ਜਗਰਾਉਂ -(ਰਾਣਾ ਸੇਖਦੌਲਤ)
ਇੱਥੋ ਨਜ਼ਦੀਕ ਪਿੰਡ ਸੇਖਦੌਲਤ ਵਿਖੇ ਸ੍ਰੀ ਗੁਰੁ ਗੋਬਿੰਦ ਸਿੰਘ ਜੀ ਦੇ ਪ੍ਰਕਾਸ ਦਿਹਾੜੈ ਨੂੰ ਸਮਰਪਿਤ ਮਿਤੀ 29 ਦਸੰਬਰ ਨੂੰ ਵਿਸ਼ਾਲ ਨਗਰ ਕੀਰਤਨ ਸਜਾਇਆ ਜਾ ਰਿਹਾ ਹੈ। ਇਹ ਨਗਰ ਕੀਰਤਨ ਪੂਰੇ ਪਿੰਡ ਦੀ ਪਰਕਰਮਾ ਕਰਦਾ ਹੋਇਆ ਗੁਰਦੁਆਰਾ ਸਾਹਿਬ ਸਮਾਪਿਤ ਹੋਵੇਗਾ ਅਤੇ ਅਖੰਡ ਪਾਠ ਸਾਹਿਬ ਦੇ ਭੋਗ ਪਾਏ ਜਾਣਗੇ ਇਸੇ ਪ੍ਰੋਗਰਾਮ ਨੂੰ ਦੇਖਦੇ ਹੋਏ ਪਿੰਡ ਦੀ ਨੌਜਵਾਨ ਸਭਾ ਨੇ ਪੂਰੇ ਪਿੰਡ ਦੇ ਆਲੇ-ਦੁਆਲੇ ਨੂੰ ਸਾਫ ਕੀਤਾ। ਪਿੰਡ ਦੀ ਮੋਜੂਦਾ ਪੰਚਾਇਤ ਅਤੇ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੇ ਅਪੀਲ ਕੀਤੀ ਕੇ ਚਾਰੇ ਸਾਹਿਬਜਾਦਿਆ ਦੇ ਸ਼ਹੀਦੀ ਸਮਾਗਮ ਚੱਲ ਰਹੇ ਹਨ। ਇਹਨਾ ਦਿਨਾ ਵਿੱਚ ਕੋਈ ਵੀ ਘਰ ਵਿੱਚ ਰੰਗਾ ਰੰਗ ਪ੍ਰੌਗਰਾਮ ਜਾ ਕੋਈ ਵਿਆਹ ਤੇ ਕੋਈ ਸ਼ਗਨ ਵਿਹਾਰ ਨਹੀ ਰੱਖੇਗਾ। ਇਸ ਮੌਕੇ ਸ਼ਮਸ਼ੇਰ ਸਿੰਘ ਰਾਈਵਾਲ, ਜੱਗਾ ਸਿੰਘ ਨੰਬਰਦਾਰ, ਜਤਿੰਦਰ ਸਿੰਘ, ਲਵਪ੍ਰੀਤ ਸਿੰਘ ਲਵੀ, ਹਰਮਨ ਸਿੰਘ ਮੱਲ੍ਹੀ, ਜਸਵੰਤ ਸਿੰਘ ਨੰਬਰਦਾਰ, ਜਿੰਦਰ ਸਿੰਘ ਮਾਨ, ਰਿੰਕਾ ਬਾਬਾ, ਨਿਰਭੈਅ ਸਿੰਘ, ਲਵਪੀ੍ਰਤ ਸਿੰਘ ਲੱਭਾ, ਹਰਜੀਤ ਸਿੰਘ ਖਾਲਸਾ ਆਦਿ ਸਮੂਹ ਨਗਰ ਨਿਵਾਸੀ ਹਾਜ਼ਰ ਸਨ।
