ਦੇਸ਼-ਭਗਤੀ!
-ਜੇ ਤਿਰੰਗਾ ਵੇਚ ਕੇ
ਪੈਸੇ ਕਮਾਉਣਾ
ਵੱਡੀ ਦੇਸ਼ ਭਗਤੀ ਹੈ
ਤਾਂ ਫਿਰ
ਚੋਣਾਂ ਵੇਲੇ
ਮੁਫਤ ਨਸ਼ਾ ਵੰਡਣਾ!
ਪੈਸੇ ਦੇ ਕੇ
ਵੋਟਾਂ ਖਰੀਦਣਾ!
ਝੰਡਾ ਵੇਚਣ ਨਾਲੋਂ
ਵੀ ਸ਼ਾਇਦ
ਬਹੁਤ ਵੱਡੀ
ਦੇਸ਼ ਭਗਤੀ ਹੈ!
ਬੈਂਕਾਂ 'ਚ
ਲੋਕਾਂ ਦੀ ਕਿਰਤ ਕਮਾਈ
ਦਾ ਪਿਆ ਪੈਸਾ
ਖਾਸ ਬੰਦਿਆਂ ਨੂੰ
ਲੁਟਾਉਣਾ,
ਸੰਸਾਰ ਭਰ ਵਿੱਚ
ਸਭ ਤੋਂ ਵੱਡੀ
ਦੇਸ਼ ਭਗਤੀ ਦੀ ਮਿਸਾਲ
ਹੋ ਨਿਬੜੀ ਆ!
ਜਿਨ੍ਹਾਂ 28 ਦੇਸ਼ ਭਗਤਾਂ ਨੇ
ਭਾਰਤੀ ਬੈਂਕਾਂ ਦੇ
ਸੌ ਕੁ ਖਰਬ ਰੁਪਈਏ
ਸਾਂਭੇ ਨੇ
ਉਨ੍ਹਾਂ ਦਾ ਨਾਂ
ਲਾਲ ਕਿਲ੍ਹੇ ਦੀਆਂ
ਕੰਧਾਂ 'ਤੇ
ਸੋਨੇ ਦੀਆਂ ਤਖਤੀਆਂ
ਬਣਾ ਕੇ
'ਦੇਸ਼ ਭਗਤ' ਵਜੋਂ
ਲਿਖ ਦੇਣਾ ਵੀ
ਦੇਸ਼ ਭਗਤੀ ਹੋਵੇਗਾ!
-ਸੁਖਦੇਵ ਸਲੇਮਪੁਰੀ
09780620233
22 ਅਗਸਤ, 2022.
