ਲੁਧਿਆਣਾ, 09 ਮਾਰਚ (ਅਵਤਾਰ ਰਾਏਸਰ) ਸਵ.ਅਮਰ ਸਿੰਘ ਚਮਕੀਲਾ ਤੇ ਅਮਰਜੋਤ ਕੌਰ ਦੀ 35 ਵੀਂ ਸਲਾਨਾ ਬਰਸੀ ਪਿੰਡ ਦੁੱਗਰੀ ਵਿਖੇ ਮਨਾਈ ਗਈ । ਇਸ ਮੌਕੇ ਪੰਜਾਬ ਦੇ ਨਾਮਵਰ ਕਲਾਕਾਰ ਜਸਵੰਤ ਸੰਦੀਲਾ, ਪਾਲੀ ਦੇਤਵਾਲੀਆ, ਅਵਤਾਰ ਚਮਕ,ਰਣਜੀਤ ਮਣੀ, ਚਮਕ ਚਮਕੀਲਾ, ਮੁਹੰਮਦ ਸਦੀਕ,ਜਸਪਾਲ ਪਾਲੀ ਤੇ ਬੀਬਾ ਜਸਪ੍ਰੀਤ ਸੰਮੀ ,ਸੁਰਿੰਦਰ ਮਾਨ ਤੇ ਕਰਮਜੀਤ ਕੰਮੋ, ਬਿੱਟੂ ਖੰਨੇਵਾਲਾ ਤੇ ਮਿਸ ਸੁਰਮਨੀ, ਦਲੇਰ ਪੰਜਾਬੀ, ਦੇਵ ਮਾਨ ਐਮ ਐਲ ਏ ਨਾਭਾ , ਸੁਰਿੰਦਰ ਲਾਡੀ , ਰੂਪ ਘਾਰੂ ਤੇ ਬੀਬਾ ਅਮਨਜੋਤ, ਚਰਨ ਸਿੰਘ ਬੰਬੀਹਾ, ਮਿੰਟੂ ਧੂਰੀ ਤੇ ਦਲਜੀਤ ਕੌਰ, ਸੁਰਜੀਤ ਭੋਲਾ ਅਤੇ ਹੋਰ ਬਹੁਤ ਸਾਰੇ ਕਲਾਕਾਰਾਂ ਨੇ ਆਪਣੇ ਗੀਤਾਂ ਨਾਲ ਹਾਜ਼ਰੀ ਲਵਾ ਕੇ ਸ਼ਰਧਾਂਜਲੀ ਭੇਂਟ ਕੀਤੀ। ਇਸ ਮੌਕੇ ਪਹੁੰਚੇ ਕਲਾਕਾਰਾਂ ਨੂੰ ਮੇਲਾ ਪ੍ਰਬੰਧਕ ਕਮੇਟੀ ਵੱਲੋਂ ਸਨਮਾਨ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ ਗਿਆ ।
