ਜਗਰਾਉਂ,30 ਜਨਵਰੀ ( ਅਮਿਤ ਖੰਨਾ ) ਇੱਕ ਪਿਤਾ ਦੇ ਲਈ ਉਸਦੇ ਜਵਾਨ ਪੁੱਤ ਦੀ ਮੌਤ ਸਭ ਤੋੰ ਵੱਡਾ ਦੁੱਖ ਹੁੰਦਾ ਹੈ. ਕਈ ਵਾਰ ਪਿਤਾ ਗ਼ਮ ਚ ਢੇਰੀ ਢਾਹ ਬੈਠਦਾ. ਪਰ ਜਗਰਾਓਂ ਚ ਸਮਾਜ ਸੇਵੀ ਹਿੰਮਤ ਵਰਮਾ ਨੇ ਅਪਣੇ ਜਵਾਨ ਪੁੱਤ ਦੇ ਵਿਛੋੜੇ ਦੇ ਦੁੱਖ ਨੁੰ ਜਰੂਰਤਮੰਦਾ ਦੇ ਸੁੱਖ ਚ ਤਬਦੀਲ ਕਰਕੇ ਇੱਕ ਨਵੀਂ ਉਦਾਹਰਣ ਪੇਸ਼ ਕੀਤੀ ਹੈ. ਸੰਨੀ ਵਰਮਾ ਬੁੱਕ ਬੈਂਕ ਜਗਰਾਓਂ ਦਾ ਹੋਣਹਾਰ ਪ੍ਰੋਜੈਕਟ ਡਾਇਰੈਕਟਰ ਸੀ ਜਿਸਨੇ ਆਪਣੀ ਅਗਵਾਈ ਚ ਬੁੱਕ ਬੈਂਕ ਸੋਸਾਇਟੀ ਜਗਰਾਉਂ ਦੇ ਹਜ਼ਾਰਾਂ ਬੱਚਿਆ ਨੁੰ ਕਿਤਾਬਾਂ, ਕਾਪੀਆਂ ਅਤੇ ਫੀਸਾਂ ਉਪਲੱਵਧ ਕਰਾਕੇ ਪੜਾਈ ਜਾਰੀ ਰੱਖਣ ਚ ਸਹਾਇਤਾ ਕੀਤੀ. ਉਸਦੇ ਬਹੁਤ ਵੱਡੇ ਸੁਪਨੇ ਸੀ. ਉਸਦੇ ਇਹ ਸਾਰੇ ਸੁਪਨਿਆਂ ਨੁੰ ਸਾਕਾਰ ਕਰਨ ਲਈ ਸੰਨੀ ਦੇ ਪਿਤਾ ਸਮਾਜਸੇਵੀ ਹਿੰਮਤ ਵਰਮਾ ਬੁੱਕ ਬੈਂਕ ਲਾਇਬ੍ਰੇਰੀ ਨੁੰ ਬੱਚਿਆਂ ਅਤੇ ਸਮਾਜ ਸੇਵੀ ਕੰਮਾਂ ਲਈ ਨਵਾਂ ਰੂਪ ਦੇ ਰਹੇ ਨੇ.ਇਸ ਤੋੰ ਪਹਿਲਾਂ ਉਹਨਾਂ ਦੇ ਪਿਤਾ ਸਵਰਗੀ ਬਾਬੂ ਸਿੰਘ ਸਰਾਫ ਦੀ ਯਾਦ ਵਿੱਚ ਸਮਾਜ ਸੇਵੀ ਕੰਮ ਹੋ ਰਹੇ ਨੇ. ਇਸ ਮੌਕੇ ਸਵੱਛ ਭਾਰਤ ਅਭਿਆਨ ਜਗਰਾਉਂ ਦੇ ਬ੍ਰਾਂਡ ਅੰਬੇਸਡਰ ਕੈਪਟਨ ਨਰੇਸ਼ ਵਰਮਾ ਨੇ ਸੰਨੀ ਵਰਮਾ ਦੀ ਸਲਾਨਾ ਬਰਸੀ ਤੇ ਵਰਕਰਾਂ ਨੂੰ ਰਾਸ਼ਨ ਵੰਡਿਆ. ਉਹਨਾਂ ਕਿਹਾ ਕਿ ਸਵਰਗੀ ਸਨੀ ਵਰਮਾ ਦੇ ਸੁਪਨਿਆਂ ਨੁੰ ਪੂਰਾ ਕਰਨ ਲਈ ਉਹ ਹਿੰਮਤ ਵਰਮਾ ਦੇ ਨਾਲ ਹਮੇਸ਼ਾ ਖੜ੍ਹਣਗੇ. ਇਸ ਮੌਕੇ ਉਹਨਾਂ ਨਾਲ ਜਤਿੰਦਰ ਬਾਂਸਲ ਅਤੇ ਹਰਪਾਲ ਸਿੰਘ ਖੁਰਾਣਾ ਹਾਜਿਰ ਸੀ. ਸਭ ਨੇ ਐਡਵੋਕੇਟ ਸਨੀ ਵਰਮਾ ਨੁੰ ਸ਼ਰਧਾ ਦੇ ਫੁੱਲ ਭੇਂਟ ਕੀਤੇ.
