ਹਠੂਰ,10,ਜੂਨ-(ਕੌਸ਼ਲ ਮੱਲ੍ਹਾ)-ਸਰਕਾਰੀ ਪ੍ਰਾਇਮਰੀ ਸਕੂਲ ਝੋਰੜਾਂ ਦੀ ਨਵੀਂ ਬਣ ਰਹੀ ਇਮਾਰਤ ਦੇ ਤਿੰਨ ਕਮਰਿਆਂ ਦਾ ਅੱਜ ਲੈਂਟਰ ਪਾਇਆ ਗਿਆ ।ਇਸ ਸਬੰਧੀ ਸਕੂਲ ਮੁੱਖੀ ਮੈਡਮ ਸੰਤੋਸ਼ ਬਾਲਾ ਨੇ ਦੱਸਿਆ ਕਿ ਵਿਭਾਗ ਵੱਲੋਂ ਅਤੇ ਐਂਮ ਪੀ ਕੋਟੇ ਵਿੱਚੋਂ ਆਈ ਗ੍ਰਾਂਟ ਨਾਲ ਸਕੂਲ ਦੀ ਪੁਰਾਣੀ ਇਮਾਰਤ ਢਾਹ ਕੇ ਨਵੀਂ ਇਮਾਰਤ ਤਿਆਰ ਕੀਤੀ ਜਾ ਰਹੀ ਹੈ । ਚਲਦੇ ਕੰਮ ਵਿੱਚ ਨਗਰ ਨਿਵਾਸੀਆਂ ਅਤੇ ਸਮੁੱਚੀ ਨਗਰ ਪੰਚਾਇਤ ਵੱਲੋਂ ਬੇਨਤੀ ਕਰਨ ਤੇ ਬਾਬਾ ਗੁਰਜੀਤ ਸਿੰਘ ਜੀ ਨਾਨਕਸਰ ਵਾਲਿਆਂ ਨੇ ਵੀ ਨਵੇਂ ਕਮਰੇ ਬਣਾਉਣ ਵਿੱਚ ਮੱਦਦ ਕੀਤੀ ਹੈ,ਉਨ੍ਹਾ ਕਿਹਾ ਕਿ ਨਗਰ ਨਿਵਾਸੀਆਂ ਅਤੇ ਠੇਕੇਦਾਰ ਨੀਲਾ ਸਿੰਘ ਝੋਰੜਾਂ ਨੇ ਵੀ ਸਕੂਲ ਦੀ ਬਣ ਰਹੀ ਇਮਾਰਤ ਵਿਚ ਵੀ ਵੱਡਾ ਯੋਗਦਾਨ ਪਾਇਆ ਹੈ। ਇਸ ਮੌਕੇ ਐਸ ਐਮ ਸੀ ਕਮੇਟੀ ਮੈਂਬਰ ਮੁਖਤਿਆਰ ਸਿੰਘ,ਨੰਬਰਦਾਰ ਗੁਰਦੇਵ ਸਿੰਘ,ਮੈਡਮ ਅਮਨਦੀਪ ਕੌਰ ,ਸੁਖਦੇਵ ਸਿੰਘ ਜੱਟਪੁਰੀ ਅਤੇ ਠੇਕੇਦਾਰ ਨੀਲਾ ਝੋਰੜਾਂ ਹਾਜ਼ਰ ਸਨ ।
