ਵੋਟਰ ਹੁਣ ਹੋ ਗਏ ਸਿਆਣੇ ਝਗੜਾ ਨ੍ਹੀਂ ਕਰਦੇ,
ਲੱਖਾਂ ਚੋਂ ਇੱਕ-ਅੱਧ ਹੁੰਦਾ,ਖੌਰੂ ਤੋਂ ਨੀ ਡਰਦੇ।
ਚੁੱਪ ਚਾਪ ਕਰੋ, ਆਪਣੀ ਵੋਟ ਦਾ ਇਸਤੇਮਾਲ,
ਜਾਗਰੂਕ ਵੋਟਰ ਨ੍ਹੀਂ ਕਰਦਾ, ਧੱਕੇ ਦਾ ਧਮਾਲ।
ਕੁਝ ਲੋਕ ਆਪਣੀ ਪਾਰਟੀ ਦੀਆਂ ਡੀਂਗਾਂ ਮਾਰਦੇ,
ਸ਼ਾਂਤੀ-ਪਸੰਦ ਲੋਕਾਂ ਦਾ ਕਾਲਜਾ ਨੇ ਸਾੜ੍ਹਦੇ।
ਹੁਣ ਤਾਂ ਰਾਜਸੀ ਲੋਕ ਵੀ ਸਬਰ ਨਾਲ ਬੈਠਦੇ,
ਜੇ ਵੋਟਰਾਂ ਨੇ ਸੇਵਾ ਦਾ ਮੌਕਾ ਦਿੱਤਾ ਤਾਂ ਮੱਥਾ ਟੇਕਦੇ।
ਸਿਆਸਤ ਵਾਲੇ ਬੰਦਿਆਂ ਨੂੰ ਜਦੋਂ ਮਿਲਦੀ ਪਾਵਰ,
ਕੁਰੱਪਸ਼ਨ ਦਾ ਬਣ ਜਾਂਦੇ ਨੇ ਸਾਗਰ।
ਸੋਚ ਉਹਨਾਂ ਦੀ ਬਣ ਜਾਂਦੀ, ਸਾਨੂੰ ਕੋਈ ਨ੍ਹੀਂ ਸਕਦਾ ਰੋਕ,
ਤਾਨਾਸ਼ਾਹ ਬਣ ਜਾਵਣ, ਰਾਵਣ ਵਰਗੀ ਹੰਕਾਰੀ ਸੋਚ।
ਇਸ ਦਾ ਇਲਾਜ ਇੱਕੋ ਹੁੰਦਾ, ਕਿਸੇ ਨੂੰ ਨਾ ਦਿਓ ਬਹੁਮੱਤ,
ਗੜਬੜ ਕਰਨ ਵਾਲਿਆਂ ਦੀ ਖੁੰਭ ਦਿਓ ਠੱਪ।
ਰਲਵੀਂ-ਮਿਲਵੀਂ ਸਰਕਾਰ ਡੈਮੋਕਰੇਸੀ ਦਾ ਰੂਪ,
ਨੁਮਾਇੰਦਗੀ ਸਭ ਦੀ, ਦੇਸ਼ ਨੂੰ ਕਰੇ ਮਜਬੂਤ।
ਜਿਹੜੇ ਕਹਿੰਦੇ ਵਾਰ-ਵਾਰ ਦੀਆਂ ਚੋਣਾਂ ਰੋਕਣ ਵਿਕਾਸ,
ਬਹੁਤ ਜਿਆਦਾ ਤੇਜ਼ੀ-ਤਰੱਕੀ, ਕੁਦਰਤ ਦਾ ਕਰੇ ਵਿਨਾਸ।
ਕੁਦਰਤ ਨੇ ਦਿੱਤੇ, ਬੰਦੇ ਨੂੰ ਅਨਮੋਲ ਖਜ਼ਾਨੇ,
ਸਹਿਜ ਕੋਸ਼ਿਸ਼ਾਂ ਹੀ, ਲਾਉਣ ਸੰਤੁਲਿਤ ਨਿਸ਼ਾਨੇ।
ਆਪਣੇ ਨਾਲੋਂ ਦੂਜਿਆਂ ਦਾ,ਭਲਾ ਜਿਆਦਾ ਸੋਚੋ,
ਸੱਭ ਵਿੱਚ ਰੱਬ ਵੱਸਦਾ, ਪਿਆਰ ਸੁਨੇਹਾ ਦਿਓ ਲੋਕੋ।
ਕਹਿਣੀ ਤੇ ਕਰਨੀ ਵਿੱਚ ਫਰਕ ਨ੍ਹੀਂ ਹੋਣਾ ਚਾਹੀਦਾ,
ਭੇਦ-ਭਾਵ,ਵਿਤਕਰਿਆਂ ਦਾ ਰੰਡੀ-ਰੋਣਾ ਨ੍ਹੀਂ ਹੋਣਾ ਚਾਹੀਦਾ।
ਅਮਰਜੀਤ ਸਿੰਘ ਤੂਰ
ਪਿੰਡ ਕੁਲਬੁਰਛਾਂ ਜਿਲਾ ਪਟਿਆਲਾ
ਹਾਲ ਆਬਾਦ #639/40ਏ ਚੰਡੀਗੜ੍ਹ।
