ਯੁ.ਕੇ.

ਦੋਏ ਹੱਥ ਜੋੜ ਕਰੋ ਅਰਦਾਸ —-ਪੰਜਾਬ ਚੋਂਣਾਂ ਵਿੱਚ ਫਟਾ ਫੱਟੀ ਬਦਲਦੇ ਹਾਲਾਤਾਂ ਦੌਰਾਨ ਕਾਂਗਰਸ ਲੀਡਰਸ਼ਿਪ ਉੱਪਰ ਥੱਲੇ ਦੀ , ਦਲ ਬਦਲੂ ਸਿਆਸਤ ਦਾ ਸ਼ਿਕਾਰ ਹੋ ਕੇ ਚੰਨੀ , ਰਾਹੁਲ ਤੇ ਸੋਨੀਆਂ ਗਾਂਧੀ , ਇਸ ਪੱਖੋਂ ਬੁਖਲਾਏ ਦੇਖੇ ਜਾ ਰਹੇ ਹਨ । ਉਹ ਆਪਣੇ ਅੰਦਰਲੇ ਘਰ ਨੂੰ ਘੋਖੇ ਕੀਤੇ ਬਗੈਰ, ਪੰਜਾਬੀਅਤ ਨਾਲ ਕੀਤੇ ਧੋਖਿਆਂ ਨੂੰ ਜਨਤਕ ਕਰ ਕੇ ਸਿੱਖਾਂ ਤੇ ਪਾਏ ਕਾਂਗਰਸੀ ਦੁਖਾਂਤਾਂ ਤੇ ਕੋਈ ਭੀ ਝਾਤ ਮਾਰ ਕੇ  ਸਾਹਮਣੇ ਨਹੀਂ ਆ ਰਹੇ । ਉਲਟਾ ਇਹੀ ਦੋਸ਼ ਰਟੀ ਜਾ ਰਹੇ ਹਨ ਕਿ ਸਾਡੇ ਕਾਂਗਰਸੀ ਪਾਰਟੀ ਛੱਡ ਕੇ ਜਾ ਰਹੇ ਹਨ । ਉਨ੍ਹਾਂ ਨੇ ਪਾਰਟੀ ਛੱਡ ਕੇ ਬੀ ਜੇ ਪੀ ਅਤੇ ਕੈਪਟਨ ਦਲ ਵਿੱਚ ਗਇਆਂ ਦੀ ਇਕ ਲਿਸਟ ਭੀ ਬੜੇ ਰੋਸ ਨਾਲ ਜਨਤਕ ਕੀਤੀ ਹੈ ।ਇਹਨਾਂ ਦਾ ਰੋਣਾ , ਦਲ ਬਦਲੂ ਸਿਆਸਤ ਵਜੋਂ ਪੰਜਾਬ ਵਿੱਚ ਕੋਈ ਨਵਾਂ ਗੱਲ ਨਹੀਂ ਹੈ । ਪਰ ਅੱਜ ਦੇ ਸਮੇਂ ਦੇ ਹਾਲਾਤਾਂ ਵਿੱਚ ਪਿਛਲੇ ਦਹਾਕਿਆਂ ਵਿੱਚ ਜੋ ਬਾਦਲ ਧਿਰਾਂ ਦੇ ਨਾਲ (ਦਲ-ਖਿਚੜੀ) ਕਰਕੇ ਜੋ ਸਿੱਖਾਂ ਤੇ ਕਹਿਰ ਢਾਹੇ , ਜੂਨ 84 ਅਤੇ ਨਵੰਬਰ 84 ਇਹ ਕਾਂਗਰਸ ਦੀ ਹੀ ਦੇਣ ਹੈ। ਦਲ ਬਦਲੂ “ਢਾਂਚਾ” ਵੀ “ਅੱਧੀ ਸਦੀ “ ਵੱਧ ਤੋਂ ਚੱਲਿਆ ਆ ਰਿਹਾ ਕਾਂਗਰਸੀਆਂ ਦੀ ਹੀ ਪੈਦਾਇਸ਼ ਰਿਹਾ ਹੈ ।ਬਾਦਲ ਦਲੀਏ ਤਾਂ ਇਸੇ ਕਾਂਗਰਸੀ “ਦਲ ਬਦਲੂ” ਕਿਸਮ ਦੀ ਰਣ-ਨੀਤੀ ਵਿੱਚੋਂ ਹੀ ਜਨਮੇ ਹਨ। ਅੱਜ ਉਹਨਾਂ ਨੂੰ ਭੀ ਇਸੇ ਬੀਮਾਰੀ ਦੇ ਡੰਗ ਨੇ ਡੱਸ ਲਿਆ ਹੈ । ਦਰ ਅਸਲ ਬਾਦਲਕਿਆਂ ਨੇ ਬੇਅਦਬੀਆਂ ਦੇ ਪਾਪ ਦੀ ਵੱਡੀ ਪੰਡ ਚੁੱਕ ਕੇ ਵੀ ਢੀਠਤਾਈ ਦੀਆਂ ਹੱਦਾਂ ਪਾਰ ਕਰਦੇ ਹੋਏ , ਔਖੜ ਕਦਮਾਂ ਨਾਲ ਤੁਰਦੇ ਕਾਂਗਰਸੀਆ ਦੀ ਚਾਲੇ ਹੀ ਆਪਣੇ ਅਪਰਾਧਾਂ ਦੀ ਕੋਈ ਘੋਖ ਨਹੀਂ ਕਰ ਰਹੇ ਹਨ। ਜਿਵੇਂ ਮੈ ਲਿਖਿਆ “ਪ੍ਰਤੱਖ “ ਹੈ ਕਿ ਸੱਠਵਿਆਂ ਤੋਂ ਪਹਿਲਾਂ  ਸ੍ਰ. ਪ੍ਰਕਾਸ਼ ਸਿੰਘ ਬਾਦਲ ਕਾਂਗਰਸ ਐਮ ਐਲ ਏ ਬਤੌਰ ਪੰਜਾਬ ਅਸੈਬਲੀ ਰਾਹੀ ਜਨਮਿਆਂ , ਪਹਿਲੇ ਪੰਜ ਸਾਲ ਪੰਜਾਬ ਅਸੈਬਲੀ ਵਿੱਚ ਸਮੇਂ ਦੇ ਆਪਣੇ “ਚਾਚਾ ਨਹਿਰੂ” ਦੀ ਗੋਦ ਵਿੱਚ ਸਿਆਸੀ ਤੌਰ ਤੇ ਜੁਆਨ ਹੋਇਆ । ਅਗਲੇ ਪੰਜ ਸਾਲ ਤੋਂ ਬਾਅਦ ਉਸ ਦਾ ਉਤਾਰਾ ਅਕਾਲੀ ਦਲ ਵਿੱਚ ਪਾਇਆ ਗਿਆ । ਇਸੇ ਤਰਾਂ ਉਸੇ ਸਮੇਂ ਹੋਰ ਭੀ ਕਈ ਨੇਤੇ ਗਿਰੀ ਦੇ ਤਬਾਦਲੇ ਸਮੇਂ ਦੀ ਕਾਂਗਰਸ ਸਮੇਂ ਹੋਏ ਸਨ ।