29 ਦੇ ਤਲਵੰਡੀ ਖੁਰਦ ਵਾਲੇ ਧਾਰਮਿਕ ਮੇਲੇ ਦੇ ਪੋਸਟਰ ਜਾਰੀ ਕੀਤੇ
ਮੁੱਲਾਂਪੁਰ ਦਾਖਾ,25 ਜੂਨ(ਸਤਵਿੰਦਰ ਸਿੰਘ ਗਿੱਲ)—ਹਰ ਸਾਲ ਦੀ ਤਰਾਂ ਇਸ ਵਾਰ ਵੀ ਪਿੰਡ ਤਲਵੰਡੀ ਖੁਰਦ ਦੇ ਪੀਰ ਬਾਬਾ ਢੇਰਾਂ ਵਾਲੇ ਦੀ ਦਰਗਾਹ ਤੇ ਧਾਰਮਿਕ ਮੇਲਾ ਅਤੇ ਭੰਡਾਰਾ ਕਰਵਾਇਆ ਜਾ ਰਿਹਾ ਹੈ ਜਿਸ ਦੀਆਂ ਤਿਆਰੀਆਂ ਮੁਕੰਮਲ ਹਨ। ਅੱਜ ਇਸ ਮੇਲੇ ਦੇ ਪੋਸਟਰ ਜਾਰੀ ਕੀਤੇ ਗਏ ਜਿੱਥੇ ਮੁੱਖ ਪ੍ਰਬੰਧਕ ਤੇਜਾ ਤਲਵੰਡੀ,ਸਰਪੰਚ ਦਰਸ਼ਨ ਸਿੰਘ ਤਲਵੰਡੀ ਖੁਰਦ, ਆੜ੍ਹਤੀ ਸੇਵਾ ਸਿੰਘ ਖੇਲਾ,ਪ੍ਰਧਾਨ ਜਸਵੀਰ ਸਿੰਘ ਜੱਸੀ,ਮਲਕੀਤ ਸਿੰਘ ਔਜਲਾ,ਜਗਦੀਪ ਸਿੰਘ ਪੰਚ,ਦਰਸ਼ਨ ਸਿੰਘ ਅਤੇ ਰਣਜੀਤ ਸਿੰਘ ਜੀਤੀ ਤਲਵੰਡੀ ਵਾਲਾ ਆਦਿ ਹਾਜਰ ਹੋਏ। ਤੇਜਾ ਤਲਵੰਡੀ ਨੇ ਦੱਸਿਆ ਕਿ ਪ੍ਰਧਾਨ ਟੀਰਥ ਸਿੰਘ ਸਰਾਂ ਅਤੇ ਏ ਐਸ ਆਈ ਬੂਟਾ ਸਿੰਘ ਆਦਿ ਨੇ ਦੱਸਿਆ ਕਿ ਇਸ ਅਸਥਾਨ ਤੇ ਲੰਗਰ ਵੀ ਵਰਤਾਇਆ ਜਾਂਦਾ ਹੈ । ਇਸ ਮੇਲੇ ਤੇ ਹਲਕਾ ਵਿਧਾਇਕ ਮਨਪ੍ਰੀਤ ਸਿੰਘ ਇਯਾਲੀ ਕਾਗਰਸ ਪਾਰਟੀ ਦੇ ਹਲਕਾ ਇੰਚਾਰਜ ਕੈਪਟਨ ਸੰਦੀਪ ਸਿੰਘ ਸੰਧੂ ਅਤੇ ਆਪ ਦੇ ਆਗੂ ਡਾਕਟਰ ਕੰਗ ਵੀ ਪੁੱਜ ਰਹੇ ਹਨ। ਜਿੱਥੇ ਇਸ ਧਾਰਮਿਕ ਮੇਲੇ ਤੇ ਪੁੱਜ ਕੇ ਸਵਾਮੀ ਸ਼ੰਕਰਾਨੰਦ ਜੀ ਭੂਰੀ ਵਾਲੇ ਪੀਰ ਬਾਬਾ ਢੇਰਾਂ ਵਾਲੇ ਦੀ ਦਰਗਾਹ ਤੇ ਚਾਦਰ ਚੜਾਉਣ ਦੀ ਰਸਮ ਅਦਾ ਕਰਨਗੇ ਉਥੇ ਇਸ ਮੇਲੇ ਤੇ ਗਾਇਕ ਹਰਨੇਕ ਸਿੰਘ ਘਾੜੂ,ਸੁਖ ਤਲਵੰਡੀ,ਸੁਖਵਿੰਦਰ ਕੋਹਲੀ,ਚਮਕ ਚਮਕੀਲਾ,ਰੇਸ਼ਮ ਸਿੱਧੂ,ਗੋਗੀ ਬਰਸਾਲ ਅਤੇ ਰੇਸ਼ਮ ਸਿੱਧੂ ਆਦਿ ਗਾਇਕ ਆਪਣੀ ਗਾਇਕੀ ਰਾਹੀਂ ਸਰੋਤਿਆਂ ਦਾ ਭਰਪੂਰ ਮਨਰੰਜਨ ਕਰਨਗੇ।
