ਜਗਰਾਓਂ/ਮੋਗਾ,ਦਸੰਬਰ 2019-(ਮਨਜਿੰਦਰ ਗਿੱਲ )-
ਗਰੀਨ ਪੰਜਾਬ ਮਿਸ਼ਨ ਟੀਮ ਟਰੱਸਟ (ਰਜਿ:)ਜਗਰਾਉ ਵੱਲੋਂ ਜਗਤ ਸੇਵਕ ਖਾਲਸਾ ਕਾਲਜ ਮਹਿਣਾ ਵਿਖੇ ਕਾਲਜ ਪ੍ਰਬੰਧਕ ਕਮੇਟੀ ਦੇ ਜਨਰਲ ਸਕੱਤਰ ਸਰਦਾਰ ਰੇਸ਼ਮ ਸਿੰਘ ਖਹਿਰਾ ਅਤੇ ਪਿ੍ਰੰਸੀਪਲ ਦਲਜੀਤ ਕੌਰ ਹਠੂਰ ਦੇ ਸਹਿਯੋਗ ਨਾਲ ਦਵਾਈਯੁਕਤ ਬੂਟਿਆਂ (ਮੈਡੀਸਿਨਲ ਪਲਾਂਟਸ) ਦੀ ਪ੍ਰਦਰਸ਼ਨੀ ਮਿਤੀ 23 ਦਸੰਬਰ2019 ਦਿਨ ਸੋਮਵਾਰ ਗਿਆਰਾਂ ਵਜੇ ਤੋਂ ਤਿੰਨ ਵਜੇ ਤੱਕ ਮਹਿਣਾ ਕਾਲਜ ਵਿਖੇ ਲਗਾਈ ਜਾ ਰਹੀ ਹੈ। ਇਸ ਪ੍ਰਦਰਸ਼ਨੀ ਵਿੱਚ ਫਲੈਕਸੀਆਂ ਦੁਆਰਾ ਵੱਖ ਵੱਖ ਬੂਟਿਆਂ ਦੇ ਸਾਡੀ ਅਤੇ ਵਾਤਾਵਰਣ ਦੀ ਚੰਗੀ ਸਿਹਤ ਲਈ ਹੋਣ ਵਾਲੇ ਫ਼ਾਇਦਿਆਂ ਨੂੰ ਪਰਦਰਸ਼ਤ ਕੀਤਾ ਜਾਵੇਗਾ। ਸਮੂਹ ਇਲਾਕਾ ਨਿਵਾਸੀਆਂ ਅਤੇ ਵਾਤਾਵਰਣ ਪ੍ਰੇਮੀਆਂ ਨੂੰ ਇਸ ਪ੍ਰਦਰਸ਼ਨੀ ਦਾ ਵੱਧ ਤੋਂ ਵੱਧ ਫ਼ਾਇਦਾ ਉਠਾਉਣ ਦੀ ਬੇਨਤੀ ਕੀਤੀ ਜਾਂਦੀ ਹੈ। ਇਸ ਸਮੇਂ ਬੂਟਿਆਂ ਦੀ ਮੁਫ਼ਤ ਬੁਕਿੰਗ ਵੀ ਕੀਤੀ ਜਾਵੇਗੀ ਜੋ ਫ਼ਰਵਰੀ ਮਹੀਨੇ ਦੌਰਾਨ ਗਰੀਨ ਪੰਜਾਬ ਮਿਸ਼ਨ ਟੀਮ ਟਰੱਸਟ ਜਗਰਾਉ ਵੱਲੋਂ ਮੁਫ਼ਤ ਦਿੱਤੇ ਜਾਣਗੇ।
