ਬੜੀ ਕਸ਼ਮਕਸ਼ ਵਿੱਚ,ਹਾਂ ਅੱਜ ਕੱਲ੍ਹ
ਦੁੱਖ ਕਹਿੰਦੇ ਤੈਨੂੰ ਜੀਣ ਨੀ ਦੇਣਾ
ਜਿੰਨੀ ਮਰਜੀ ਰੱਖ ਹੌਂਸਲਾ
ਤੈਨੂੰ ਸੁੱਖ ਦਾ ਸਾਂਹ,ਲੈਣ ਨੀ ਦੇਣਾ।
ਤੇਰੇ ਪਰਿਵਾਰ ਤੇ ਸ਼ਿੱਦਤ ਢਾਉਣੇ
ਬਿਲਕੁਲ ਸਾਰੇ ਭੁੰਜੇ ਲਾਹੁਣੇ
ਤੈਨੂੰ ਪਾਣੀ ਵਾਂਗੂੰ,ਵਹਿਣ ਨੀ ਦੇਣਾ
ਤੈਨੂੰ ਸੁੱਖ ਦਾ ਸਾਂਹ,ਲੈਣ ਨੀ ਦੇਣਾ।
ਦਰਦਾਂ ਨਾਲ "ਕੰਮੋ" ਟਕਰਾ ਗੀ
ਟੱਬਰ ਦੇ ਲਈ ਅੱਗੇ ਆਗੀ
ਕਹੇ ਘਰ ਨੇੜੇ ਤੈਨੂੰ,ਖਲੋਣ ਨੀ ਦੇਣਾ
ਤੈਨੂੰ ਸੁੱਖ ਦਾ ਸਾਂਹ,ਲੈਣ ਨੀ ਦੇਣਾ।
"ਚੰਦ-ਭਾਨ" ਦੀ ਕੁੜੀ ਬਹਾਦੁਰ ਬਾਹਲੀ
ਮਾਪਿਆਂ ਦਿੱਤੀ ਗੁੜ੍ਹਤੀ,ਹਿੰਮਤ ਵਾਲੀ
ਮੈਂ ਬੁਲੰਦ ਹੌਂਸਲਾ,ਕਦੇ ਢਹਿਣ ਨੀ ਦੇਣਾ
ਤੈਨੂੰ ਸੁੱਖ ਦਾ ਸਾਂਹ,ਲੈਣ ਨੀ ਦੇਣਾ।
ਕਰਮਜੀਤ ਕੌਰ,ਸ਼ਹਿਰ-ਮਲੋਟ
ਜਿਲ੍ਹਾ-ਸ਼੍ਰੀ ਮੁਕਤਸਰ ਸਾਹਿਬ, ਪੰਜਾਬ
