ਹਠੂਰ,28 ਅਕਤੂਬਰ-(ਕੌਸ਼ਲ ਮੱਲ੍ਹਾ)-ਲੁਧਿਆਣਾ-ਅਬੋਹਰ ਬਰਾਚ ਪਿੰਡ ਡੱਲਾ ਨਹਿਰ ਵਿਚੋ ਇੱਕ ਨੌਜਵਾਨ ਦੀ ਲਾਸ ਮਿਲਣ ਦਾ ਮਾਮਲਾ ਸਾਹਮਣੇ ਆਇਆ ਹੈ ਇਸ ਸਬੰਧੀ ਜਾਣਕਾਰੀ ਦਿੰਦਿਆ ਪੰਜਾਬ ਪੁਲਿਸ ਥਾਣਾ ਹਠੂਰ ਦੇ ਏ ਐਸ ਆਈ ਸੁਰਜੀਤ ਸਿੰਘ ਨੇ ਦੱਸਿਆ ਕਿ ਅੱਜ ਸਵੇਰੇ ਪਿੰਡ ਡੱਲਾ ਦੀ ਮਹਿਲਾ ਸਰਪੰਚ ਦੇ ਪਤੀ ਪ੍ਰਧਾਨ ਨਿਰਮਲ ਸਿੰਘ ਡੱਲਾ ਨੇ ਹਠੂਰ ਪੁਲਿਸ ਨੂੰ ਸੁਚਿਤ ਕੀਤਾ ਕਿ ਪਿੰਡ ਡੱਲਾ ਦੀ ਨਹਿਰ ਦੇ ਪੁੱਲ ਨਜਦੀਕ ਇੱਕ ਨੌਜਵਾਨ ਦੀ ਲਾਸ ਤੈਰ ਰਹੀ ਹੈ।ਇਸ ਦੀ ਸੂਚਨਾ ਮਿਲਣ ਤੇ ਹਠੂਰ ਪੁਲਿਸ ਨੇ ਨੌਜਵਾਨ ਦੀ ਲਾਸ ਨੂੰ ਨਹਿਰ ਵਿਚ ਬਾਹਰ ਕੱਢ ਲਿਆ ਅਤੇ ਇਸ ਲਾਸ ਨੂੰ 72 ਘੰਟੇ ਸਰਕਾਰੀ ਹਸਪਤਾਲ ਜਗਰਾਉ ਦੀ ਮੋਰਚਰੀ ਵਿਖੇ ਸਨਾਖਤ ਲਈ ਰੱਖ ਦਿੱਤਾ ਹੈ ਅਤੇ ਇਲਾਕੇ
ਦੀਆ ਗ੍ਰਾਮ ਪੰਚਾਇਤਾ ਨੂੰ ਵੀ ਸੂਚਨਾ ਦੇ ਦਿੱਤੀ ਹੈ।ਉਨ੍ਹਾ ਦੱਸਿਆ ਕਿ ਮ੍ਰਿਤਕ ਨੌਜਵਾਨ ਦੀ ਉਮਰ ਲਗਭਗ 35 ਸਾਲ ਲੱਗਦੀ ਹੈ ਜਿਸ ਦੇ ਨੀਲੀ ਪੈਟ ਅਤੇ ਡੱਬੀਦਾਰ ਕਮੀਜ ਪਾਈ ਹੋਈ ਹੈ ਅਤੇ ਬਾਕੀ ਤਫਤੀਸ ਜਾਰੀ ਹੈ।
ਫੋਟੋ ਕੈਪਸਨ:-ਡੱਲਾ ਨਹਿਰ ਵਿਚ ਅਣਪਛਾਤੇ ਵਿਅਕਤੀ ਦੀ ਤੈਰਦੀ ਹੋਈ ਲਾਸ।
