ਸਿੱਧਵਾਂ ਬੇਟਂ(ਜਸਮੇਲ ਗਾਲਿਬ) ਜਗਰਾਓਂ ਪ੍ਰੈਸ ਕਲੱਬ ਰਜਿਸਟਰਡ ਦੀ ਹੋਈ ਸਲਾਨਾ ਚੋਣ ਵਿੱਚ ਸੰਜੀਵ ਗੁਪਤਾ ਨੂੰ ਸਰਬਸੰਮਤੀ ਨਾਲ ਪ੍ਰਧਾਨ ਚੁਣਿਆ ਗਿਆ। ਇਸ ਦੇ ਨਾਲ ਹੀ ਗੁਰਦੀਪ ਮਲਕ ਨੂੰ ਜਨਰਲ ਸਕੱਤਰ ਅਤੇ ਅਮਰਜੀਤ ਮਾਲਵਾ ਨੂੰ ਕੈਸੀਅਰ ਚੁਣਿਆ ਗਿਆ। ਸ਼ਨੀਵਾਰ ਨੂੰ ਕਲੱਬ ਦੀ ਹੋਈ ਇਸ ਮੀਟਿੰਗ ਵਿੱਚ ਓ ਪੀ ਭੰਡਾਰੀ ਨੂੰ ਸਰਪ੍ਰਸਤ , ਜੋਗਿੰਦਰ ਸਿੰਘ ਨੂੰ ਚੈਅਰਮੇਨ ਅਤੇ ਸੰਜੀਵ ਮਲਹੋਤਰਾ ਕਾਲਾ ਨੂੰ ਸਹਾਇਕ ਸਕੱਤਰ ਚੁਣਿਆ ਗਿਆ। ਇਸ ਮੀਟਿੰਗ ਵਿੱਚ ਸਰਬ ਸੰਮਤੀ ਨਾਲ ਨਵੇ ਮੈਬਰਾਂ ਦੀ ਐਟਰੀ ਲਈ ਤਿੰਨ ਮੈਬਰੀ ਕਮੇਟੀ ਜਿਸ ਵਿੱਚ ਓ ਪੀ ਭੰਡਾਰੀ, ਜੋਗਿੰਦਰ ਸਿੰਘ ਅਤੇ ਸੁਖਦੇਵ ਗਰਗ ਨੂੰ ਮੈਬਰ ਚੁਣਨ ਦੇ ਅਧਿਕਾਰ ਦਿੱਤੇ ਗਏ। ਇਸ ਦੇ ਨਾਲ ਹੀ ਮੀਟਿੰਗ ਵਿੱਚ ਵੈਬ ਚੈਨਲ ਅਤੇ ਵੈਬ ਸਮੇਤ ਸੋਸਲ ਮੀਡੀਆ 'ਤੇ ਪੱਤਰਕਾਰਤਾ ਦੇ ਨਿਯਮਾਂ ਦੀ ਦੁਰਵਰਤੋ ਅਤੇ ਖਬਰਾਂ ਨੂੰ ਤਰੋੜ ਮਰੋੜ ਕੇ ਸੋਸ਼ਲ ਮੀਡੀਆ 'ਤੇ ਵਾਈਰਲ ਕਰਨ ਵਾਲਿਆ ਖਿਲਾਫ ਸਖਤੀ ਨਾਲ ਨਿਪਟਨ ਦਾ ਫੈਸਲਾ ਕੀਤਾ ਗਿਆ। ਇਸ ਦੇ ਨਾਲ ਹੀ ਪ੍ਰੈਸ ਕਲੱਬ ਵੱਲੋਂ ਪ੍ਰੈਸ ਸ਼ਬਦ ਦੀ ਦੁਰਵਰਤੋ ਅਤੇ ਪੱਤਰਕਾਰਤਾਂ ਦੀ ਆੜ ਵਿੱਚ ਇਸ ਪਵਿੱਤਰ ਪੇਸ਼ੇ ਨੂੰ ਬਦਨਾਮ ਕਰਨ ਵਾਲੇ ਫਰਜੀ ਪੱਤਰਕਾਰਾਂ ਖਿਲਾਫ ਵੀ ਕਾਰਵਾਈ ਕਰਨ ਦਾ ਫੈਸਲਾ ਕੀਤਾ ਗਿਆ। ਇਸ ਮੌਕੇ ਹਰਵਿੰਦਰ ਸਿੰਘ ਖਾਲਸਾ, ਭੁਪਿੰਦਰ ਸਿੰਘ ਮੁਰਲੀ, ਅਜੀਤ ਸਿੰਘ ਅਖਾੜਾ ਵਿਸ਼ਾਲ ਅੱਤਰੇ ਵੀ ਹਾਜਰ ਸਨ।
