ਮਹਿਲ ਕਲਾਂ/-ਬਰਨਾਲਾ-ਅਕਤੂਬਰ 2020 -(ਗੁਰਸੇਵਕ ਸਿੰਘ ਸੋਹੀ )-
ਮੈਡੀਕਲ ਪ੍ਰੈਕਟੀਸ਼ਨਰਜ਼ ਐਸੋਸੀਏਸ਼ਨ ਪੰਜਾਬ (ਰਜਿ:295)- ਦੇ ਜ਼ਿਲ੍ਹਾ ਲੁਧਿਆਣਾ ਦੇ ਬਲਾਕ ਪੱਖੋਵਾਲ ਦੇ ਸੀਨੀਅਰ ਮੈਂਬਰ ਡਾ ਰਾਜੂ ਖ਼ਾਨ ਘੁਮਾਣ ਦੇ ਨੌਜਵਾਨ ਪੁੱਤਰ ਨੂੰ ਕੈਂਸਰ ਵਰਗੀ ਨਾਮੁਰਾਦ ਬੀਮਾਰੀ ਨੇ ਘੇਰ ਲਿਆ
ਮੈਡੀਕਲ ਪ੍ਰੈਕਟੀਸ਼ਨਰਜ਼ ਐਸੋਸੀਏਸ਼ਨ ਪੰਜਾਬ ਦੇ ਸੂਬਾ ਜਰਨਲ ਸਕੱਤਰ ਡਾ ਜਸਵਿੰਦਰ ਸਿੰਘ ਕਾਲਖ,ਜ਼ਿਲ੍ਹਾ ਲੁਧਿਆਣਾ ਦੇ ਚੇਅਰਮੈਨ ਡਾ ਭਗਵੰਤ ਸਿੰਘ ਬਡ਼ੂੰਦੀ,ਜ਼ਿਲ੍ਹਾ ਪ੍ਰੈੱਸ ਸਕੱਤਰ ਡਾ ਕੇਸਰ ਸਿੰਘ ਧਾਂਦਰਾ,ਬਲਾਕ ਚੇਅਰਮੈਨ ਡਾ ਮੇਵਾ ਸਿੰਘ ਤੁੰਗਾਹੇੜੀ,ਬਲਾਕ ਕੈਸ਼ੀਅਰ ਡਾ ਹਰਬੰਸ ਸਿੰਘ ਬਸ਼ਰਾਵਾਂ,ਡਾ ਧਰਮਿੰਦਰ ਸਿੰਘ ਪੱਬੀਆਂ,ਡਾ ਪੁਸ਼ਪਿੰਦਰ ਸਿੰਘ ਬੋਪਾਰਾਏ,ਡਾ ਹਰਪ੍ਰੀਤ ਸਿੰਘ ਪੱਖੋਵਾਲ,ਮੈਡਮ ਰਮਨਦੀਪ ਕੌਰ ਪੱਖੋਵਾਲ ਨੇ ਰਾਜਸਥਾਨ ਦੇ ਬੀਕਾਨੇਰ ਵਿਖੇ ਕੈਂਸਰ ਹਸਪਤਾਲ ਪਹੁੰਚ ਕੇ ਡਾ.ਰਾਜੂ ਖਾਨ ਘੁਮਾਣ ਅਤੇ ਉਸ ਦੇ ਪੁੱਤਰ ਨੂੰ ਹੌਸਲਾ ਦਿੰਦੇ ਹੋਏ ਜ਼ਿਲ੍ਹਾ ਲੁਧਿਆਣਾ ਤੀਹ ਬਲਾਕ ਪੱਖੋਵਾਲ ਵੱਲੋਂ ਵਿੱਤੀ ਸਹਾਇਤਾ ਦਿੱਤੀ ਗਈ।
ਇਸ ਉਪਰੰਤ ਡਾ ਰਾਜੂ ਖ਼ਾਨ ਦੇ ਬੇਟੇ ਲਈ ਜਥੇਬੰਦੀ ਦੇ ਆਗੂਆਂ ਵੱਲੋਂ 5 ਯੂਨਿਟ ਬਲੱਡ ਵੀ ਦਾਨ ਦਿੱਤਾ ਗਿਆ।
ਸਮੂਹ ਅਹੁਦੇਦਾਰਾਂ ਵਲੋਂ ਡਾ ਰਾਜੂ ਖਾਨ ਦੇ ਪੁੱਤਰ ਦੀ ਜਲਦੀ ਤੰਦਰੁਸਤ ਹੋਣ ਦੀ ਕਾਮਨਾ ਕੀਤੀ ਗਈ ਅਤੇ ਹਮਦਰਦੀ ਪ੍ਰਗਟ ਕਰਦੇ ਹੋਏ ਭਵਿੱਖ ਵਿਚ ਵੀ ਜਥੇਬੰਦੀ ਵੱਲੋਂ ਪੂਰਨ ਸਹਿਯੋਗ ਦੇਣ ਦਾ ਵਿਸ਼ਵਾਸ ਦਿਵਾਇਆ ਗਿਆ ।
