ਮਹਿਲ ਕਲਾਂ/ਬਰਨਾਲਾ - 25 ਨਵੰਬਰ- (ਗੁਰਸੇਵਕ ਸੋਹੀ ) -ਗੁਣਤਾਜ ਪ੍ਰੈੱਸ ਕਲੱਬ ਮਹਿਲ ਕਲਾਂ ਦੇ ਪ੍ਰਧਾਨ ਡਾ ਮਿੱਠੂ ਮੁਹੰਮਦ ਦੇ ਪਿਤਾ ਜਨਾਬ ਫਕੀਰ ਮੁਹੰਮਦ ਦੀ (ਦੁਆ ਫਾਤਿਹਾਅ) ਅੰਤਿਮ ਅਰਦਾਸ ਵਿੱਚ ਜਿੱਥੇ ਵੱਖ ਵੱਖ ਰਾਜਨੀਤਿਕ, ਧਾਰਮਿਕ,ਸਮਾਜਿਕ, ਜਥੇਬੰਦਕ, ਸ਼ਖ਼ਸੀਅਤਾਂ ਨੇ ਸ਼ਰਧਾ ਦੇ ਫੁੱਲ ਭੇਂਟ ਕੀਤੇ ,ਉਥੇ ਜ਼ਿਲ੍ਹਾ ਬਰਨਾਲਾ, ਸੰਗਰੂਰ, ਲੁਧਿਆਣਾ, ਜਗਰਾਓਂ ,ਮੋਗਾ, ਸ਼ੇਰਪੁਰ ਅਤੇ ਮਹਿਲ ਕਲਾਂ ਦੇ ਸਮੂਹ ਪੱਤਰਕਾਰ ਭਾਈਚਾਰੇ ਨੇ ਇਸ ਦੁੱਖ ਦੀ ਘੜੀ ਵਿੱਚ ਪਹੁੰਚ ਕੇ ਪਰਿਵਾਰ ਨਾਲ ਦੁੱਖ ਸਾਂਝਾ ਕੀਤਾ ।
ਗੁਣਤਾਜ ਪ੍ਰੈੱਸ ਕਲੱਬ ਦੇ ਚੇਅਰਮੈਨ ਪ੍ਰੇਮ ਕੁਮਾਰ ਪਾਸੀ,ਸਕੱਤਰ ਗੁਰਸੇਵਕ ਸਿੰਘ ਸਹੋਤਾ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਗੁਣਤਾਜ ਪ੍ਰੈੱਸ ਕਲੱਬ ਮਹਿਲ ਕਲਾਂ ਦੇ ਪ੍ਰਧਾਨ ਡਾ: ਮਿੱਠੂ ਮੁਹੰਮਦ ਅਤੇ ਸਮੂਹ ਪਰਿਵਾਰ ਨੂੰ ਜਿਥੇ ਨਾ ਪੂਰਾ ਹੋਣ ਵਾਲਾ ਘਾਟਾ ਪਿਆ ਹੈ, ਉੱਥੇ ਅਸੀਂ ਆਪਣੇ ਕੋਲੋਂ 1947 ਦੇ ਇਤਿਹਾਸ ਦਾ ਅੱਖੀਂ ਡਿੱਠਾ ਗਵਾਹ ਵੀ ਸਦਾ ਲਈ ਗਵਾ ਲਿਆ ਹੈ।
ਉਨ੍ਹਾਂ ਦੱਸਿਆ ਕਿ ਅਸੀਂ ਆਪਣੇ ਸਮੂਹ ਪੱਤਰਕਾਰ ਭਾਈਚਾਰੇ ਵੱਲੋਂ ਡਾ: ਮਿੱਠੂ ਮੁਹੰਮਦ ਨੂੰ ਉਨ੍ਹਾਂ ਦੀਆਂ ਜ਼ਿੰਮੇਵਾਰੀਆਂ ਪ੍ਰਤੀ ਨਿਭਾਈ ਸੇਵਾ ਭਾਵਨਾ ਕਰ ਕੇ ਅੱਜ ਦਸਤਾਰ ਭੇਂਟ ਕਰ ਰਹੇ ਹਾਂ।
