ਕਵਿਤਾ
ਕਿਸਮਤਾਂ ਨਾਲ ਹੀ ਬਣਦੇ ਨੇ
ਜੋ ਸਭ ਦੀਆਂ ਕਿਸਮਤਾਂ ਬਣਾਉਂਦੇ ਨੇ
ਰੱਬ ਦੀ ਨਜ਼ਰ ਸਵੱਲੀ ਉਹਨਾਂ 'ਤੇ
ਉਹ ਤਾਹੀਂਓਂ ਤਾਂ ਸਾਨੂੰ ਪੜ੍ਹਾਉਂਦੇ ਨੇ
ਜ਼ਿੰਦਗੀ ਕਿਵੇਂ ਏ ਜਿਓਣੀ ਹੁੰਦੀ
ਉਹ ਅਕਸਰ ਸਾਨੂੰ ਸਮਝਾਉਂਦੇ ਨੇ
ਉਹ ਖ਼ੁਦ ਵੀ ਮਿਹਨਤ ਕਰਦੇ ਨੇ
ਤੇ ਮਿਹਨਤ ਕਰਨੀ ਸਿਖਾਉਂਦੇ ਨੇ
ਸਾਡੀ ਖ਼ਾਤਿਰ ਖੁਦ ਨੂੰ ਬਾਲ ਕੇ
ਜੋ ਗਿਆਨ ਦੇ ਦੀਵੇ ਜਗਾਉਂਦੇ ਨੇ
ਝੂਠ ਦੇ ਹਨ੍ਹੇਰੇ 'ਚ ਭਟਕਦਿਆਂ ਨੂੰ
ਉਹ ਸੱਚ ਦਾ ਰਾਹ ਦਿਖਾਉਂਦੇ ਨੇ
ਸੱਜਦਾ ਉਹਨਾਂ ਅਧਿਆਪਕਾਂ ਨੂੰ
ਜੋ ਮਾਰਗ ਦਰਸ਼ਕ ਕਹਾਉਂਦੇ ਨੇ
'ਅਧਿਆਪਕ ਦਿਵਸ' ਮੁਬਾਰਕ ਉਨ੍ਹਾਂ ਨੂੰ
ਜੋ ਸਭ ਦਾ ਭਵਿੱਖ ਰੁਸ਼ਨਾਉਂਦੇ ਨੇ
-ਪ੍ਰੋ. ਬੀਰ ਇੰਦਰ ਸਰਾਂ (ਫ਼ਰੀਦਕੋਟ)
ਸੰਪਰਕ: 97805-50466
