ਜਗਰਾਓ,ਹਠੂਰ,13,ਫਰਵਰੀ-(ਕੌਸ਼ਲ ਮੱਲ੍ਹਾ)-ਕੁਝ ਦਿਨ ਪਹਿਲਾ ਸੀ ਪੀ ਆਈ (ਐਮ)ਦੇ ਜਝਾਰੂ ਆਗੂ ਕਾਮਰੇਡ ਭਗਵਾਨ ਸਿੰਘ ਬਾਗੀਆਂ ਇਸ ਦੁਨੀਆ ਨੂੰ ਸਦਾ ਲਈ ਅਲਵਿਦਾ ਆਖ ਗਏ ਸਨ।ਉਨ੍ਹਾ ਦੀ ਵਿਛੜੀ ਰੂਹ ਦੀ ਸ਼ਾਤੀ ਲਈ ਪ੍ਰਕਾਸ ਕੀਤੇ ਸ੍ਰੀ ਸਹਿਜ ਪਾਠਾ ਦੇ ਭੋਗ ਅੱਜ ਪਿੰਡ ਬਾਗੀਆ ਵਿਖੇ ਪਾਏ।ਇਸ ਮੌਕੇ ਸਰਧਾਜਲੀ ਸਮਾਗਮ ਵਿਚ ਪਹੁੰਚੇ ਸੀ ਪੀ ਆਈ (ਐਮ) ਦੇ ਸੂਬਾ ਸਕੱਤਰ ਕਾਮਰੇਡ ਸੁਖਵਿੰਦਰ ਸਿੰਘ ਸੇਖੋਂ ਨੇ ਕਿਹਾ ਕਿ ਕਾਮਰੇਡ ਭਗਵਾਨ ਸਿੰਘ ਬਾਗੀਆਂ ਪਿਛਲੇ 60 ਸਾਲਾ ਤੋ ਸੀ ਪੀ ਆਈ (ਐਮ) ਦੇ ਝੰਡੇ ਥੱਲੇ ਇੱਕ ਨਿਧੱੜਕ ਆਗੂ ਦੇ ਤੌਰ ਤੇ ਕੰਮ ਕਰਦੇ ਆ ਰਹੇ ਸਨ ਜਿਨ੍ਹਾ ਨੇ ਸਮੇਂ-ਸਮੇਂ ਦੀਆ ਸਰਕਾਰਾ ਖਿਲਾਫ ਕਿਸਾਨਾ ਅਤੇ ਮਜਦੂਰਾ ਲਈ ਵੱਡੇ ਘੋਲ ਲੜ ਕੇ ਜਿੱਤਾ ਪ੍ਰਾਪਤ ਕੀਤੀਆ ਹਨ।ਉਨ੍ਹਾ ਕਿਹਾ ਕਿ ਕਾਮਰੇਡ ਭਗਵਾਨ ਸਿੰਘ ਬਾਗੀਆਂ ਸੀ ਪੀ ਆਈ (ਐਮ)ਦੇ ਇੱਕ ਵਫਾਦਾਰ ਅਤੇ ਮਿਹਨਤੀ ਆਗੂ ਸਨ।ਜਿਨ੍ਹਾ ਦੇ ਜਾਣ ਨਾਲ ਜਿਥੇ ਪਰਿਵਾਰ ਨੂੰ ਵੱਡਾ ਘਾਟਾ ਪਿਆ ਹੈ ਉਥੇ ਉਨ੍ਹਾ ਦੇ ਜਾਣ ਨਾਲ ਸੀ ਪੀ ਆਈ (ਐਮ) ਨੂੰ ਵੀ ਇੱਕ ਨਾ ਪੂਰਾ ਹੋਣ ਵਾਲਾ ਘਾਟਾ ਪਿਆ ਹੈ।ਉਨ੍ਹਾ ਨੂੰ ਹਮੇਸਾ ਪਾਰਟੀ ਵਿਚ ਅਦਬ ਅਤੇ ਸਤਿਕਾਰ ਨਾਲ ਯਾਦ ਕੀਤਾ ਜਾਵੇਗਾ ਕਿਉਕਿ ਅਜਿਹੇ ਆਗੂ ਸਦੀਆ ਬਾਅਦ ਪੈਦਾ ਹੁੰਦੇ ਹਨ।