ਹਠੂਰ,ਅਪ੍ਰੈਲ 2020-(ਕੌਸ਼ਲ ਮੱਲ੍ਹਾ)-
ਪਿੰਡ ਮੱਲ੍ਹਾ ਦੇ ਕਿਸਾਨਾ ਦੀਆ ਖੇਤਾ ਦੀਆ ਮੋਟਰਾ ਤੋ ਕੇਵਲ ਤਾਰਾ ਚੋਰੀ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ।ਇਸ ਸਬੰਧੀ ਗੱਲਬਾਤ ਕਰਦਿਆ ਪੀੜ੍ਹਤ ਕਿਸਾਨ ਮਨਜੀਤ ਸਿੰਘ ਪੁੱਤਰ ਹਰਨੇਕ ਸਿੰਘ ਵਾਸੀ ਮੱਲ੍ਹਾ ਨੇ ਦੱਸਿਆ ਕਿ ਮੇਰਾ ਖੇਤ ਮੀਨੀਆ ਵਾਲੇ ਕੱਚੇ ਰਸਤੇ ਤੇ ਹੈ ਅਤੇ ਅੱਜ ਜਦੋ ਮੈ ਰੋਜਾਨਾ ਦੀ ਤਰ੍ਹਾ ਆਪਣੇ ਖੇਤ ਗੇੜਾ ਮਾਰਨ ਗਿਆ ਤਾਂ ਮੋਟਰ ਦੀ ਕੇਵਲ ਤਾਰ ਚੋਰੀ ਹੋ ਚੁੱਕੀ ਸੀ ਜਿਸ ਦੀ ਕੀਮਤ ਲਗਭਗ 1500 ਰੁਪਏ ਬਣਦੀ ਹੈ।ਉਨ੍ਹਾ ਦੱਸਿਆ ਕਿ ਇਸੇ ਰਸਤੇ ਤੇ ਨੇੜਲੇ ਖੇਤਾ ਵਾਲੇ ਕਿਸਾਨ ਸੁਖਰਾਜ ਸਿੰਘ ਪੁੱਤਰ ਮਲਕੀਤ ਸਿੰਘ ਅਤੇ ਹਰੀ ਸਿੰਘ ਪੁੱਤਰ ਜੋਗਾ ਸਿੰਘ ਦੀਆ ਮੋਟਰਾ ਦੀਆ ਤਾਰਾ ਵੀ ਚੋਰਾ ਵੱਲੋ ਚੋਰੀ ਕੀਤੀਆ ਗਈਆ ਹਨ।ਉਨ੍ਹਾ ਕਿਹਾ ਕਿ ਪਿੰਡ ਮੱਲ੍ਹਾ ਵਿਚ ਕੋਰੋਨਾ ਵਾਇਰਸ ਦੇ ਕਾਰਨ ਪਿੰਡ ਵਾਸੀਆ ਵੱਲੋ 24 ਘੰਟੇ ਨਾਕੇ ਲਗਾਏ ਗਏ ਹਨ ਪਰ ਫਿਰ ਵੀ ਚੋਰਾ ਦੇ ਹੋਸਲੇ ਬੁਲੰਦ ਹਨ।ਉਨ੍ਹਾ ਦੱਸਿਆ ਕਿ ਪਿੰਡ ਦੀ ਗ੍ਰਾਮ ਪੰਚਾਇਤ ਨੂੰ ਚੋਰੀ ਸਬੰਧੀ ਜਾਣਕਾਰੀ ਦੇ ਦਿੱਤੀ ਹੈ ਅਤੇ ਥਾਣਾ ਹਠੂਰ ਨੂੰ ਵੀ ਲਿਖਤੀ ਦਰਖਾਸਤ ਜਲਦੀ ਦੇ ਦਿੱਤੀ ਜਾਵੇਗੀ।
