ਲੁਧਿਆਣਾ ਖਬਰਨਾਮਾ ( ਸ ਹਰਵਿੰਦਰ ਭੰਵਰਾ ਦੀ ਰਿਪੋਟ )
ਥਾਣਾ ਡਵੀਜਨ ਨੰ 3 ਅਧੀਨ ਪੈਂਦੇ ਇਲਾਕੇ ਦੇ ਵਾਸੀ ਨਰਿੰਜਣ ਸਿੰਘ, ਮਦਨ ਲਾਲ, ਮਦਨ ਗੋਪਾਲ, ਅਰਵਿੰਦਰ ਸਿੰਘ, ਹਰੀਸ ਕੁਮਾਰ ਅਤੇ ਰਮੇਸ ਨੂੰ ਪੁਲਿਸ ਪਾਰਟੀ ਨੇ ਉਸ ਸਮੇਂ ਗ੍ਰਿਫਤਾਰ ਕਰ ਲਿਆ ਜਦੋਂ ਪੁਲਿਸ ਪਾਰਟੀ ਚੈਕਿੰਗ ਦੇ ਸਬੰਧ ਵਿੱਚ ਖੁਆਜਾ ਕੋਠੀ ਚੌਂਕ ਮੌਜੂਦ ਸੀ ਤਾਂ ਕਿਸੇ ਖਾਸ ਮੁਖਬਰ ਨੇ ਇਤਲਾਹ ਦਿੱਤੀ ਕਿ ਉਕਤ ਦੋਸ਼ੀ ਬਰਾਊਨ ਹੋਟਲ ਬਰਾਊਨ ਰੋਡ ਰੋਟੀ ਖਾਣ ਦੇ ਬਹਾਨੇ ਕਮਰਾ ਖੁੱਲਵਾ ਕੇ ਇਕੱਠੇ ਬੈਠ ਕੇ ਤਾਸ਼ ਨਾਲ ਪੈਸੇ ਲਗਾ ਕੇ ਜੂਆ ਖੇਡ ਰਹੇ ਸਨ। ਜਿਹਨਾਂ ਨੂੰ ਪੁਲਿਸ ਪਾਰਟੀ ਨੇ ਗ੍ਰਿਫਤਾਰ ਕਰ ਲਿਆ ਤੇ ਦੋਸ਼ੀਆਂ ਕੋਲੋਂ 39400 ਰੁਪਏ ਦੇ ਕ੍ਰਾਂਸੀ ਨੋਟ ਅਤੇ 02 ਡੱਬੀਆਂ ਤਾਸ਼ ਬ੍ਰਾਮਦ ਕੀਤੀ ਗਈ। ਕੇਸ ਦੀ ਜਾਂਚ ਸਥਾਨਕ ਪੁਲਿਸ ਵੱਲੋਂ ਕੀਤੀ ਜਾ ਰਹੀ ਹੈ।
