ਮੁਫਤ ਮੈਡੀਕਲ ਕੈਂਪ ਵਿੱਚ 225 ਮਰੀਜਾਂ ਦੀ ਕੀਤੀ ਜਾਂਚ
ਭੀਖੀ, 28 ਫਰਵਰੀ ( ਕਮਲ ਜਿੰਦਲ) ਸ਼ਹਿਰ ਦੇ ਕੁੱਝ ਉੱਦਮੀ ਨੌਜਵਾਨਾਂ ਵੱਲੋਂ ਸਥਾਨਕ ਸ਼ਿਵ ਮੰਦਰ ਵਿਖੇ ਵਿਸ਼ਾਲ ਮੁਫਤ ਮੈਡੀਕਲ ਕੈਂਪ ਲਾਇਆ ਗਿਆ।ਕੈਂਪ ਦਾ ਉਦਘਾਟਨ ਹੱਡੀਆਂ ਦੇ ਮਾਹਿਰ ਡਾ. ਵਿਵੇਕ ਬਾਂਸਲ ਬਠਿੰਡਾ ਅਤੇ ਐਮਡੀ ਮੈਡੀਸਨ ਡਾ. ਜੀਵਨ ਗਰਗ ਨੇ ਕੀਤਾ।ਇਸ ਮੌਕੇ ਵਿਸੇਸ਼ ਮਹਿਮਾਨ ਵੱਜੋਂ ਸਮਾਜ ਸੇਵੀ ਚੁਸ਼ਪਿੰਦਰਵੀਰ ਚਹਿਲ, ਦਰਸ਼ਨ ਸਿੰਘ ਕਾਂਗੜਾ ਕੌਮੀ ਪ੍ਰਧਾਨ ਭਾਰਤੀਯ ਅੰਬੇਡਕਰ ਮਿਸ਼ਨ ਭਾਰਤ,ਭਗਵੰਤ ਸਿੰਘ ਚਹਿਲ ਰੀਡਰ ਡੀਐਸਪੀ ਸਬ ਡਵੀਜਨ ਮਾਨਸਾ, ਰਾਵਲ ਸਿੰਘ ਕੋਟੜਾ, ਜਤਿੰਦਰ ਕੁਮਾਰ ਵਿੱਕੀ ਅਤੇ ਨਵਜੋਤ ਜਿੰਦਲ ਨੇ ਸ਼ਿਰਕਤ ਕੀਤੀ।ਉਨ੍ਹਾਂ ਉੱਦਮੀ ਨੌਜਵਾਨਾਂ ਵੱਲੋਂ ਕੀਤੇ ਇਸ ਉਪਰਾਲੇ ਦੀ ਸਲਾਘਾ ਕਰਦਿਆਂ ਕਿਹਾ ਕਿ ਹਰ ਇੱਕ ਨੌਜਵਾਨ ਨੂੰ ਸਮਾਜਿਕ ਬੁਰਾਈਆਂ ਤੋਂ ਦੂਰ ਰਹਿ ਕੇ ਸਮਾਜ ਸੇਵਾ ਦੇ ਕੰਮਾਂ ਵਿੱਚ ਆਪਣਾ ਯੋਗਦਾਨ ਪਾਉਣਾ ਚਾਹੀਦਾ ਹੈ ਅਤੇ ਇੱਕਜੁੱਟ ਹੋ ਕੇ ਸਮਾਜ ਦੀ ਬਿਹਤਰੀ ਲਈ ਕੰਮ ਕਰਨੇ ਚਾਹੀਦੇ ਹਨ। ਉਨ੍ਹਾਂ ਨੌਜਵਾਨਾਂ ਦੇ ਇਸ ਉਪਰਾਲੇ ਦੀ ਸਲਾਘਾ ਕਰਦਿਆਂ ਨੌਜਵਾਨਾਂ ਨੂੰ ਵਧਾਈ ਦਿੱਤੀ। ਭੀਖੀ ਕੈਮਿਸਟ ਐਸੋਸੀਏਸ਼ਨ ਦੇ ਪ੍ਰਧਾਨ ਡਾ. ਮਨਪ੍ਰੀਤ ਸਿੰਘ ਸਿੱਧੂ ਨੇ ਕਿਹਾ ਕਿ ਅਜਿਹੇ ਕੈਂਪ ਜਰੂਰਤਮੰਦ ਲੋਕਾਂ ਲਈ ਲਾਹੇਬੰਦ ਸਾਬਤ ਹੁੰਦੇ ਹਨ।