ਤਲਵੰਡੀ ਸਾਬੋ, 23 ਸਤੰਬਰ (ਗੁਰਜੰਟ ਸਿੰਘ ਨਥੇਹਾ)- ਸਨਾਤਨ ਮਹਾਂਵੀਰ ਦਲ ਦੇ ਰਾਸ਼ਟਰੀ ਪ੍ਰਧਾਨ ਰਾਜਨ ਗਰਗ ਸ੍ਰੀ ਬਾਲਾ ਜੀ ਇੱਛਾਪੂਰਤੀ ਮੰਦਰ ਭਾਗੀਵਾਂਦਰ ਵਿਖੇ ਨਤਮਸਤਕ ਹੋਏ। ਹਰ ਹਫ਼ਤੇ ਦੀ ਤਰ੍ਹਾਂ ਇਸ ਵਾਰ ਵੀ ਮੰਗਲਵਾਰ ਨੂੰ ਮੰਗਲ ਮੇਲਾ ਕਰਵਾਇਆ ਗਿਆ ਤੇ ਉਨ੍ਹਾਂ ਮੰਗਲ ਮੇਲੇ ਤੇ ਸ਼੍ਰੀ ਬਾਲਾ ਜੀ ਦੇ ਮੰਦਰ ਵਿੱਚ ਮੱਥਾ ਟੇਕਿਆ ਤੇ ਮੰਦਰ ਦੇ ਮਨਮੋਹਿਕ ਦ੍ਰਿਸ਼ ਨੂੰ ਦੇਖਦਿਆਂ ਮੰਦਰ ਕਮੇਟੀ ਦੀ ਵਿਸ਼ੇਸ਼ ਸ਼ਲਾਘਾ ਕੀਤੀ। ਕਮੇਟੀ ਵੱਲੋਂ ਰਾਜਨ ਗਰਗ ਨੂੰ ਸਨਮਾਨਿਤ ਕੀਤਾ ਗਿਆ ਤੇ ਪ੍ਰਧਾਨ ਰਾਜ ਕੁਮਾਰ ਗਰਗ ਨੇ ਦੱਸਿਆ ਕਿ ਬਾਲਾ ਜੀ ਮਾਹਾਰਾਜ ਦੀ ਅਪਾਰ ਕਿਰਪਾ ਨਾਲ ਤੇ ਦਾਨੀ ਸੱਜਣਾਂ ਦੇ ਸਹਿਯੋਗ ਨਾਲ ਇਹ ਹੋਇਆ ਤੇ ਹੋਰ ਵੀ ਨਿਰਮਾਣ ਹੋ ਰਿਹਾ ਹੈ। ਇਸ ਸਮੇਂ ਮੌੜ ਅਤੇ ਰਾਮਾਂ ਮੰਡੀ ਦੀਆਂ ਕੀਰਤਨ ਮੰਡਲੀ ਵੱਲੋਂ ਬਾਲਾ ਜੀ ਦਾ ਗੁਣਗਾਨ ਕੀਤਾ ਗਿਆ ਤੇ ਮੰਡਲੀ ਦੇ ਪ੍ਰਬੰਧਕਾਂ ਨੂੰ ਕਮੇਟੀ ਵੱਲੋਂ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਪ੍ਰਧਾਨ ਰਾਜ ਕੁਮਾਰ ਗਰਗ, ਵਿਸ਼ੇਸ਼ ਬਾਂਸਲ, ਅਮਰਿੰਦਰ ਸਰਾਂ, ਟੋਨੀ ਨੰਗਲਾ, ਚਿੰਟੂ ਜਿੰਦਲ, ਸੁਭਾਸ਼ ਕੁਮਾਰ, ਈਸ਼ਵਰ ਗਰਗ ਪੱਤਰਕਾਰ ਮੀਡੀਆ ਸਲਾਹਕਾਰ ਆਦਿ ਸਮੇਤ ਹੋਰ ਮੈਂਬਰ ਹਾਜ਼ਰ ਸਨ।
