ਜੱਗ ਤੋਂ ਵਿਛੜੇ, ਕਦੇ ਨਾ ਮਿਲਦੇ
ਕੌਣ ਮਿਲਾਵੇ ਆਣ
ਬਿਰਹਾ ਨਾਵੇਂ ਕਰ ਗਿਆ
ਮੇਰਾ ਬਿਰਹਾ ਦਾ ਸੁਲਤਾਨ
ਤੇਰਿਆਂ ਗੀਤਾਂ ਵਿੱਚ ਵੀ ਮੈਨੂੰ
ਤੇਰੇ ਭੁਲੇਖੇ ਪੈਂਦੇ ਨੇ
ਯਾਦਾਂ ਵਾਲੇ ਪੰਛੀ ਦਿਲ ਦੇ
ਆਣ ਬਨੇਰੇ ਬਹਿੰਦੇ ਨੇ
ਕੱਖਾਂ ਵਰਗੇ ਸੁਪਨੇ ਸਾਡੇ
ਉੱਡ ਗਏ ਵਿੱਚ ਤੂਫਾਨ
ਬਿਰਹਾ ਨਾਵੇਂ….
ਸੱਚ ਹੀ ਕਹਿੰਦਾ ਝੂਠ ਨਾ ਕੋਈ
ਬੇਕਸੂਰ ਸੀ ਲੂਣਾਂ
ਅੱਗ ਦੀ ਉਮਰੇ ਟੁੱਟੀਆਂ ਰੀਝਾਂ
ਕੀ ਸੀ ਉਸ ਦਾ ਜਿਉਣਾ
ਜਿਸ ਤਨ ਲੱਗਦੀ, ਓਹ ਤਨ ਜਾਣੇ
ਟੁੱਟਦੇ ਜਦ ਅਰਮਾਨ
ਬਿਰਹਾ ਨਾਵੇਂ….
ਜੋਬਨ-ਰੁੱਤੇ ਨਹੀਂ ਸੀ ਕਾਹਲਿਆ
ਚੰਦਰੀ ਮੌਤ ਵਿਆਉਂਦੇ
ਐਸੇ ਵਿਆਹ ਦੀ ਸਾਲ ਗਿਰਾ ਨੂੰ
ਬਰਸੀ ਆਖ ਮਨਾਉਂਦੇ
ਹੰਝੂ ਰੌਣਕ ਵੇਖਣ ਦੇ ਲਈ
ਅੱਖੀਆਂ ਦੇ ਵਿੱਚ ਆਣ
ਬਿਰਹਾ ਨਾਵੇਂ….
'ਰਮੇਸ਼' ਦੇ ਦਿਲ ਵਿਚ ਲੈਣ ਉਬਾਲੇ
'ਜਾਨੂੰ' ਇਹੋ ਚਾਵਾਂ
ਸ਼ਿਵ ਦੇ ਵਾਂਗੂੰ ਮੇਰੀਆਂ ਹੋਵਣ
ਸਿਵਿਆਂ ਦੇ ਵਿੱਚ ਲਾਵਾਂ
ਮੈਂ ਕੰਡਿਆਲੀ ਥੋਰ ਬਣਾ
ਤੇ ਉੱਘਾਂ ਵਿੱਚ ਸ਼ਮਸ਼ਾਨ
ਬਿਰਹਾ ਨਾਵੇਂ….
ਲੇਖਕ-ਰਮੇਸ਼ ਕੁਮਾਰ ਜਾਨੂੰ
ਫੋਨ ਨੰ:-98153-20080