ਕੈਂਪ ਪ੍ਰਬੰਧਕ ਰਜਨੀਸ਼ ਸ਼ਰਮਾ ਨੇੱ ਦੱਸਿਆ ਕਿ ਇਸ ਕੈਂਪ ਹੱਡੀਆਂ ਦੇ ਮਾਹਿਰ ਡਾ. ਵਿਵੇਕ ਬਾਂਸਲ ਬਠਿੰਡਾ ਨੇ 150 ਅਤੇ ਡਾ. ਜੀਵਨ ਗਰਗ ਐਮਡੀ ਮੈਡੀਸਨ ਨੇ 80 ਦੇ ਕਰੀਬ ਮਰੀਜਾਂ ਦਾ ਚੈਕ ਅੱਪ ਕੀਤਾ ਅਤੇ ਜਰੂਰਤਮੰਦ ਮਰੀਜ਼ਾਂ ਨੂੰ ਦਵਾਈਆਂ ਵੀ ਮੁਫਤ ਦਿੱਤੀਆਂ ਗਈਆਂ। ਉਨ੍ਹਾਂ ਦੱਸਿਆ ਕਿ ਜਰੂਰਤਮੰਦ ਮਰੀਜਾਂ ਦੀ ਈਸੀਜੀ, ਬਲੱਡ ਪ੍ਰੈਸਰ ਅਤੇ ਬਲੱਡ ਸ਼ੂਗਰ ਦੀ ਜਾਂਚ ਵੀ ਫਰੀ ਕੀਤੀ ਗਈ।ਸਮਾਜ ਸੇਵੀ ਬਲਰਾਜ ਬਾਂਸਲ ਨੇ ਕਿਹਾ ਕਿ ਲੋਕਾਂ ਦੇ ਸਹਿਯੋਗ ਨਾਲ ਸਮੇਂ ਸਮੇਂ ਤੇ ਲੋਕ ਭਲਾਈ ਦੇ ਕੰਮ ਕੀਤੇ ਜਾ ਰਹੇ ਹਨ ਜੋ ਕਿ ਅੱਗੇ ਵੀ ਜਾਰੀ ਰਹਿਣਗੇ।ਇਸ ਮੌਕੇ ਆਏ ਮਹਿਮਾਨਾਂ ਨੂੰ ਸਨਮਾਨਿਤ ਵੀ ਕੀਤਾ ਗਿਆ।ਇਸ ਮੌਕੇ ਡਾ. ਮਨਪ੍ਰੀਤ ਸਿੰਘ ਸਿੱਧੂ, ਸੁਨੀਲ ਕੁਮਾਰ ਲੈਬ ਟੈਕਨੀਸ਼ੀਅਨ, ਦਿਰੇਨ ਕੁਮਾਰ ਤੰਵਰ, ਵਿਵੇਕ ਜੈਨ ਬੱਬੂ, ਮਾ. ਵਰਿੰਦਰ ਸੌਨੀ, ਦੇਸ ਰਾਜ ਮੰਘਾਣੀਆ, ਵਕੀਲ ਸਿੰਘ ਸਹਾਇਕ ਥਾਣੇਦਾਰ, ਧੰਨਜੀਤ ਸਿੰਘ ਭੀਖੀ, ਪ੍ਰਿੰਸ ਬਾਂਸਲ, ਸੁਨੀਲ ਲੈਬੋਰਟਰੀ, ਆਰਕੀਟੈਕਟ ਮਨੌਜ ਗੋਇਲ, ਰਾਜੇਸ਼ ਅਨੇਜਾ ਕਾਲਾ, ਸਰਬਜੀਤ ਕੌਰ ਜੀਐਨਐਮ ਵੀ ਹਾਜਰ ਸਨ।
ਫੋਟੋ-ਮਹਿਮਾਨਾਂ ਨੂੰ ਸਨਮਾਨਿਤ ਕਰਦੇ ਪ੍ਰਬੰਧਕ।