ਸ਼ਾਇਦ  ਇਸੇ ਚਿੰਤਾ ਨੂੰ ਮੁੱਖ ਰੱਖਦੇ ਉਸ  ਸਮੇਂ ਦੇ ਮਸ਼ਹੂਰ ਕਵੀ ਸ੍ਰ. ਵਿਧਾਤਾ ਸਿੰਘ ਤੀਰ ਨੇ ਦਲ ਬਦਲੂਆਂ ਬਾਰੇ ਇਕ ਲੰਬੀ ਕਵਿਤਾ ਲਿਖੀ ਸੀ— ਉਸ ਵਿੱਚੋਂ ਕੁਝ ਕੁ ਲਾਈਨਾਂ ਇਸ ਤਰਾਂ ਸਨ - “ ਗਲੀ ਦੇ ਕੁੱਤੇ ਦੀ ਅੱਖ ਸ਼ਰਮਾ ਗਈ  ,  ਟੋਲੀ ਦਲ ਬਦਲੂਆਂ ਦੀ ਜਾਂ ਆ ਗਈ “ ਜ਼ਿਹਨਾਂ ਦਾ ਪਿਛੋਕੜ ਕਹਿਰ ਭਰਿਆ ਭੀ ਹੋਵੇ , ਉਹ ਐਵੇਂ ਖਾਹ ਮਖਾਹ ਗੋਡਿਆਂ ਵਿੱਚ ਸਿਰ ਦੇ ਕੇ ਬੈਠ ਕੇ ਢੌਂਗ ਰਚਣ ਨਾਲ਼ੋਂ , ਆਪਣੇ ਕੀਤੇ ਦੇ ਲੱਛਣਾਂ ਬਾਰੇ ਸਿੱਟੇ ਖੁਦ ਹੀ ਪੈਦਾ ਕਰਨ  ਤਾਂ ਉਹਨਾਂ ਨੂੰ ਕੋਈ ਪਛਤਾਵੇ ਤੇ ਸੁਧਾਰ ਦਾ ਰਸਤਾ ਹੋ ਸਕਦਾ ਮਿਲ ਜਾਵੇ । ਕਾਂਗਰਸੀਆਂ / ਬਾਦਲਾਂ ਦੀ ਸਾਂਝੀ ਗੋਦ ਜੋ ਇਹਨਾਂ ਲਈ - ਚਾਚਾ ਨਹਿਰੂ ਤੋਂ ਇੰਦਰਾ ਤੱਕ ਨਿੱਘੀ  ਰਹੀ ਹੈ , ਉਸ ਤੋਂ ਪੈਦਾ ਹੋਏ ਸਿੱਟਿਆਂ ਦੇ ਉਤਾਰੇ ਅਤੇ ਉੱਤਰ ਪੰਜਾਬੀ ਅਤੇ ਦੇਸ਼ ਦਾ ਸ਼ਹਿਰੀ ਨਿਧੜਕ ਹੋ ਕੇ ਆਪਣੇ ਹੱਕਾਂ ਦਾ ਇਜ਼ਹਾਰ ਕਰ ਕੇ ਦੇ ਰਿਹਾ ਹੈ । ਕਾਂਗਰਸੀ/ਬਾਦਲਕਿਆਂ ਨੇ ਪੰਜਾਬੀਆ , ਖਾਸ ਕਰ ਸਿੱਖਾਂ ਅਤੇ ਕੇਂਦਰ ਦਰਮਿਆਨ ਜੋ ਦਹਾਕਿਆਂ ਤੋਂ ਜੋ ਕੰਧ ਖੜੀ ਕਰਕੇ , ਆਪਣੇ ਮੁਫ਼ਾਦ ਕਾਇਮ ਕੀਤੇ  , ਇਸ ਰਲਵੇ ਹਮਲੇ ਨਾਲ ਪੰਜਾਬ ਨੂੰ ਕੁੱਟਿਆ , ਮਾਰਿਆ , ਉਜਾੜਿਆ , ਅੱਜ ਉਸ ਸਾਰੇ ਕਾਸੇ ਦੇ ਲੇਖਾ ਚੋਖਾ ਬਰਾਬਰ ਕਰਨ ਦੇ ਹਾਲਾਤ ਪੈਦਾ ਹੋ ਰਹੇ ਹਨ । ਕਿਤਨਾ ਅਫ਼ਸੋਸ ਹੈ ਤੁਸੀਂ ਉਸ ਬੀ ਜੇ ਪੀ ਤੋਂ ਔਖੇ ਹੋ ਕੇ ਰੋ ਰਹੇ ਹੋ , ਉਹ ਵੀ ਤੁਹਾਡੇ ਉੱਪਰ ਦੱਸੇ ਆਪਣੇ ਕਾਰਨ ਹਨ । ਤੁਸੀਂ ਪੰਜਾਬ ਵਰਗੀਆਂ ਕੌਮਾਂ ਨੂੰ ਘੱਟ ਗਿਣਤੀ ਜਾਣ ਕੇ , ਦੂਜੇ ਦਰਜੇ ਦੇ ਸ਼ਹਿਰੀ ਗਰਦਾਨ ਕੇ ਜੋ ਉੱਪਰ ਦੱਸੇ ਕਾਂਢ ਵਿਤਰਾਏ , ਜੋ ਕੰਧ ਖੜੀ ਕੀਤੀ , ਉਹ ਢਹਿ ਚੁੱਕੀ ਹੈ । ਦੇਖੋ ਸ੍ਰੀ ਕਰਤਾਰ ਪੁਰ ਦਾ ਲਾਂਘਾ , ਯੂ ਪੀ ਸਰਕਾਰ ਵੱਲੋਂ ਗੁਰੂ ਤੇਗ਼ ਬਹਾਦਰ ਜੀ ਦੀ ਸ਼ਹੀਦੀ ਨੂੰ ਸਮਰਪਿਤ ਆਗਰਾ ਅਤੇ ਲਖਨਊ ਵਿਖੇ ਮਿਊਜ਼ਿਅਮ , ਰੀਸਰਚ ਸੈਟਰ ਅਤੇ ਸਟੇਟ ਵਿੱਚ ਵਿੱਦਿਅਕ ਅਦਾਰਿਆਂ ਵਿੱਚ ਉਸੇ ਆਧਾਰ ਤੇ ਤਾਲੀਮ ਲਾਗੂ ਕਰਨਾ , ਸੰਸਾਰ ਪੱਧਰ ਤੇ ਗੁਰੂ ਨਾਨਕ “ਚੇਅਰਜ” ਯੂਨੀਵਰਸਿਟੀਆਂ ਵਿੱਚ ਸਥਾਪਿਤ ਹੋਣੀਆਂ । ਤੁਸੀਂ ਤਾਂ ਸਿਖਾਂ ਵਿਰੁਧ ਜਾਤੀ ਰੰਜਨ ਜਾਰੀ ਰੱਖੀ । ਪਰਵਾਸੀ ਸਿੱਖਾਂ ਦੀਆਂ  ਕਾਲੀਆਂ ਸੂਚੀਆਂ, ਉਹਨਾਂ ਦੀਆ ਪਿਛੇ ਜਾਇਦਾਦਾਂ ਨਾਲ ਖਿਲਵਾੜ ਕੀਤੇ । ਹੁਣ ਕਾਂਗਰਸੀਆਂ ਨੇ ਕਿਸਾਨ ਸ਼ੰਗਰਸ਼ ਸਮੇਂ ਉਹਨਾਂ ਦੇ ਹਲ ਪੰਜਾਲ਼ੀ ਤੇ ਸੁਹਾਗੇ ਤੇ ਲੱਤ ਰੱਖ ਕੇ ਕਿਸਾਨਾਂ ਦੇ ਮੋਢੇ ਦਾ ਸਹਾਰਾ ਲੈਣਾ ਸ਼ੁਰੂ ਕੀਤਾ । ਕਿਸਾਨੀ ਤੋਂ ਵੀ ਇਹਨਾਂ ਦੀ ਅਣਜਾਣ ਸਿਆਸਤ ਉਹ ਕੁਝ ਹੋਇਆ , ਜਿਵੇਂ ਇਕ ਅਣਜਾਣ ਆਦਮੀ ਪੰਜਾਲ਼ੀ ਤੇ ਸੁਹਾਗੇ ਦਰਮਿਆਨ ਦੇ ਫ਼ਾਸਲੇ ਤੋਂ ਅਣਜਾਣ ਹੋਣ ਕਰਕੇ ,ਡਿਗਦਾ ਅਤੇ ਗੋਡੇ ਛਿਲਵਾ ਬੈਠਦਾ ਹੈ । ਵੈਸੇ ਵੀ ਕਾਂਗਰਸੀ ਅਤੇ ਬਾਦਲਕੇ , ਸੁਹਾਗੇ ਦੇ ਲਫਜ਼ਾਂ ਤੋਂ ਇਸ ਲਈ ਹੀ ਪ੍ਰਭਾਵਤ ਜਾਣੇ ਗਏ ਹਨ , ਕਿ ਸਮਾਜਿਕ ਜਾਨ ਜ਼ਿੰਦਗੀ ਨੂੰ ਹੀ ਸੁਹਾਗੇ ਹੇਠ ਲਿਤਾੜਨਾ । ਕਿਸਾਨੀ  ਸ਼ੰਗਰਸ਼ ਨੂੰ ਭੀ ਸਹੀ ਤੌਰ ਤੇ ਜੋ ਰਸਤਾ ਖੁਦ ਪ੍ਰਧਾਨ ਮੰਤਰੀ ਨੇ ਹੀ ਖੁਦ ਪਹਿਲ ਕਰਕੇ ਕਿਸਾਨਾਂ ਦੇ ਹੱਕ ਵਿੱਚ ਫੈਸਲਾ ਦੇ ਦਿੱਤਾ , ਭਾਰਤ ਦੇ ਪਿਛਲੇ ਇਤਿਹਾਸ ਵਿੱਚੋ ਅਨੋਖਾ ਤੇ ਸਹੀ ਹੋ ਨਿਕਲਿਆ । ਸ਼ਾਇਦ ਇਹ “ਡੁੱਲੇ ਬੇਰਾਂ ਦਾ ਅਜੇ ਕੀ ਵਿਗੜਿਆ” ਦੀ ਗਾਥਾ ਹੀ ਕਹਿ ਲਵੋ , ਪਰ ਫੈਸਲਾ ਇਕ ਸੱਚ ਵਿਚਾਰਧਾਰਾ ਦਾ ਸਿੱਟਾ ਸੀ । ਕਾਂਗਰਸ /ਬਾਦਲਕੇ ਸਿਰਫ਼ ਇਸ ਕਿਸਾਨ ਸ਼ੰਗਰਸ਼ ਵਿੱਚ ਦੁਬਿਧਾ ਗ੍ਰਹਿਸਤ ਹੋਏ , ਬਲਦੀ ਤੇ ਤੇਲ ਹੀ ਪਾਉਂਦੇ ਰਹੇ ਹਨ । ਅੱਜ ਉਸੇ ਅੱਗ ਦੇ ਧੂੰਏਂ ਵਿੱਚੋਂ ਵਿਗੜੇ ਚਿਹਰੇ ਨੂੰ ਸੁਆਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ । ਅਸੀਂ ਵੀ ਅਰਦਾਸ ਕਰਦੇ ਹਾਂ ਕਿ ਵਾਹਿਗੁਰੂ ਸੁਮੱਤ ਬਖ਼ਸ਼ੇ । ਸਰਬੱਤ ਦਾ ਭੱਲਾ ਮੰਗਦੇ ਹਾਂ । ਪਰੰਤੁ ਸਮਾਜ , ਜਨਤਕ ਸੇਵਾ ਲਈ ਬਹੁਤ ਕੁਝ ਦਰੁਸਤ ਅਤੇ ਸੁਧਾਰਨ ਦੀ ਲੋੜ ਹੈ । ਸਹੀ ਗੱਲਾਂ , ਸਹੀ ਫੈਸਲੇਆਂ ਨੂੰ ਠੀਕ ਸਮੇਂ ਮੁਤਾਬਕ ਸਹੀ ਕਹਿਣਾ , ਸਹੀ ਪੱਖੋਂ ਪਰਖ ਕਰਨੀ ਉਸ ਤੇ ਪਹਿਰਾ ਦੇਣਾ ਹੀ ਚੰਗੀ ਇਨਸਾਨੀਅਤ ਪਛਾਣ ਹੁੰਦੀ ਹੈ । ਅਜਿਹੇ ਹੀ ਫੈਸਲਿਆ ਨੂੰ ਬਿਨਾ ਕਿਸੇ ਭੇਦ ਭਾਵ ਨਾਲ ਕੰਬੂਲਣਾ ਚੰਗੇ ਸਮਾਜ ਦੀ ਸਿਰਜਣਾ ਦਾ ਧੁਰਾ ਹੁੰਦਾ ਹੈ । ਮੁੱਕਦੀ ਗੱਲ ਅਜੇ ਕੁਝ ਦਿਨ ਪਹਿਲਾਂ ਹੀ ਭਾਰਤ ਸਰਕਾਰ ਵੱਲੋਂ ਪ੍ਰਧਾਨ
ਮੰਤਰੀ ਸ੍ਰੀ ਨਰਿੰਦਰ ਮੋਦੀ ਨੇ “ਬਾਲ ਦਿਵਸ” ਦਾ ਦਿਨ ਧੰਨ ਗੁਰੂ ਗੋਬਿੰਦ ਸਿੰਘ ਜੀ ਦੀ ਛੋਟੇ ਸਾਹਿਬਜ਼ਾਦਿਆਂ ਦੀ ਸ਼ਹਾਦਤ ਨੂੰ ਪ੍ਰਣਾਮ ਕਰਦਿਆਂ ਇਸ ਦਿਹਾੜੇ ਨੂੰ “ਸਾਹਿਬਜ਼ਾਦਿਆਂ “ ਦੀ ਯਾਦ ਵਿੱਚ  “ਬਾਲ ਦਿਵਸ “ ਮਨਾਉਣ ਦਾ ਐਲਾਨ ਕੀਤਾ ਹੈ । ਅਸੀਂ ਇਸ ਸ਼ਰਧਾ ਨੂੰ ਸਿੱਖ ਇਤਿਹਾਸ ਦੇ ਵਿਰਸੇ ਦੀਆਂ ਕੁਰਬਾਨੀਆਂ ਦੇ ਮਾਣ ਅਤੇ ਸਤਿਕਾਰ ਵਜੋਂ ਭਾਰਤ ਦੇ ਪ੍ਰਧਾਨ ਮੰਤਰੀ ਜੀ ਦਾ ਦਿਲੋਂ ਸਤਿਕਾਰ ਕਰਦੇ ਹਾਂ । ਉਹਨਾਂ ਦੀ ਸਿੱਖ ਕੁਰਬਾਨੀਆਂ ਨੂੰ ਸ਼ਰਧਾ ਨਾਲ ਸਵੀਕਾਰ ਕਰਨਾ , ਵਾਹਿਗੁਰੂ ਦੇ ਚਰਨਾਂ ਵਿੱਚ ਅਰਦਾਸ ਕਰਦੇ ਹਾਂ , ਕਿ ਵਾਹਿਗੁਰੂ ਉਹਨਾਂ ਨੂੰ ਤੰਦਰੁਸਤੀ ਤੇ ਚੜਦੀ ਕਲਾ ਬਖ਼ਸ਼ੇ ।          
ਪਰਮਿੰਦਰ ਸਿੱਘ ਬਲ , ਪ੍ਰਧਾਨ ਸਿਖ ਫੈਡਰੇਸ਼ਨ ਯੂ ਕੇ
Email:psbal46@gmail.com    Mobil:07771 608363   Twitter  @Parmind91032232

