ਨਵਾਂ ਸਾਲ ✍️ ਦਿਲਸ਼ਾਨ ਲੰਡੇ ( ਮੋਗਾ )

ਨਵਾਂ ਸਾਲ ਨਵੇਂ-ਨਵੇਂ ਰੰਗ ਲੈ ਕੇ ਆ ਗਿਆ,                                         

ਖੁਸ਼ੀਆਂ ਤੇ ਖੇੜੇ ਖ਼ੁਦ ਸੰਗ ਲੈ ਕੇ ਆ ਗਿਆ ,                                         

ਫੁੱਲਾਂ ਵਾਲ਼ੀ ਖਿੜੀ ਗੁਲਜ਼ਾਰ ਵਾਂਗਰਾਂ,        

ਜ਼ਿੰਦਗੀ ਜਿਉਣ ਦੀ ਉਮੰਗ ਲੈ ਕੇ ਆ ਗਿਆ ,                                         

ਵੱਖਰੀ ਹੀ ਲੋਰ ਜਿਹੀ ਜਾਪੇ ਚੜ੍ਹਦੀ,        

ਹਾਸਿਆਂ ਦੇ ਵਾਲ਼ੀ ਜਿਵੇਂ ਭੰਗ ਲੈ ਕੇ ਆ ਗਿਆ ,                                          

ਕਿਰਦੇ ਫੁੱਲਾਂ ਦਾ ਅਹਿਸਾਸ ਹੋਈ ਜਾਵੇ,                                                

 ਮਹਿਕਦੀਆਂ ਕਲੀਆਂ ਦੀ ਸੁਗੰਧ ਲੈ ਕੇ ਆ ਗਿਆ,                                     

ਨਵੀਆਂ ਕਹਾਣੀਆਂ ਨੂੰ ਸਿਰਜਣ ਵਾਲ਼ਾ ਕੋਈ,                                         

ਸਾਡੇ ਤਾਂਈਂ ਪਹੁੰਚਾਉਣ ਕੋਈ ਪ੍ਰਸੰਗ ਲੈ ਕੇ ਆ ਗਿਆ ,                                 

ਕੰਨਾਂ ਵਿੱਚ ਲੱਗੇ ਕੋਈ ਮਿਠਾਸ ਘੁਲ਼ਦੀ,                                        

ਵੱਖਰੀ ਜਿਹੀ ਧੁਨ ਤੇ ਤਰੰਗ ਲੈ ਕੇ ਆ ਗਿਆ ,                                            

ਜਾਪੇ 'ਦਿਲਸ਼ਾਨ' ਤਾਂਈਂ ਮੌਸਮ ਸੁਹਾਵਣਾ,                                     

ਬਹਾਰਾਂ ਨਾਲ਼ ਜਿਵੇਂ ਕੋਈ ਸਬੰਧ ਲੈ ਕੇ ਆ ਗਿਆ ---

ਦਿਲਸ਼ਾਨ ਪਿੰਡ ਤੇ ਡਾਕਖਾਨਾ ਲੰਡੇ ਜਿਲਾ ਮੋਗਾ 9914304172