ਜਿਨ੍ਹਾ ਨੇ ਲੋਕ ਪੱਖੀ ਮੰਗਾ ਨੂੰ ਲੈ ਕੇ ਸਮੇਂ-ਸਮੇਂ ਦੀਆ ਸਰਕਾਰਾ ਖਿਲਾਫ ਵੱਡੇ ਸੰਘਰਸ ਕੀਤੇ ਹੋਣ ਅਤੇ ਹਮੇਸਾ ਦੱਬੇ ਕੁਚਲੇ ਲੋਕਾ ਲਈ ਆਪਣਾ ਜੀਵਨ ਸਮਰਪਿਤ ਕੀਤਾ ਹੋਵੇ।ਇਸ ਮੌਕੇ ਸੂਬਾ ਸਕੱਤਰ ਕਾਮਰੇਡ ਸੁਖਵਿੰਦਰ ਸਿੰਘ ਸੇਖੋਂ ਨੇ ਕਾਮਰੇਡ ਭਗਵਾਨ ਸਿੰਘ ਬਾਗੀਆਂ ਦੇ ਸਪੁੱਤਰ ਬਰਾਚ ਸਕੱਤਰ ਚਮਨ ਸਿੰਘ ਨੂੰ ਪਾਰਟੀ ਦਾ ਲਾਲ ਝੰਡਾ ਭੇਂਟ ਕੀਤਾ ਅਤੇ ਪਾਰਟੀ ਵੱਲੋ ਹਰ ਸਮੇਂ ਪਰਿਵਾਰ ਨਾਲ ਖੜਨ ਦਾ ਵਾਅਦਾ ਕੀਤਾ।ਇਸ ਮੌਕੇ ਉਨ੍ਹਾ ਨਾਲ ਕੁੱਲ ਹਿੰਦ ਕਿਸਾਨ ਸਭਾ ਪੰਜਾਬ ਦੇ ਵਿੱਤ ਸਕੱਤਰ ਬਲਦੇਵ ਸਿੰਘ ਲਤਾਲਾ,ਤਹਿਸੀਲ ਸਕੱਤਰ ਕਾਮਰੇਡ ਗੁਰਦੀਪ ਸਿੰਘ ਕੋਟਉਮਰਾ,ਕਿਸਾਨ ਆਗੂ ਸਿਕੰਦਰ ਸਿੰਘ ਜੜਤੌਲੀ, ਸਕੱਤਰੇਤ ਮੈਬਰ ਸਤਨਾਮ ਸਿੰਘ ਬੜੈਚ,ਜਿਲ੍ਹਾ ਸਕੱਤਰ ਬਲਜੀਤ ਸਿੰਘ ਸਾਹੀ,ਕਾਮਰੇਡ ਰੂਪ ਬਸੰਤ ਬੜੈਚ,ਜਸਕਰਨਜੀਤ ਸਿੰਘ ਕੰਗ,ਕੇਵਲ ਸਿੰਘ ਦਾਨੇਵਾਲ,ਬਲਵੰਤ ਸਿੰਘ ਖੁਰਲਾਪੁਰ,ਜੰਗ ਸਿੰਘ,ਸੁਖਪ੍ਰੀਤ ਸਿੰਘ,ਚਮਨ ਸਿੰਘ,ਜਗਦੀਸ ਸਿੰਘ, ਮੇਹਰ ਸਿੰਘ,ਬਲਬੰਤ ਸਿੰਘ,ਗੁਰਮੀਤ ਸਿੰਘ ਮੀਤਾ,ਗੁਰਮੀਤ ਸਿੰਘ ਮੱਦੇਪੁਰ,ਗੁਰਮੀਤ ਸਿੰਘ ਗੋਸਵਾਲ,ਖੜਕ ਸਿੰਘ,ਮਲਕੀਤ ਸਿੰਘ,ਸਿੰਦਰਪਾਲ ਸਿੰਘ, ਮਸਤਾਨ ਸਿੰਘ ਪਰਜੀਆ,ਅਮਰ ਸਿੰਘ,ਕੇਹਰ ਸਿੰਘ,ਸੇਰ ਸਿੰਘ,ਜੰਗੀਰ ਸਿੰਘ ਆਦਿ ਹਾਜ਼ਰ ਸਨ।
ਫੋਟੋ ਕੈਪਸਨ:- ਸੂਬਾ ਸਕੱਤਰ ਕਾਮਰੇਡ ਸੁਖਵਿੰਦਰ ਸਿੰਘ ਸੇਖੋਂ ਅਤੇ ਹੋਰ ਚਮਨ ਸਿੰਘ ਨੂੰ ਪਾਰਟੀ ਦਾ ਝੰਡਾ ਭੇਂਟ ਕਰਦੇ