ਮਾਨਚੈਸਟਰ  , 5 ਜਨਵਰੀ ( ਖਹਿਰਾ  )-ਬਰਤਾਨੀਆ 'ਚ ਗੱਡੀ ਚਲਾਉਂਦਿਆਂ ਮੋਬਾਈਲ ਜਾਂ ਕਿਸੇ ਬਿਜਲਦੀ ਯੰਤਰ ਦਾ ਪ੍ਰਯੋਗ ਕਰਨ ਦੀ ਮਨਾਹੀ ਹੈ ਪਰ ਵਿਸ਼ਵ ਪ੍ਰਸਿੱਧ ਪਾਕਿਸਤਾਨੀ ਮੂਲ ਦੇ ਬਰਤਾਨਵੀ ਮੁੱਕੇਬਾਜ਼ ਅਮਿਰ ਖ਼ਾਨ  ਵਲੋਂ ਆਪਣੇ ਸ਼ਹਿਰ ਬੋਲਟਨ ਦੇ ਆਸ-ਪਾਸ ਕਿ੍ਸਮਿਸ ਵਾਲੇ ਦਿਨ ਲਾਈਵ ਸਟਰੀਮਿੰਗ ਕਰਦਿਆਂ ਆਪਣੇ ਪ੍ਰਸੰਸਕਾਂ ਨਾਲ ਗੱਲਬਾਤ ਕਰਦੇ ਉਸ ਸਮੇਂ ਨਜ਼ਰ ਆਏ, ਜਾਦੋਂ ਉਹ ਆਪਣੀ ਰੇਂਜ ਰੋਵਰ ਗੱਡੀ ਚਲਾ ਰਹੇ ਸਨ । ਯੂ ਟਿਊਬ 'ਤੇ ਜਾਰੀ ਉਕਤ ਵੀਡੀਓ, ਜਿਸ ਨੂੰ ਬਾਅਦ 'ਚ ਹਟਾ ਦਿੱਤਾ ਗਿਆ, ਵਿਚ ਉਹ ਤਕਰੀਬਨ  8 ਮਿੰਟ ਗੱਲਬਾਤ ਕਰਦੇ ਰਹੇ ਗੱਲਬਾਤ ਦੌਰਾਨ ਉਹ ਆਪਣੇ ਪ੍ਰਸੰਸਕਾਂ ਦੇ ਸੁਨੇਹੇ ਪੜ੍ਹਦੇ ਵੀ ਵੇਖੇ ਗਏ । ਅਮਿਰ ਖ਼ਾਨ ਦੀ ਉਕਤ ਵੀਡੀਓ ਬਾਰੇ ਮਾਨਚੈਸਟਰ ਪੁਲਿਸ ਵਲੋਂ ਜਾਂਚ ਕੀਤੀ ਜਾ ਰਹੀ ਹੈ ।/ ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਵੀ ਅਮਿਰ ਖ਼ਾਨ 'ਤੇ 2007 'ਚ ਬੇਧਿਆਨੀ ਨਾਲ ਗੱਡੀ ਚਲਾਉਣ ਦੇ ਦੋਸ਼ਾਂ ਤਹਿਤ 6 ਮਹੀਨੇ ਲਈ ਵਾਹਨ ਚਲਾਉਣ 'ਤੇ ਪਾਬੰਦੀ ਲਗਾ ਦਿੱਤੀ ਸੀ। ਜਦਕਿ ਦਸੰਬਰ 2006 'ਚ ਉਨ੍ਹਾਂ ਨੂੰ 140 ਮੀਲ ਪ੍ਰਤੀ ਘੰਟਾਂ ਰਫਤਾਰ ਨਾਲ ਗੱਡੀ ਚਲਾਉਣ ਦਾ ਦੋਸ਼ੀ ਪਾਇਆ ਗਿਆ ਸੀ । ਇਸ ਵਾਰ ਪੁਲਸ ਦੀ ਜਾਂਚ ਤੋਂ ਬਾਅਦ ਹੀ ਪਤਾ ਲੱਗੇਗਾ ਕਿ ਛੋਟੀ ਉਮਰ ਵਿੱਚ ਬਹੁਤ ਹੀ ਵਧੀਆ ਇਤਿਹਾਸ ਬਣਨ ਵਾਲੇ ਪਾਕਿਸਤਾਨੀ ਮੂਲ ਦੇ ਮੁੱਕੇਬਾਜ਼ ਮੈਨੂੰ ਕਿਸ ਤਰ੍ਹਾਂ ਦੀ ਸਜ਼ਾ ਮਿਲਦੀ ਹੈ  । 

ਸ਼੍ਰੀਮਤੀ ਚੰਦੀ  ਨੇ ਆਪਣੇ ਬਲਾਗ 'ਤੇ ਘੋਸ਼ਣਾ ਕੀਤੀ, "ਮੈਂ ਦੱਖਣੀ ਧਰੁਵ ਤੱਕ ਪਹੁੰਚ ਗਈ ਜਿੱਥੇ ਬਰਫ ਪੈ ਰਹੀ ਹੈ।"

40 ਦਿਨਾਂ ਵਿੱਚ 700 ਮੀਲ (1126 ਕਿਲੋਮੀਟਰ) ਦਾ ਸਫ਼ਰ ਪੂਰਾ ਕੀਤਾ ਜੋ ਕਿ ਇਕ ਔਰਤ ਦੁਆਰਾ ਨਵਾਂ ਰਿਕਾਰਡ ਹੈ  

ਲੰਡਨ,4 ਜਨਵਰੀ (ਅਮਨਜੀਤ ਸਿੰਘ ਖਹਿਰਾ  ) ਬ੍ਰਿਟਿਸ਼ ਮੂਲ ਦੇ ਸਿੱਖ ਫੌਜੀ ਅਫਸਰ ਪ੍ਰੀਤ ਚੰਦੀ ਨੇ ਦੱਖਣੀ ਧਰੁਵ ਦੀ ਇਕੱਲੀ ਮੁਹਿੰਮ ਨੂੰ ਪੂਰਾ ਕਰਨ ਵਾਲੀ ਪਹਿਲੀ "ਰੰਗ ਦੀ ਔਰਤ" ਬਣ ਕੇ ਇਤਿਹਾਸ ਰਚਿਆ ਹੈ। ਸ਼੍ਰੀਮਤੀ ਚੰਦੀ ਦਾ ਸਾਹਸ ਪਿਛਲੇ ਸਾਲ ਨਵੰਬਰ ਵਿੱਚ ਸ਼ੁਰੂ ਹੋਇਆ ਸੀ, ਜਦੋਂ ਉਸਨੇ ਅੰਟਾਰਕਟਿਕਾ ਦੇ ਹਰਕੂਲਸ ਇਨਲੇਟ ਤੋਂ ਅਸਮਰਥਿਤ ਆਪਣੀ ਯਾਤਰਾ ਸ਼ੁਰੂ ਕੀਤੀ ਸੀ, CNN ਦੀ ਰਿਪੋਰਟ ਮੁਤਾਬਕ ਉਸਨੇ ਅਗਲੇ ਕੁਝ ਹਫ਼ਤੇ ਅੰਟਾਰਕਟਿਕਾ ਵਿੱਚ ਇਕੱਲੇ ਸਕੀਇੰਗ ਵਿੱਚ ਬਿਤਾਏ ਅਤੇ 3 ਜਨਵਰੀ ਨੂੰ ਘੋਸ਼ਣਾ ਕੀਤੀ ਕਿ ਉਸਨੇ 40 ਦਿਨਾਂ ਵਿੱਚ 700 ਮੀਲ (1126 ਕਿਲੋਮੀਟਰ) ਦਾ ਸਫ਼ਰ ਪੂਰਾ ਕਰ ਲਿਆ ਹੈ।
