CCTV ਕੈਮਰੇ ਦੀ ਵੀਡੀਓ ਵਾਇਰਲ
ਜਗਰਾਓਂ, ਅਕਤੂਬਰ 2020 - (ਜਸਮੇਲ ਗਾਲਿਬ / ਮਨਜਿੰਦਰ ਗਿੱਲ )-
ਬੇਟ ਇਲਾਕੇ ਦੇ ਪਿੰਡ ਗਿੱਦੜਵਿੰਡੀ ਦੀ ਸਰਕਾਰੀ ਕੋਆਪ੍ਰੇਟਿਵ ਸੁਸਾਇਟੀ ਦੇ ਅਧਿਕਾਰੀ ਨੂੰ ਦੋ ਅਨਸਰਾਂ ਨੇ ਪਹਿਲਾਂ ਦਫ਼ਤਰ ਤੇ ਫੇਰ ਬਾਹਰ ਖਿੱਚ ਕੇ ਕੁੱਟਿਆ। ਇਨ੍ਹਾਂ ਅਨਸਰਾਂ ਨੇ ਅਧਿਕਾਰੀ ਨਾਲ ਘਸੁੰਨ-ਮੁੱਕੀ, ਝਾੜੂ ਤੇ ਕੁਰਸੀਆਂ ਨਾਲ ਕੀਤੀ ਅੰਨੀ ਕੁੱਟ ਕੀਤੀ, ਜਿਸ ਦੀ ਵੀਡੀਓ ਸ਼ੋਸਲ ਮੀਡੀਆ 'ਤੇ ਚੱਲੀ ਹੈ ਪਰ ਪੁਲਿਸ ਨੇਹਾਲੇ ਤਕ ਕੋਈ ਕਾਰਵਾਈ ਨਹੀਂ ਕੀਤੀ ਹੈ।
ਜਾਣਕਾਰੀ ਮੁਤਾਬਕ ਕੋਆਪ੍ਰੇਟਿਵ ਸੁਸਾਇਟੀ ਵਿਚ ਸਵੇਰੇ ਸਕੱਤਰ ਸਵਰਨ ਸਿੰਘ ਸਟਾਫ ਸਮੇਤ ਕੰਮ ਕਰ ਰਹੇ ਹਨ। ਇਸੇ ਦੌਰਾਨ 2 ਨੌਜਵਾਨ ਸੁਸਾਇਟੀ ਦੇ ਦਫ਼ਤਰ ਵਿਚ ਦਾਖਲ ਹੋਏ ਤੇ ਉਨ੍ਹਾਂ ਸਕੱਤਰ ਸਵਰਨ ਸਿੰਘ ਨਾਲ ਗੱਲਬਾਤ ਕਰਦਿਆਂ ਉਨ੍ਹਾਂ ਦੇ ਥੱਪੜ, ਮੁੱਕੇ ਮਾਰਦਿਆਂ ਕੁੱਟਿਆ ਤੇ ਬੇਹਦ ਗੁੱਸੇ ਵਿਚ ਇਨ੍ਹਾਂ ਨੇ ਸਕੱਤਰ ਦੇ ਕੁਰਸੀਆਂ ਮਾਰਦਿਆਂ ਘੜੀਸ ਕੇ ਉਸ ਦਫ਼ਤਰ ਤੋਂ ਬਾਹਰ ਲੈ ਆਏ, ਉਥੇ ਝਾੜੂ ਨਾਲ ਉਸ ਦੀ ਕੁੱਟ ਮਾਰ ਕੀਤੀ।
ਇਸ ਤੋਂ ਬਾਅਦ ਉਕਤ ਨੌਜਵਾਨ ਸੁਸਾਇਟੀ ਵਿਚੋਂ ਚਲੇ ਗਏ। ਜਖ਼ਮੀ ਹਾਲਤ ਵਿਚ ਸਕੱਤਰ ਨੂੰ ਸਟਾਫ਼ ਅਤੇ ਲੋਕਾਂ ਵੱਲੋਂ ਸਿੱਧਵਾਂ ਬੇਟ ਸਿਵਲ ਹਸਪਤਾਲ ਭਰਤੀ ਕਰਵਾਇਆ ਗਿਆ। ਹਸਪਤਾਲ ਵਿਚ ਮੌਜੂਦ ਉਨ੍ਹਾਂ ਦੇ ਸੈਕਟਰੀ ਨੇ ਦੱਸਿਆ ਕਿ ਉਕਤ ਮਾਮਲੇ ਦਾ ਕਾਰਨ ਜੋ ਕੇ ਪੁਰਾ ਵੀਡਿਓ ਵਿਚ ਦਰਜ ਹੈ(ਤੁਸੀਂ ਵੀਡਿਓ ਤੇ ਜਾ ਕੇ ਦੇਖ ਸਕਦੇ ਹੋ ਲਿੰਕ ਥੱਲੇ ਦਿਤਾ ਗਿਆ ਹੈ) ਪਰ ਪੁਲਿਸ ਨੇ ਅਜੇ ਤਕ ਇਸ ਮਾਮਲੇ ਵਿਚ ਕੋਈ ਕਾਰਵਾਈ ਨਹੀਂ ਕੀਤੀ।
