ਹਠੂਰ ਜੁਲਾਈ 2020 (ਨਛੱਤਰ ਸੰਧੂ)ਕਾਂਗਰਸ ਸਰਕਾਰ ਦੀਆ ਪੰਜਾਬ ਵਾਸੀਆ ਨਾਲ ਕੀਤੀਆ ਧੱਕੇਸਾਹੀਆ ਅਤੇ ਵਾਅਦਾ ਖਿਲਾਫੀਆ ਦੇ ਵਿਰੋਧ ਵਿੱਚ ਅੱਜ ਜਿੱਥੇ ਸ੍ਰੋਮਣੀ ਅਕਾਲੀ ਦਲ ਵੱਲੋ ਥਾ-ਥਾ ਤੇ ਕਾਂਗਰਸ ਸਰਕਾਰ ਖਿਲਾਫ ਰੋਸ ਮੁਜਾਹਰੇ ਕੀਤੇ ਗਏ,ਉਥੇ ਇਸੇ ਲੜੀ ਤਹਿਤ ਅੱਜ ਸਾਬਕਾ ਵਿਧਾਇਕ ਅਤੇ ਹਲਕਾ ਇੰਚਾਰਜ ਐਸ[ਆਰ[ਕਲੇਰ ਦੇ ਦਿੱਤੇ ਦਿਸਾ ਨਿਰਦੇਸਾ ਤਹਿਤ ਚੇਅਰਮੈਨ ਕਮਲਜੀਤ ਸਿੰਘ ਮੱਲ੍ਹਾ ਅਤੇ ਐਸ[E[ਆਈ ਵਿੰਗ ਦੇ ਪ੍ਰਧਾਨ ਸੰਦੀਪ ਸਿੰਘ ਮੱਲ੍ਹਾ ਦੀ ਅਗਵਾਈ ਹੇਠ ਪਿੰਡ ਮੱਲ੍ਹਾ ਵਿਖੇ ਵੱਡੀ ਗਿਣਤੀ ਵਿੱਚ ਅਕਾਲੀ ਵਰਕਰਾ ਨੇ ਕਾਂਗਰਸ ਸਰਕਾਰ ਵਿਰੁੱਧ ਨਾਅਰੇਬਾਜੀ ਕੀਤੀ।ਇਸ ਮੌਕੇ ਤੇ ਬੋਲਦਿਆ ਸੰਦੀਪ ਸਿੰਘ ਮੱਲ੍ਹਾ ਨੇ ਕਿਹਾ ਕਿ ਕਾਂਗਰਸ ਸਰਕਾਰ ਦੇ ਰਾਜ ਵਿੱਚ ਗਰੀਬ ਪਰਿਵਾਰਾ ਨੂੰ ਦਿੱਤੇ ਜਾ ਰਹੇ ਰਾਸਨ ਵਿੱਚ ਕਾਣੀ-ਵੰਡ ਕੀਤੀ ਜਾ ਰਹੀ ਹੈ।ਉਨ੍ਹਾ ਕਿਹਾ ਕਿ ਇਸ ਸਹੂਲਤ ਦਾ ਫਾਇਦਾ ਲੈਣ ਵਾਲੇ ਗਰੀਬ ਪਰਿਵਾਰਾ ਦੇ ਨੀਲੇ ਕਾਰਡ ਕੱਟ ਕੇ ਰਾਸਨ ਨਹੀ ਦਿੱਤਾ ਜਾ ਰਿਹਾ,ਉਥੇ ਦੂਸਰੇ ਪਾਸੇ ਕਾਂਗਰਸ ਸਰਕਾਰ ਨੇ ਪੈਟਰੋਲ ਅਤੇ ਡੀਜਲ ਤੇ ਵੈਟ ਲਗਾ ਕੇ ਪੈਟਰੋਲ ਦੀਆ ਕੀਮਤਾ ਵਿੱਚ ਹੋਰ ਵਾਧਾ ਕਰਕੇ ਕੋਰੋਨਾ ਮਹਾਂਮਾਰੀ ਦੇ ਦੌਰ ਵਿੱਚ ਪੰਜਾਬ ਵਾਸੀਆ ਦਾ ਜੀਣਾ ਦੁੱਭਰ ਕਰ ਦਿੱਤਾ ਹੈ।ਅਖੀਰ ਉਨ੍ਹਾ ਕਿਹਾ ਕਿ ਅੱਜ ਕਾਂਗਰਸ ਸਰਕਾਰ ਬੁਰ੍ਹੀ ਤਰਾ੍ਹ ਫੇਲ੍ਹ ਸਾਬਤ ਹੋ ਚੁੱਕੀ ਹੈ।ਸਿਰਫ ਤੇ ਸਿਰਫ ਅਕਾਲੀ ਦਲ ਹੀ ਪੰਜਾਬ,ਪੰਜਾਬੀ ਅਤੇ ਪੰਜਾਬੀਅਤ ਦੀ ਹਿਤੈਸੀ ਹੈ।ਇਸ ਸਮੇ ਉਨ੍ਹਾ ਨਾਲ ਪੰਚ ਰਾਮ ਸਿੰਘ,ਪੰਚ ਜਗਰਾਜ ਸਿੰਘ,ਜੱਗਾ ਸਿੱਧੂ,ਕੁਲਜੀਤ ਸਿੱਧੂ,ਜਸਪਾਲ ਸਿੰਘ ਨੰਬਰਦਾਰ,ਕਾਕਾ ਸਿੰਘ,ਪ੍ਰਿਤਪਾਲ ਸਿੰਘ ਸੀਨੀਅਰ ਯੂਥ ਆਗੂ,ਬਿੱਲੂ ਸਰਾ,ਜੱਜ ਸਿੰਘ,ਲਛਮਣ ਸਿੰਘ ਸਰਾਂ,ਲੱਬਾ,ਸਨੀ ਧਾਲੀਵਾਲ ਆਦਿ ਵੱਡੀ ਗਿੱਣਤੀ ਹਾਜਰ ਸਨ।