ਸ਼੍ਰੀਮਤੀ ਚੰਦੀ  ਨੇ ਆਪਣੇ ਬਲਾਗ 'ਤੇ ਘੋਸ਼ਣਾ ਕੀਤੀ,  "ਮੈਂ ਦੱਖਣੀ ਧਰੁਵ ਤੱਕ ਪਹੁੰਚ ਗਈ ਜਿੱਥੇ ਬਰਫ ਪੈ ਰਹੀ ਹੈ।" "ਇਸ ਸਮੇਂ ਬਹੁਤ ਸਾਰੀਆਂ ਭਾਵਨਾਵਾਂ ਨੂੰ ਮਹਿਸੂਸ ਕਰ ਰਿਹਾ ਹਾਂ... ਆਖਰਕਾਰ ਇੱਥੇ ਆਉਣਾ ਬਹੁਤ ਅਸਲ ਮਹਿਸੂਸ ਹੁੰਦਾ ਹੈ," 32 ਸਾਲਾ, ਜਿਸਨੇ "ਪੋਲਰ ਪ੍ਰੀਤ" ਨੂੰ ਗੋਦ ਲਿਆ ਹੈ, ਨੇ ਅੱਗੇ ਕਿਹਾ। ਸ਼੍ਰੀਮਤੀ ਚੰਦੀ ਨੇ ਕਿਹਾ  ਕੇ, "ਅੰਟਾਰਕਟਿਕਾ ਧਰਤੀ 'ਤੇ ਸਭ ਤੋਂ ਠੰਡਾ, ਸਭ ਤੋਂ ਉੱਚਾ, ਸਭ ਤੋਂ ਸੁੱਕਾ ਅਤੇ ਹਵਾ ਵਾਲਾ ਮਹਾਂਦੀਪ ਹੈ। ਇੱਥੇ ਕੋਈ ਵੀ ਸਥਾਈ ਤੌਰ 'ਤੇ ਨਹੀਂ ਰਹਿੰਦਾ। ਜਦੋਂ ਮੈਂ ਪਹਿਲੀ ਵਾਰ ਯੋਜਨਾ ਬਣਾਉਣੀ ਸ਼ੁਰੂ ਕੀਤੀ ਸੀ ਤਾਂ ਮੈਨੂੰ ਮਹਾਂਦੀਪ ਬਾਰੇ ਬਹੁਤਾ ਪਤਾ ਨਹੀਂ ਸੀ ਅਤੇ ਇਸੇ ਗੱਲ ਨੇ ਮੈਨੂੰ ਉੱਥੇ ਜਾਣ ਲਈ ਪ੍ਰੇਰਿਤ ਕੀਤਾ," ਸ਼੍ਰੀਮਤੀ ਚੰਦੀ  ਨੇ  ਕਿਹਾ ਉਸਨੇ ਆਪਣੇ ਦੱਖਣੀ ਧਰੁਵ ਦੇ ਸਾਹਸ ਦੀ ਤਿਆਰੀ ਵਿੱਚ ਢਾਈ ਸਾਲ ਬਿਤਾਏ, ਜਿਸ ਵਿੱਚ ਫ੍ਰੈਂਚ ਐਲਪਸ ਵਿੱਚ ਕ੍ਰੇਵੇਸ ਸਿਖਲਾਈ ਅਤੇ ਆਈਸਲੈਂਡ ਵਿੱਚ ਟ੍ਰੈਕਿੰਗ ਸ਼ਾਮਲ ਹੈ।
ਆਪਣੀ ਅੰਟਾਰਕਟਿਕਾ ਮੁਹਿੰਮ ਦੇ ਦੌਰਾਨ, ਭਾਰਤੀ ਮੂਲ ਦੀ ਬ੍ਰਿਟਿਸ਼ ਫੌਜੀ ਅਧਿਕਾਰੀ ਨੇ ਇੱਕ ਪੁਲ ਜਾਂ ਸਲੇਜ ਚੁੱਕਿਆ ਜਿਸਦਾ ਵਜ਼ਨ ਲਗਭਗ 90 ਕਿਲੋ ਸੀ ਅਤੇ ਉਸਦੀ ਕਿੱਟ, ਬਾਲਣ ਅਤੇ ਭੋਜਨ ਸੀ।

01 ਜਨਵਰੀ 1993 ਨੂੰ ਪੰਜਾਬ ਵਿੱਚ ਹੋ ਰਹੇ ਮਨੁੱਖੀ ਜ਼ਿੰਦਗੀਆਂ ਦੇ ਘਾਣ ਦੀ ਇਕ ਮੂੰਹ ਬੋਲਦੀ ਮਿਸਾਲ ਸਿੱਖ ਕੌਮ ਦੀ ਬਹੁਤ ਹੀ ਸਤਿਕਾਰਯੋਗ ਸ਼ਖਸੀਅਤ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਸਾਬਕਾ ਜਥੇਦਾਰ ਸ਼ਹੀਦ ਗੁਰਦੇਵ ਸਿੰਘ ਕਾਉਂਕੇ ਦੀ ਸ਼ਹਾਦਤ ਅੱਖਾਂ ਬੰਦ ਹੋਣ ਤੇ ਵੀ ਦਿਮਾਗ ਅਤੇ ਲਹੂ ਦੇ ਕਿਣਕੇ ਕਿਣਕੇ ਵਿੱਚ ਵਿਚਰਦੀ ਹੈ  । ਅੱਜ ਫੇਰ ਸ਼ਹੀਦ ਜਥੇਦਾਰ ਗੁਰਦੇਵ ਸਿੰਘ ਕਾਉਂਕੇ ਨੂੰ ਯਾਦ ਕਰਦਿਆਂ ਕੁਝ ਸਵਾਲ ਮਨ ਵਿੱਚ ਆਉਂਦੇ ਹਨ  । ਇਕ ਸਵਾਲ ਮੈਂ ਤੁਹਾਡੇ ਨਾਲ ਸਾਂਝਾ ਕਰਦਾ ਹਾਂ  ਤੁਸੀਂ ਜ਼ਰੂਰ ਇਸ ਨੂੰ ਵਿਚਾਰਨਾ ਕੀ ਇਹ ਸਾਡੇ ਬਜ਼ੁਰਗਾਂ ਦੀਆਂ ਸ਼ਹਾਦਤਾਂ ਇੱਕ ਸਿਧਾਂਤ ਅਤੇ ਇਕ ਜੋ ਸਿੱਖ ਕੌਮ ਦੀ ਲੜਾਈ ਸੀ ਉਸ ਲਈ ਹੋਈਆਂ ਅਤੇ ਤੁਹਾਨੂੰ ਨਹੀਂ ਲੱਗਦਾ ਕਿ ਅਸੀਂ ਉਨ੍ਹਾਂ ਸ਼ਹਾਦਤਾਂ ਨੂੰ ਆਪਣੇ ਅੰਦਰ ਤੋਂ ਵਿਸਾਰ ਚੁੱਕੇ ਹਾਂ ? ਜਿਸ ਲਈ ਉਨ੍ਹਾਂ ਬਜ਼ੁਰਗਾਂ ਨੇ ਸ਼ਹਾਦਤਾਂ ਦਿੱਤੀਆਂ ਅਸੀਂ ਉਸ ਨੂੰ ਭੁੱਲ ਚੁੱਕੇ ਹਾਂ  ? ਆਓ ਅੱਜ ਦੇ ਦਿਨ ਸਾਰੇ ਰਲ ਕੇ ਸਾਬਕਾ ਜਥੇਦਾਰ ਸ੍ਰੀ ਅਕਾਲ ਤਖ਼ਤ ਸਾਹਿਬ ਸ਼ਹੀਦ ਗੁਰਦੇਵ ਸਿੰਘ ਕਾਉਂਕੇ ਨੂੰ ਯਾਦ ਕਰੀਏ ਤੇ ਆਪਣੀ ਸ਼ਰਧਾ ਦੇ ਫੁੱਲ ਭੇਟ ਕਰੀਏ । ਅਮਨਜੀਤ ਸਿੰਘ ਖਹਿਰਾ      

ਬੇਅਦਬੀ ਦੇ ਮਾਮਲੇ ਤੇ ਘਟੀਆ ਕਿਸਮ ਦੀ ਰਾਜਨੀਤੀ- ਬਾਰਡਰ ਤੋਂ ਉਸ ਪਾਰ ਕਿਉਂ ਤੇ ਕਿਵੇਂ —

