ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਪਿੰਡ ਗਾਲਿਬ ਕਲਾਂ ਦੇ ਪੱਤਰਕਾਰ ਹਰਿੰਦਰ ਸਿੰਘ ਚਾਹਲ ਦੀ ਪੱੁਤਰੀ ਗੁਰਵੀਨ ਕੋਰ ਨੇ ਸੀ.ਬੀ.ਐਸ.ਈ 10ਵੀ ਕਲਾਸ ਦੇ ਨਤੀਜੇ ‘ਚੋ ਸੈਕਰਡ ਹਾਰਟ ਕਾਨਵੈਟ ਸਕੂਲ ਜਗਰਾਉ ਵਿੱਚੌ 96 ਫੀਸਦੀ ਅੰਕ ਲੈ ਕੇ ਸਕੂਲ ‘ਚੋ ਟਾਪ ਕੀਤਾ।ਗੁਰਵੀਨ ਕੋਰ ਦੇ ਘਰ ਵਧਾਈਆਂ ਦੇਣ ਵਾਲਿਆਂ ਦਾ ਤਾਂਤਾ ਲੱਗਾ ਹੈ।ਇਸ ਸਮੇ ਗੁਰਵੀਨ ਕੋਰ ਦੇ ਚਾਚਾ ਅਤੇ ਪੰਜਾਬ ਨੰਬਰਦਾਰਾ ਯੂਨੀਅਨ ਦੇ ਸੂਬਾ ਪ੍ਰਧਾਨ ਪਰਮਿੰਦਰ ਸਿੰਘ ਗਾਲਿਬ ਨੇ ਕਿਹਾ ਕਿ ਸਾਡੀ ਭਤੀਜੀ ਦੇ ਵਧੀਆ ਨੰਬਰ ਲੈਣ ਦਾ ਸਿਹਰਾ ਸਕੂਲ ਦੇ ਮਿਹਨਤੀ ਸਟਾਫ ਤੇ ਮਾਪਿਆਂ ਨੂੰ ਜਾਦਾ ਹੈ ਜਿੰਨ੍ਹਾਂ ਨੇ ਸਮੇ ਸਿਰ ਪੜਾਈ ਵਿਚ ਉਸ ਦੀ ਮਦਦ ਕੀਤੀ ।ਇਸ ਸਮੇ ਗੁਰਵੀਨ ਨੇ ਦਸਿਆ ਕਿ ਪੜ੍ਹਾਈ ਕਰਕੇ ਆਈ.ਏ.ਐਸ.ਬਣਨਾ ਚਾਹੁੰਦੀ ਹੈ ਤਾਂ ਜੋ ਉਹ ਆਪਣੇ ਮਾਪਿਆਂ ਅਤੇ ਸਕੂਲ ਦਾ ਨਾਂ ਰੋਸ਼ਨ ਕਰ ਸਕੇ।ਗੁਰਵੀਨ ਨੇ 96 ਫੀਸਦੀ ਅੰਕ ਪ੍ਰਾਪਤ ਕਰ ਕੇ ਆਪਣੇ ਮਾਤਾ-ਪਿਤਾ,ਸਕੂਲ ਅਤੇ ਪਿੰਡ ਦਾ ਨਾਂ ਰੋਸ਼ਨ ਕੀਤਾ ਹੈ।ਇਸ ਸਮੇ ਸਕੂਲ ਦੇ ਅਧਿਆਪਕਾਂ ਨੇ ਮਾਪਿਆਂ ਨੂੰ ਵਧਾਈ ਦਿੱਤੀ ਤੇ ਬੱਚਿਆਂ ਦੇ ਚੰਗੇ ਭਵਿੱਖ ਦੀ ਕਾਮਨਾਂ ਕੀਤੀ।ਇਸ ਦੇ ਨਾਲ ਹੀ ਭਵਿਖ ‘ਚ ਹਰ ਖੇਤਰ ‘ਚ ਬੁਲੰਦੀਆਂ ਹਾਸਲ ਕਰਨ ਲਈ ਆਸ਼ੀਰਵਾਦ ਦਿੱਤਾ।