ਅਸੀਂ ਜਿੱਥੇ ਆਪਣੇ ਸਮੁੱਚੇ ਮਹਿਲ ਕਲਾਂ ਦੇ ਪੱਤਰਕਾਰ ਭਾਈਚਾਰੇ ਦਾ ਧੰਨਵਾਦ ਕਰਦੇ ਹਾਂ ,ਉਥੇ ਨਾਲ ਲੱਗਦੇ ਪਿੰਡਾਂ, ਸ਼ਹਿਰਾਂ, ਕਸਬਿਆਂ ਤੋਂ ਪਹੁੰਚੇ ਪੱਤਰਕਾਰ ਵੀਰਾਂ ਦਾ ਵੀ ਦਿਲੋਂ ਧੰਨਵਾਦ ਕਰਦੇ ਹਾਂ ਜਿਨ੍ਹਾਂ ਨੇ ਸਾਡੇ ਇਸ ਦੁੱਖ ਵਿੱਚ ਆ ਕੇ ਸਾਡੇ ਨਾਲ ਹਮਦਰਦੀ ਪ੍ਰਗਟ ਕੀਤੀ ।
ਇਸ ਸਮੇਂ ਹੋਰਨਾਂ ਤੋਂ ਇਲਾਵਾ ਪ੍ਰੈਸ ਕਲੱਬ ਪੰਜਾਬ ਦੇ ਪ੍ਰਧਾਨ ਪੱਤਰਕਾਰ ਰਣਜੀਤ ਸਿੰਘ ਰਾਣਾ ਅਤੇ ਉਨ੍ਹਾਂ ਦੇ ਸਾਥੀ, ਪੱਤਰਕਾਰ ਅਵਤਾਰ ਸਿੰਘ ਫਰਵਾਹੀ ਜ਼ਿਲ੍ਹਾ ਇੰਚਾਰਜ ਬਰਨਾਲਾ,ਯੂਨੀਅਨ ਜਰਨਲਿਸਟ ਦੇ ਬਰਨਾਲਾ ਦੇ ਪ੍ਰਧਾਨ ਰਜਿੰਦਰ ਸਿੰਘ ਬਰਾਡ਼, ਹਰਜਿੰਦਰ ਸਿੰਘ ਨਿੱਕਾ, ਨਿਰਮਲ ਸਿੰਘ ਪੰਡੋਰੀ,ਅਵਤਾਰ ਸਿੰਘ ਅਣਖੀ, ਜਗਜੀਤ ਸਿੰਘ ਗਿੱਲ, ਲਕਸ਼ਦੀਪ ਸਿੰਘ ਗਿੱਲ, ਬਲਜਿੰਦਰ ਸਿੰਘ ਢਿੱਲੋਂ ,ਜਗਜੀਤ ਸਿੰਘ ਕੁਤਬਾ, ਪਰਮਿੰਦਰ ਸਿੰਘ ਹਮੀਦੀ ,ਜਸਬੀਰ ਸਿੰਘ ਵਜੀਦਕੇ ,ਹਰਪਾਲ ਸਿੰਘ ਪਾਲੀ , ਜਗਰਾਜ ਸਿੰਘ ਮੂੰਮ, ਡਾ ਸ਼ੇਰ ਸਿੰਘ ਰਵੀ, ਗੁਰਪ੍ਰੀਤ ਸਿੰਘ ਸਹਿਜੜਾ, ਡਾ ਕੁਲਦੀਪ ਸਿੰਘ ਬਿਲਾਸਪੁਰ, ਜਸਵਿੰਦਰ ਸਿੰਘ ਛਿੰਦਾ ,ਗੁਰਮੁਖ ਸਿੰਘ ਹਮੀਦੀ, ਸੁਖਵੀਰ ਸਿੰਘ ਜਗਦੇ, ਗੁਰਪ੍ਰੀਤ ਸਿੰਘ ਅਣਖੀ, ਬਰਨਾਲਾ ਤੋਂ ਬਲਜਿੰਦਰ ਸਿੰਘ ਚੌਹਾਨ, ਡਾ ਰਾਕੇਸ਼ ਪੁੰਜ, ਜਗਸੀਰ ਸਿੰਘ ਸੰਧੂ , ਗੁਰਪ੍ਰੀਤ ਸਿੰਘ ਲਾਡੀ, ਗੁਰਮੀਤ ਸਿੰਘ ਹੰਡਿਆਇਆ, ਜਗਜੀਤ ਮਾਹਲ ਮਹਿਲਕਲਾਂ,ਗੁਰਸੇਵਕ ਸਿੰਘ ਸੋਹੀ, ਫ਼ਿਰੋਜ਼ ਖ਼ਾਨ ਪੰਜਾਬ ਪ੍ਰੈੱਸ ਕਲੱਬ ਜਗਰਾਉਂ ਦੇ ਪ੍ਰਧਾਨ ਰਣਜੀਤ ਸਿੰਘ ਰਾਣਾ, ਜਨ ਕਰਨ ਅਖਬਾਰ ਦੇ ਐਡੀਟਰ ਡਾ ਮਨਜੀਤ ਸਿੰਘ ਲੀਲਾਂ, ਜਸਮੇਲ ਗ਼ਾਲਬ ਆਦਿ ਹਾਜ਼ਰ ਸਨ ।