ਸ਼ਰਾਰਤੀ ਅਤੇ ਘਟੀਆ ਕਿਸਮ ਦੇ ਲੋਕ ਭਾਵੇਂ ਪਰਦੇ ਪਿੱਛੋਂ ਕਈ ਸਾਲਾਂ ਤੋਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੀ ਬੇਅਦਬੀ ਲਈ ਜ਼ੁੰਮੇਵਾਰ ਸੁਣੇ ਗਏ ਹਨ ।ਕਾਫ਼ੀ ਦੇਰ ਬਾਅਦ ਸਿੱਖਾਂ ਦਾ ਜੋ ਸ਼ੱਕ ਸੀ ਉਹ ਉਦੋਂ ਸਹੀ ਨਿਕਲਿਆ , ਜਦ ਸ਼ਰੋਮਣੀ ਕਮੇਟੀ ਦੇ ਸਾਬਕਾ ਪ੍ਰਧਾਨ ਸ੍ਰ. ਅਵਤਾਰ ਸਿੰਘ ਮਕੜ ਨੇ ਆਪਣੀ ਜ਼ਿੰਦਗੀ ਦੇ ਅਖੀਰ ਨੇੜਲੇ ਸਮੇਂ ਵਿੱਚ ਇਕ ਵੀਡੀਓ ਇੰਟਰਵਿਊ ਵਿੱਚ ਇਸ ਗੱਲ ਦਾ ਖੁਲਾਸਾ ਕੀਤਾ ਸੀ “ਕਿ ਇਹ ਕੰਮ ਹਮੇਸ਼ਾ ਸਿਰਸਾ ਸਾਧ ਦੇ ਚੇਲਿਆਂ ਨੇ ਕੀਤਾ ਪਰ ਬਾਦਲ ਸਾਹਿਬ ਨੇ ਜਾਣਦੇ  ਹੋਏਭੀ ਕੁਝ ਨਹੀਂ ਕੀਤਾ”। ਹੁਣ ਜਿਵੇਂ ਆਮ ਹੁੰਦਾ ਹੈ ਕਿ ਕੁਝ ਹੋਵੇ ਪਰ ਓਲਾਮਾ ਹਮੇਸ਼ਾ ਸਮੇਂ ਦੀ ਸਰਕਾਰ ਤੇ । ਇਸੇ ਨੂੰ ਭਾਵਕ ਬਣਾ ਕੇ ਇਸ ਨੀਵੀਂ ਪੱਧਰ ਦੀ ਰਾਜਨੀਤੀ ਨੇ ਸ਼ਾਇਦ ਬਾਰਡਰੋਂ ਪਾਰ ਜਨਮ ਲੈਣਾ ਸ਼ੁਰੂ ਕਰ ਦਿੱਤਾ ਹੈ , ਕਿ ਜਿਵੇਂ ਹੈ ਇਹ ਵੀ ਮਸਲਾ ਹੈ ਜੇ ਕਸ਼ਮੀਰ ਮੁੱਦੇ ਨਾਲ ਰਲ਼ਾ ਦਿਉ ਤਾਂ ਵੀ ਉਲਾਂਭਾ ਤਾਂ ਸਰਕਾਰੇ ਹੀ ਜਾਵੇਗਾ । ਸਿੱਖ ਸ਼ਾਇਦ ਭੁੱਲ ਜਾਣ ਕਿ ਸਿਰਸਾ ਸਾਧ ਅਤੇ ਬਾਦਲ ਪਿਓ - ਪੁੱਤਰ ਤੇ ਨੂੰਹ ਕਿਤਨੇ ਡੂੰਗੇ ਹਮਦਰਦ ਅਤੇ ਘਿਓ - ਖਿਚੜੀ ਰਹੇ ਹਨ । ਇਹ ਵੀ ਹਵਾਲੇ ਸਾਹਮਣੇ ਆ ਚੁੱਕੇ ਹਨ ਕਿ ਸਿਰਸੇ ਸਾਧ ਦੀ ਸਵਾਂਗ ਵਾਲੀ ਪੁਸ਼ਾਕ ਭੀ ਇਸੇ ਘਿਓ - ਖਿਚੜੀ ਵਿੱਚੋਂ ਹੀ ਪੈਦਾ ਹੋਈ ਦੱਸੀ ਗਈ ਹੈ ।ਹਾਲ ਹੀ ਵਿੱਚ ਸ੍ਰੀ ਦਰਬਾਰ ਸਾਹਿਬ ਵਿਖੇ ਹੋਈ ਬੇਅਦਬੀ ਦੀ ਹੋਈ ਗੰਭੀਰ ਘਟਨਾ ਨੇ ਮੇਰੇ ਲਿਖੇ ਅਨੁਸਾਰ ਇਕ ਨਵਾਂ ਰੁਖ ਲੈ ਲਿਆ ਹੈ ।  ਯੂ ਕੇ ਵਿੱਚੋਂ ਇਕ ਬਰਿਟਿਸ਼ ਐਮ ਪੀ ਜੋ ਖੁਦ ਭੀ ਸਿੱਖ ਅਤੇ ਏਸ਼ੀਅਨ ਭਾਰਤੀ ਮੂਲ ਪਿਛੋਕੜ ਵਜੋਂ ਹੈ , ਨੇ ਤੁਰੰਤ ਹੀ ਬਿਆਨ ਦਾਗ਼ ਦਿੱਤਾ ਕਿ ਇਸ ਘਟਨਾ ਨੂੰ ਅੰਜਾਮ ਦੇਣ  ਵਾਲਾ “ ਹਿੰਦੂ ਟੈਰੋਰਿਸਟ” ਹੈ - ਪਰੰਤੂ ਜਲਦੀ ਉਸ ਦਾ ਸਾਰਿਆਂ ਪਾਸਿਆਂ ਤੋਂ ਵਿਰੋਧ ਹੋਇਆ , ਤਦ ਝੂਠ ਨੂੰ ਚੱਲਦਾ ਨਾ ਕਰ ਸਕੀ ਤੇ ਬਿਆਨ ਵਾਪਸ ਲੈਣਾ ਪਿਆ , ਖੁਦ ਹੀ ਜਾਣੇ ਕਿ ਕੀ ਭੇਦ ਜਾ ਸੁਪਨਾ ਸੀ ਕਿ ਜੋ ਪੂਰਾ ਨਾ ਹੋ ਸਕਿਆ । ਹੁਣ ਜ਼ਿਕਰ ਇਹ ਹੈ ਕਿ ਜਦ ਸਿੱਖਾਂ ਨੇ ਕਿਧਰੇ ਭੀ ਕਿਸੇ ਧਰਮ , ਸਮਾਜ , ਫ਼ਿਰਕੇ  ਤੇ ਉਂਗਲ ਨਹੀਂ ਕੀਤੀ , ਤਾਂ ਬੀਬਾ ਜੀ ਤੁਸੀਂ ਬ੍ਰਿਟਿਸ਼ ਐਮ ਪੀ , ਹੁੰਦਿਆਂ ਆਪਣੇ ਖ਼ਿੱਤੇ ਦੇ (ਜਿਉਰਿਸਡਿਕਸ਼ਨ) ਕਿਸੇ ਆਪਣੇ ਜਾਂ ਪਰਾਏ ਧਰਮ ਦੇ ਇੱਜ਼ਤ ਮਾਣ ਦਾ ਖਿਆਲ ਕਿਉਂ ਨਹੀਂ ਕੀਤਾ । ਅਸੀਂ ਸਮਝਦੇ ਹਾਂ ਕਿ ਤੁਹਾਡੇ ਖ਼ਿੱਤੇ ਵਿੱਚ ਬਾਰਡਰੋਂ ਪਾਰਲੇ ਧਾਰਮਿਕ ਵਿਰਸੇ ਦੀਆਂ ਵੋਟਾਂ ਬਹੁਤ ਹਨ , ਸਾਨੂੰ ਏਸ਼ਿਅਨ ਭਾਈਚਾਰੇ ਦੀ ਸਾਂਝ ਤੇ ਮਾਣ ਹੈ । ਪਰ ਉੱਥੇ ਸਿੱਖਾਂ ਅਤੇ ਹਿੰਦੂ ਵੋਟਾਂ ਦੀ ਗਿਣਤੀ ਭੀ ਉਸੇ ਰੇਸ਼ੋ ਹਿਸਾਬ  ਦੀ ਹੀ ਹੈ । ਕੀ ਇਹ ਬੇਅਦਬੀ ਕਾਂਢ ਕਸ਼ਮੀਰ ਮੁੱਦੇ ਤੇ ਰਲ਼ਾ ਕੇ ਸਰਕਾਰੀ ਵਿਰੋਧ ਵਜੋਂ ਮਿਲਗੋਭਾ ਕਰਨ ਦੀ ਸਾਜ਼ਿਸ਼ ਰਚੀ ਜਾ ਰਹੀ ਸੀ ? ਜਾਂ ਜਾਣ ਲਈਏ ਕਿ ਇਸ ਨੂੰ ਭੀ ਸਿਰਸੇ ਸਾਧ ਨਾਲ ਰਲ਼ਾ ਕੇ ਬਾਰਡਰ ਤੋਂ ਦੂਸਰੇ ਪਾਸਿਓਂ ਭੀ ਸ਼ਰਾਰਤ ਹੋ ਸਕਦੀ ਹੈ ?