ਸਿੱਧਵਾਂ ਬੇਟ/ਲੁਧਿਆਣਾ,18 ਅਕਤੂਬਰ 2019-(ਜਸਮੇਲ ਗਾਲਿਬ )-
ਦਾਖਾ ਜਿਮਨੀ ਚੋਣ ਨੂੰ ਲੈ ਕੇ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਵੱਲੋਂ ਰੋਡ ਸੋ ਕੀਤਾ ਗਿਆ।ਇਸ ਰੋਡ ਸੋ 'ਚ ਜਿੱਥੇ ਇਲਾਕੇ ਦੀ ਸਮੁੱਚੀ ਲੀਡਰਸਿੱਪ ਨੇ ਹਿੱਸਾ ਲਿਆ ਉਥੇ ਐਡਵੋਕੇਟ ਗੁਰਬਿੰਦਰ ਸਿੰਘ ਸਿੱਧੂ ਨੇ ਵੀ ਵੱਡੀ ਗਿਣਤੀ ਸਮੇਤ ਰੋਡ ਸੋ 'ਚ ਲਿਆ ਹਿੱਸਾ ਇਸ ਸਮੇਂ ਉਹਨਾਂ ਨੇ ਕਿਹਾ ਕਿ ਭਾਵੇ ਪਿਛਲੀ ਵਾਰ ਹਲਕਾ ਦਾਖਾ ਲੋਕਾਂ ਨੇ ਬੜੀਆਂ ਆਸਾਂ ਉਮੀਦਾਂ ਲੈ ਕੇ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਨੂੰ ਜਿੱਤ ਬਖਸੀ ਸੀ ਪਰ ਉਹਨਾਂ ਆਪਣੇ ਸਮੇਂ ਅੰਦਰ ਵਿਕਾਸ ਜਾ ਲੋਕਾਂ ਦੇ ਦੁੱਖ ਸੁੱਖ 'ਚ ਸਹਾਈ ਤਾਂ ਕਿ ਹੋਣਾ ਸੀ ਪਰ ਉਹ ਤਾਂ ਹਲਕਾ ਦਾਖਾ ਦੇ ਲੋਕਾਂ ਨੂੰ ਲਵਾਰਸ ਛੱਡ ਕੇ ਦਿੱਲੀ ਡੇਰੇ ਲਾ ਬੈਠਾ ਜਿਸ ਕਰਕੇ ਲੋਕਾਂ 'ਚ ਭਾਰੀ ਨਿਰਾਸਤਾ ਹੈ ਪਰ ਹੁਣ ਸੂਝਵਾਨ ਵੋਟਰ ਸੱਤਾਧਾਰੀ ਪਾਰਟੀ ਦੇ ਉਮੀਦਵਾਰ ਨੂੰ ਜਿਤਾ ਕੇ ਵਿਧਾਨ ਸਭਾ 'ਚ ਭੇਜਣਗੇ ਤਾਂ ਕਿ ਹਲਕਾ ਦਾਖਾ ਦਾ ਵਿਕਾਸ ਹੋ ਸਕੇ।
