ਸਿੱਧਵਾਂ ਬੇਟ/ਜਗਰਾਓਂ/ਲੁਧਿਆਣਾ, ਫਰਵਰੀ 2020- (ਜਸਮੇਲ ਗਾਲਿਬ,ਗੁਰਦੇਵ ਗਾਲਿਬ)-
ਸਤਲੁਜ ਵੈੱਲਫੇਅਰ ਪੈ੍ਰੱਸ ਕਲੱਬ ਦੀ ਮੀਟਿੰਗ ਪ੍ਰਧਾਨ ਬੀ.ਐੱਸ. ਰਾਣਾ ਤੇ ਚੇਅਰਮੈਨ ਸਤਨਾਮ ਸਿੰਘ ਹੰਬੜਾਂ ਦੀ ਅਗਵਾਈ ਹੇਠ ਹੋਈ | ਇਸ ਮੌਕੇ ਮੀਟਿੰਗ 'ਚ ਪੱਤਰਕਾਰਾਂ ਨੂੰ ਆ ਰਹੀਆਂ ਮੁਸ਼ਕਿਲਾਂ ਬਾਰੇ ਵਿਚਾਰ ਵਟਾਂਦਰਾ ਕੀਤਾ ਗਿਆ | ਇਸ ਮੌਕੇ ਪ੍ਰਧਾਨ ਸ੍ਰੀ ਰਾਣਾ, ਚੇਅਰਮੈਨ ਸ੍ਰੀ ਹੰਬੜਾਂ, ਕਲੱਬ ਦੇ ਜਰਨਲ ਸਕੱਤਰ ਡਾ: ਜਗਦੇਵ ਸਿੰਘ ਕੈਂਥ ਅਤੇ ਸਵਰਨ ਗੌਾਸਪੁਰੀ ਨੇ ਕਿਹਾ ਕਿ ਪੰਜਾਬ ਸਰਕਾਰ ਦੀ ਤਰ੍ਹਾਂ ਕੇਂਦਰ ਸਰਕਾਰ ਵੀ ਨੈਸ਼ਨਲ ਹਾਈਵੇ 'ਤੇ ਪੱਤਰਕਾਰ ਭਾਈਚਾਰੇ ਦੀ ਟੂਲਪਲਾਜੇ 'ਤੇ ਜਬਰੀ ਕੱਟੀ ਜਾਂਦੀ ਪਰਚੀ ਮਾਫ਼ ਕੀਤੀ ਜਾਵੇ | ਸਤਲੁਜ ਵੈੱਲਫੇਅਰ ਪੈ੍ਰੱਸ ਕਲੱਬ ਵਲੋਂ ਲੁਧਿਆਣੇ ਦੇ ਸੰਸਦ ਮੈਂਬਰ ਰਵਨੀਤ ਸਿੰਘ ਬਿੱਟੂ ਅਤੇ ਡਿਪਟੀ ਕਮਿਸ਼ਨਰ ਲੁਧਿਆਣਾ ਨੂੰ ਟੋਲ ਮੁਆਫ਼ ਕਰਵਾਉਣ ਸਬੰਧੀ ਮੰਗ ਪੱਤਰ ਦਿੱਤਾ ਜਾਵੇਗਾ | ਇਸ ਮੌਕੇ ਸਤਲੁਜ ਵੈਲਫੇਅਰ ਪੈ੍ਰੱਸ ਕਲੱਬ ਨਾਲ ਜੁੜੇ ਪੱਤਰਕਾਰ ਭਾਈਚਾਰੇ ਨੂੰ ਮੈਂਬਰਸ਼ਿੱਪ ਦੇ ਪਹਿਚਾਣ ਪੱਤਰ ਦਿੱਤੇ ਗਏ | ਅਗਲੀ ਮੀਟਿੰਗ ਕਸਬਾ ਹੰਬੜਾਂ ਵਿਖੇ 14 ਮਾਰਚ ਨੂੰ ਕੀਤੀ ਜਾ ਰਹੀ ਹੈ, ਜਿਸ ਮੀਟਿੰਗ 'ਚ ਪੱਤਰਕਾਰਾਂ ਨੂੰ ਵੱਧ ਤੋਂ ਵੱਧ ਪੁੱਜਣ ਦੀ ਅਪੀਲ ਕੀਤੀ | ਇਸ ਮੌਕੇ ਲਾਡੋਵਾਲ ਤੋਂ ਰਵੀ ਗਾਦੜਾ, ਗਗਨਦੀਪ ਸਿੰਘ ਚੌਾਕੀਮਾਨ, ਅਕਾਈ ਪ੍ਰਧਾਨ ਮਲਕੀਤ ਸਿੰਘ ਭੱਟੀਆਂ, ਕੁਲਦੀਪ ਸਿੰਘ ਮਾਨ, ਵਾਇਸ ਚੇਅਰਮੈਨ ਡਾ: ਮਨਜੀਤ ਸਿੰਘ ਲੀਲਾਂ, ਨਸੀਬ ਵਿਰਕ, ਸਰਬਜੀਤ ਧਨੋਆ, ਡਾ: ਕੁਲਵਿੰਦਰ ਸਿੰਘ ਤਲਵੰਡੀ, ਜਸਮੇਲ ਸਿੰਘ ਗਾਲਿਬ, ਗੁਰਦੇਵ ਸਿੰਘ ਗਾਲਿਬ ਆਦਿ ਸ਼ਾਮਿਲ ਸਨ |
