ਹਠੂਰ/ਜਗਰਾਓਂ, ਅਗਸਤ 2020 -(ਮਨਜਿੰਦਰ ਗਿੱਲ)- ਦੋ ਦਿਨ ਪਹਿਲਾਂ ਹਠੂਰ ਮਾਰਕੀਟ ਕਮੇਟੀ ਦੇ ਨਿਯੁਕਤ ਕੀਤੇ ਚੇਅਰਮੈਨ ਤਰਲੋਚਨ ਸਿੰਘ ਝੋਰੜਾਂ ਦੀ ਨਿਯੁਕਤੀ ਖਿਲਾਫ਼ ਹਠੂਰ ਬਲਾਕ ਦੇ ਕਾਂਗਰਸੀਆਂ ਨੇ ਵਿਰੋਧ ਜਿਤਾਇਆ। ਬੀਤੇ ਕੱਲ੍ਹ ਕਮੇਟੀ ਦੇ ਨਵ-ਨਿਯੁਕਤ ਉਪ-ਚੇਅਰਮੈਨ ਦਰਸ਼ਨ ਸਿੰਘ ਲੱਖਾ ਦੀ ਪ੍ਰਧਾਨਗੀ ਹੇਠ ਮਾਰਕੀਟ ਕਮੇਟੀ ਦੇ 15 ਮੈਂਬਰਾਂ ਵਿੱਚੋਂ 11 ਮੈਂਬਰਾਂ ਨੇ ਰੱਖੀ ਮੀਟਿੰਗ’ਚ ਸਹਿਮਤੀ ਪ੍ਰਗਟ ਕਰਦਿਆਂ ਭਾਗ ਲਿਆ ।
ਉਪ-ਚੇਅਰਮੈਨ ਦਰਸ਼ਨ ਸਿੰਘ ਲੱਖਾ ਅਤੇ ਸਾਥੀਆਂ ਦਾ ਤਰਕ ਸੀ ਕਿ ਤਰਲੋਚਨ ਸਿੰਘ ਝੋਰੜਾਂ ਦਾ ਵਿਧਾਨ ਸਭਾ ਹਲਕਾ ਜਗਰਾਉਂ ਨਾਲ ਕੋਈ ਵਾਸਤਾ ਨਹੀਂ ਹੈ । ਜਦਿ ਕਿ ਕਾਂਗਰਸ ਪਾਰਟੀ ਨੂੰ ਲੰਬੇ ਸਮੇਂ ਤੋਂ ਸਮਰਪਿਤ ਅਜ਼ਿਹੇ ਆਗੂ ਹਲਕੇ’ਚ ਮੌਜ਼ੂਦ ਹਨ ਉਨ੍ਹਾਂ ਨੂੰ ਅੱਖੋਂ ਪਰੋਖੇ ਕਰਕੇ ਝੋਰੜਾਂ ਨੂੰ ਚੇਅਰਮੈਨ ਲਾਉਣਾ ਗਲਤ ਫੈਸਲਾ ਹੈ ।ਮੀਟਿੰਗ ਵਿਚ ਸ਼ਾਮਿਲ ਮੈਂਬਰ ਬੂੜਾ ਸਿੰਘ ਗਿੱਲ ਹਠੂਰ, ਗੁਰਮੀਤ ਸਿੰਘ ਬੁਰਜ ਕੁਲਾਰਾ, ਬਲਜਿੰਦਰ ਸਿੰਘ ਮਾਣੂੰਕੇ,ਮਨੋਜ ਕੁਮਾਰ ਚਕਰ,ਨਿਰੋਤਮ ਸਿੰਘ ਦੇਹੜਕਾ,ਹਾਕਮ ਸਿੰਘ ਲੰਮੇ,ਰਣਜੋਧ ਸਿੰਘ ਹਠੂਰ,ਪਰਮਜੀਤ ਕੌਰ ਚਕਰ,ਦਰਸਨ ਸਿੰਘ ਹਠੂਰ,ਤੇਜ ਪ੍ਰਕਾਸ ਹਠੂਰ,ਰਵਿੰਦਰ ਕੁਮਾਰ ਰਾਜੂ ਨੇ ਕਾਂਗਰਸ ਹਾਈਕਮਾਂਡ ਨੂੰ ਇਸ ਫੈਸਲੇ ਤੇ ਮੁੱੜ ਤੋਂ ਨਜ਼ਰਸਾਨੀ ਕਰਨ ਦੀ ਅਪੀਲ ਕਰਦਿਆਂ ਆਖਿਆ ਕਿ ਹਲਕੇ ਦੇ ਸੀਨੀਅਰ ਆਗੂਆਂ ਨੂੰ ਅੱਖੋਂ ਪਰੋਖੇ ਕਰਨਾ ਪਾਰਟੀ ਨੂੰ ਨੁਕਸਾਨ’ਚ ਲੈ ਜਾ ਸਕਦਾ ਹੈ ।ਹਠੂਰ ਕਮੇਟੀ’ਚ ਹਲਕੇ ਦੇ ਦਸ ਪਿੰਡ,ਛੇ ਦਾਣਾ ਮੰਡੀਆਂ ਆਉਂਦੀਆਂ ਹਨ ਇਹ ਸਮੁੱਚਾ ਏਰੀਆ ਤਹਿਸੀਲ ਜਗਰਾਓ ਦਾ ਅਹਿਮ ਹਿੱਸਾ ਹੈ । ਉਨਾਂ ਪਾਰਟੀ ਹਾਈਕਮਾਂਡ,ਕੈਪਟਨ ਅਮਰਿੰਦਰ ਸਿੰਘ,ਸੂਬਾ ਸਰਕਾਰ ਨੂੰ ਚੇਤਾਵਨੀ ਦਿੱਤੀ ਕਿ ਬਾਹਰਲੇ ਹਲਕੇ ਦਾ ਚੇਅਰਮੈਨ ਉਨ੍ਹਾਂ ਨੂੰ ਮਨਜ਼ੂਰ ਨਹੀਂ ਹੈ । ਜੇਕਰ ਉਨ੍ਹਾਂ ਦੀ ਸੁਣਵਾਈ ਨਹੀਂ ਹੁੰਦੀ ਤਾਂ ਪਾਰਟੀ ਨੂੰ ਹੋਣ ਵਾਲੇ ਨੁਕਸਾਨ ਦੇ ਪਾਰਟੀ ਆਗੂ ਜੁੰਮੇਵਾਰ ਹੋਣਗੇ।ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਸਾਬਕਾ ਸਰਪੰਚ ਤੇਜ ਪ੍ਰਕਾਸ,ਸਾਬਕਾ ਸਰਪੰਚ ਮਲਕੀਤ ਸਿੰਘ ਲੰਮੇ,ਬੂਟਾ ਸਿੰਘ ਚਕਰ,ਬਲਵੀਰ ਸਿੰਘ ਬੁੱਟਰ,ਸੁਖਦੇਵ ਸਿੰਘ,ਘੋਨਾ ਸਿੰਘ,ਪਰਸਨ ਸਿੰਘ.ਜਰਨੈਲ ਸਿੰਘ ਆਦਿ ਹਾਜ਼ਰ ਸਨ।
