ਦਿਲ ਦੀ ਗੱਲ ਜੋ ਕਹਿਣਾ ਚਾਹੇ, ਓਹ ਕਿਤੇ ਜੇ ਕਹਿ ਜਾਵੇ
ਰੱਬਾ ! ਸੋਹਣਿਆ !! ਓਹਦੀ ਸੀਰਤ, ਦਿਲ ਵਿਚ ਲਹਿ ਜਾਵੇ
ਦਿਲ ਦੀ ਗੱਲ ਜੋ................
ਪਿਆਸੀ ਰੂਹ ਮਹੁੱਬਤ ਦੀ, ਨਦੀ ਤੇ ਬਹਿ ਨਹੀਂ ਸਕਦੇ
ਬੜੀ ਕੋਸ਼ਿਸ਼ ਕਰੀਂ ਦੀ ਹੈ, ਜੁਬਾਨੋਂ ਕਹਿ ਨਹੀਂ ਸਕਦੇ
ਬੁਝਾਰਤ ਪਾ ਰਹੇ ਓਹ ਵੀ, ਕਿਤੇ ਜੇ ਰਮਜ਼ ਬੁਝਾ ਜਾਵੇ
ਦਿਲ ਦੀ ਗੱਲ ਜੋ.........
ਕਦੇ ਇਤਫ਼ਾਕ ਹੀ ਬਣਜੇ, ਮੁਲਾਕਾਤਾਂ ਇਵੇਂ ਹੋਵਣ
ਵਰੇ ਓਹ ਮੀਂਹ ਦੇ ਵਾਂਗੂੰ, ਘਣੇ ਕੇਸੂ ਉਹਦੇ ਚੋਵਣ
ਕਿਰੇ ਮੋਤੀ ਲਵਾਂ ਪੀ ਮੈਂ , ਬੰਬੀਹਾ ਬਣਾ ਜਾਵੇ
ਦਿਲ ਦੀ ਗੱਲ ਜੋ ਕਹਿਣਾ ਚਾਹੇ....
ਬਣੇ ਫਿਰ ਗੀਤ "ਬਾਲੀ", ਉਹਦੇ ਇਸ਼ਕ ਦੀ ਧੜਕਣ
ਉਲਾਂਭੇ ਜ਼ਿੰਦਗ਼ੀ ਦੇ ਸਭ, ਰਹੇ ਨਾ ਹੀ ਤੜਫਣ
ਤਰੰਗਾਂ ਦੀ ਸੁੱਤੀ ਸਰਗਮ, "ਰੇਤਗੜ" ਟੁਣਕਾ ਜਾਵੇ
ਦਿਲ ਦੀ ਗੱਲ ਜੌ ਕਹਿਣਾ ਚਾਹੇ.......
ਬਲਜਿੰਦਰ ਬਾਲੀ ਰੇਤਗੜ
+919465129168
