗਏ।