ਯੂ ਕੇ ਵਿੱਚ ਸਾਨੂੰ ਰਹਿੰਦਿਆਂ ਅੱਧੀ ਸਦੀ ਤੋਂ ਉੱਪਰ ਸਮਾਂ ਬੀਤ ਚੁੱਕਾ ਹੈ । ਅਸੀਂ ਪਿੱਛੇ ਛੱਡ ਆਪਣੇ ਮੁਲਕ ਨੂੰ ਅਤੇ ਕਈ ਪੱਖਾਂ ਤੋਂ ਵਿਦਾਇਗੀ ਦੇ ਚੁੱਕੇ ਹਾਂ । ਸਾਡਾ ਸਿੱਖ , ਮੁਸਲਮ , ਹਿੰਦੂ ਅਤੇ ਹੋਰ ਧਰਮ ਅਤੇ ਵੱਖ ਵੱਖ ਕਲਚਰ ਅਤੇ ਬੋਲੀਆਂ , ਇਕ ਨਵਾਂ ਅਖਤਿਆਰ ਕੀਤਾ ਅਤੇ ਰਚਿਆ ਗਿਆ ਬਰਿਟਿਸ਼ ਢਾਂਚਾ ਹੈ । ਏਸ਼ੀਅਨ ਭਾਈਚਾਰੇ ਵਿੱਚੋਂ ਪ੍ਰਮੁਖ ਬੋਲੀ “ਪੰਜਾਬੀ” ਹੈ । ਪਿਛਲੇ ਕਈ ਸਾਲਾ ਤੋਂ ਇਸੇ ਵਿੱਚੋਂ “ਆਲ ਪੰਜਾਬੀ ਪਾਰਲੀਮੈਂਟ ਪਾਰਟੀ” ਬਣੀ ਹੋਈ ਹੈ । ਉਹ ਕਈ ਪੱਖਾਂ ਤੋਂ ਸਮਾਜਿਕ ਭਾਈਚਾਰੇ ਲਈ ਉੱਦਮ ਕਰਕੇ ਪੰਜਾਬੀਅਤ ਦੀ ਪਛਾਣ ਬਣਦੇ ਹਨ । ਪਰੰਤੂ ਜਿਵੇਂ ਉਪਰੋਕਤ ਐਮ ਪੀ ਨੇ ਆਪਣੀ ਪਛਾਣ ਵਜੋਂ ਸ਼ੱਕ ਪੈਦਾ ਕੀਤਾ ਹੈ , ਸਾਡੀ ਜੁਮੇਵਾਰੀ ਹੋਵੇਗੀ , ਕਿ ਇਸ ਸੰਸਥਾ ਵਿੱਚ ਉਹੀ ਐਮ ਪੀ ਹਿੱਸਾ ਲੈਣ ਜੋ ਸਮਾਜਿਕ ਸਾਂਝ ਨੂੰ ਪਹਿਲ ਦਿੰਦੇ ਹੋਣ । ਅਜਿਹਾ ਨਾ ਹੋਣ ਦੀ ਸ਼ਕਲ ਵਿੱਚ ਸਾਨੂੰ ਆਪਣੇ ਬਰਿਟਿਸ਼ ਸ਼ਹਿਰੀ ਹੋਣ ਦੇ ਹਕ ਹਰ ਪਹਿਲੂ ਵਜੋਂ ਵਰਤਣੇ ਹੋਣਗੇ ।
ਪਰਮਿੰਦਰ ਸਿੰਘ ਬਲ ,ਪ੍ਰਧਾਨ  ਸਿੱਖ ਫੈਡਰੇਸ਼ਨ  ਯੂ ਕੇ । email: psbal46@gmail.com

ਪੁੱਤ ਸਾਊ ਜਾਂ ਕੁਪਤੇ ਲੰਬੜਦਾਰ — ਸਾਡੇ ਪੰਜਾਬੀ ਵੋਟਰ ਤਾਂ ਸਾਊ ਹੀ ਗਿਣੇ ਜਾਂਦੇ ਹਨ। ਅਸਲ ਚਿਹਰਾ ਤਾਂ ਲੰਬਰਦਾਰ ਆਗੂ ਹੀ ਹੁੰਦੇ ਹਨ , ਜੋ ਅਹਿਲ /ਨਾਅਹਿਲ ਦੀ ਪਛਾਣ ਬਣਦੇ ਹਨ । ਪੰਜਾਬ ਵਿੱਚ ਹੋਣ ਜਾ ਰਹੀਆਂ 2022 ਦੀਆਂ ਚੋਣਾਂ ਵਿੱਚ ਇਕ ਨਵਾਂ ਪਾਰਟੀ ਸੰਗਠਨ ਮੈਦਾਨ ਵਿੱਚ ਆਇਆ - ਜਿਵੇਂ ਕੁਝ ਦਿਨ ਪਹਿਲਾਂ ਕੈਪਟਨ ਅਮਨਿੰਦਰ ਸਿੰਘ ਨੇ ਆਪਣੀ ਨਵੀਂ ਪਾਰਟੀ ਪੰਜਾਬ ਲੋਕ ਕਾਂਗਰਸ ਨਾਲ ਬੀ ਜੇ ਪੀ ਨਾਲ ਗਠਜੋੜ ਐਲਾਨਿਆ ਸੀ , ਹੁਣ ਇਸੇ ਜੁਟ ਵਿੱਚ ਅਕਾਲੀ ਆਗੂ ਸੁੱਖਦੇਵ ਸਿੰਘ ਢੀੰਡਸਾ ਨੇ ਸੰਯੁਕਤ ਅਕਾਲੀ ਦਲ ਨੂੰ ਸ਼ਾਮਲ ਕਰਨ ਦਾ ਐਲਾਨ ਕਰ ਦਿੱਤਾ ਹੈ । ਇਸ ਨਵੇਂ ਗਠਜੋੜ ਵਿੱਚ ਇਹ ਉਪਰੋਕਤ ਤਿੰਨ ਧਿਰਾਂ ਹਨ ।ਇਸ ਦੇ ਇਲਾਵਾ ਪੰਜਾਬ ਵਿੱਚ ਕੇਜਰੀਵਾਲ ਦੀ ਆਮ ਪਾਰਟੀ  , ਕੈਪਟਨ ਤੋ ਅਲੱਗ ਹੋਏ ਸ.ਚਰਨਜੀਤ ਸਿੰਘ ਚੰਨੀ ਅਤੇ ਸਿੱਧੂ ਦੀ ਕਾਂਗਰਸ ਪਾਰਟੀ ਅਤੇ ਚੌਥੇ ਬੀ ਜੇ ਪੀ ਨਾਲ ਨੌਂਹ- ਮਾਸ ਦੇ ਰਿਸ਼ਤੇ ਤੇ ਪਲਣ ਵਾਲਾ ਬਾਦਲ ਦਲ  ਜਿਨਾਂ ਨੇ ਦੱਸ ਸਾਲ ਦੀ ਸੱਤਾ ਦੌਰਾਨ  ਆਪਣੇ ਪਰਵਾਰ ਦੇ ਹੀ ਨੂੰਹ-ਮਾਸ ਨੂੰ ਹੀ ਮੋਟੇ ਤਾਜ਼ੇ ਅਤੇ ਪਲਦੇ ਰੱਖਿਆ ਸੀ। ਇਹਨਾਂ ਵਿੱਚੋਂ ਕਿਸੇ ਨੂੰ ਭਰਵੇਂ ਪੱਖ ਦਾ ਦੱਸਣਾ ਤਾਂ ਪੰਜਾਬ ਦੇ ਵੋਟਰਾਂ ਤੇ ਹੀ ਨਿਰਭਰ ਕਰੇਗਾ   , ਪਰੰਤੂ ਪੰਜਾਬ ਦੇ ਲੋਕਾਂ ਦੀਆਂ ਲੋੜਾਂ ਨਾਲ ਇਹ  ਚਾਰੇ ਪਾਰਟੀਆਂ ਦੇ  ਨਾਲ ਕਈ ਖਾਸ ਸਵਾਲ ਭੀ ਬੱਝੇ ਹੋਏ ਹਨ । ਦਵਿੰਦਰਪਾਲ ਸਿੰਘ ਭੁੱਲਰ ਦੀ ਰਿਹਾਈ - ਜੋ ਤਿਹਾੜ ਜੇਲ ਵਿੱਚ ਬੰਦ ਹੈ , ਉਸ ਬਾਰੇ ਦਿੱਲੀ ਸਰਕਾਰ ਅਤੇ ਕੇਜਰੀਵਾਲ ਬਿਲਕੁਲ ਚੁੱਪ ਹੈ, ਜਦਕਿ ਕੇਂਦਰ ਦੀ ਬੀ ਜੇ ਪੀ ਸਰਕਾਰ ਇਸ ਰਿਹਾਈ ਬਾਰੇ ਹਰੀ ਝੰਡੀ ਦੇ ਚੁੱਕੀ ਹੈ । ਕਾਂਗਰਸ ਤਾਂ ਇਸ ਮੁੱਦੇ ਤੇ ਗੱਲ ਕਰਨੋਂ ਵੀ ਅਸਮਰਥ ਲੱਗ ਰਹੀ ਹੈ ਕਿਉਂ ਕਿ ਉਹ ਤਾਂ ਸ਼ਾਇਦ ਨੈਸ਼ਨਲ ਕਮੇਟੀ ਵਿੱਚ ਜਗਦੀਸ਼ ਟਾਈਟਲਰ ਨੂੰ ਕਾਇਮ ਰੱਖਣਾ , ਆਪਣੀ ਤੇ ਸ਼ਾਇਦ ਕਾਂਗਰਸੀ ਸੋਭਾ ਗਿਣ ਰਹੇ ਹਨ ! ਵੈਸੇ ਵੀ ਸ. ਚੰਨੀ ਦੇ ਸਾਥੀ ਸਿਧੂ ਸਾਹਿਬ ਜਿਸ ਕਿਸੇ ਨੂੰ ਖੁਦ  ਬਾਪ ਕਹਿ ਲੈੰਦੇ ਹਨ , ਉਸ ਨੂੰ ਹੀ  ਝੁਠਲਾਉਣ ਲਈ , ਰਿਸ਼ਤਾ ਫਿਰ ਤੋਂ ਦਰੁਸਤ ਕਰਨ ਲਈ ਆਪਣੇ ਹੀ ਰਚੇ ਹੋਏ  “ਚੱਕਰ-ਵਿਯੂ “ ਦੁਆਲੇ ਇਕ ਮਨੋਰੰਜਨ ਖੜਾ ਕਰ ਲੈੰਦੇ ਹਨ । ਭਾਵੇ ਇਸ ਰਿਸ਼ਤੇ ਵਿੱਚ  ਮਨਮੋਹਨ ਸਿੰਘ ਜੀ ਹੋਣ ਜਾਂ ਕੈਪਟਨ ਸਾਹਿਬ , ਅਜਿਹੇ  ਕਲਾਕਾਰ ਨੂੰ ਕੀ ਅਰਥ ਹਨ , ਰਿਸ਼ਤਿਆਂ ਬਾਰੇ ਜਦੋਂ ਸਤਿਕਾਰ ਵਜੋਂ ਕਦਰ ਨਾ ਕਰ ਸਕਣ ।, ਇਕ ਮਨੋਰੰਜਨ ਸਮਝ ਕੇ ਇਹੀ ਸ਼ੁਗਲ ਜਾਰੀ ਰੱਖੇ ਕਿ ਮਾਰੋ “ਤਾੜੀ” !ਤਦ ਵੋਟਰ ਹੀ ਸਿਆਣੇ ਬਣਨ ਅਤੇ  ਅਜਿਹੇ ਸ਼ੁਗਲ ਤੋਂ ਆਪਣਾ  ਭਵਿੱਖ ਕਿਵੇਂ ਸੁਰੱਖਿਅਤ ਰੱਖਣਾ ਹੈ? ਬਾਦਲ ਪਰਿਵਾਰ ਨੇ ਨੌਹ-ਮਾਸ ਦੇ ਰਿਸ਼ਤੇ ਰਾਹੀ ਜਿਸ ਢੰਗ ਨਾਲ ਗੁਮਰਾਹ ਕੀਤਾ , ਪੰਜਾਬ ਵਿਚਲੀ ਬੀ ਜੇ ਪੀ ਸ਼ਾਇਦ ਸਾਰਾ ਸਮਾਂ ਨਾਲ ਰਹਿਕੇ ਬਾਦਲ ਜਾਲ ਤੋਂ ਤੋਬਾ ਕਰਕੇ ਨਵੇਂ ਫੈਸਲੇ ਅਨੁਸਾਰ ਅੱਗੇ ਆਏ ਹਨ । ਹੁਣ ਬਸਪਾ ਅਥਵਾ ਮਾਇਆਵਤੀ ਇਸ ਬਾਦਲ- ਗਠਜੋੜ ਵਿੱਚੋਂ ਕੀ ਸੁਪਨਾ ਪੂਰਾ ਕਰੇਗੀ , ਉਹ ਦੇਖਣਾ ਅਜੇ ਬਾਕੀ  ਹੈ , “ਪ੍ਰਤੱਖ ਨੂੰ ਪ੍ਰਮਾਣ ਕੀ” ।ਬਾਦਲ ਦਲ ਇਸ ਨੂੰ ਵੀ ਨੌਹ ਮਾਸ ਦਾ ਰਿਸ਼ਤਾ ਦੱਸ ਕੇ ਚੋਣ ਗੱਡੇ ਨੂੰ ਵਾਂਗ ਕੇ ਕੀ ਵੋਟਰਾਂ ਵਿੱਚ ਤੋਰ ਲਵੇਗਾ ? ਵੈਸੇ ਜੇ ਕੁਝ ਪਲੇ ਨਾ ਪਿਆ ਤਦ ਦੋਸ਼ ਮਾਇਆਵਤੀ ਦਾ ਹੋਵੇਗਾ , ਕਿ ਬੀਬਾ ਜੀ ਇਹਨਾਂ ਦੇ ਦੱਸ ਸਾਲਾ ਰਾਜ ਦੀ ਦਾਸਤਾਨ ਤੋਂ ਤੂੰ ਕਿਉਂ ਅਣਜਾਣ ਰਹੀ ?। ਆਉ ਪੇਸ਼ ਹੈ ਇਕ ਉਹ ਧਿਰ ਜਿਸ ਦਾ ਜ਼ਿਕਰ ਸ਼ੁਰੂ ਵਿੱਚ ਕੀਤਾ ਹੈ “ਕੈਪਟਨ - ਬੀ ਜੇ ਪੀ ਅਤੇ ਸੰਯੁਕਤ ਅਕਾਲੀ ਦਲ “  ਸ਼ਾਇਦ ਇਹ ਪੰਜਾਬ ਦੀਆਂ 2022 ਦੀਆਂ ਚੋਣਾਂ ਵਿੱਚ ਅਹਿਮ ਪਾਰਟੀ ਦੀ ਦਿਖ ਬਣ ਜਾਵੇ , ਸਹੀ ਲੱਛਣ ਦਿਖਾਈ ਦੇ ਰਹੇ ਹਨ । ਕੈਪਟਨ ਦੀ ਕਾਂਗਰਸੀ ਸ਼ਾਖ ਕਮਜ਼ੋਰ ਨਹੀਂ ਹੋਈ , ਸਗੋਂ ਸਿਧੂ ਸਾਹਬ ਦੀ ਤਾੜੀ, ਵਤੀਰਾ ਸਰਦਾਰ ਚੰਨੀ ਨੂੰ ਕਮਜ਼ੋਰ ਅਤੇ ਕੈਪਟਨ ਨੂੰ ਮਜ਼ਬੂਤ ਕਰ ਰਿਹਾ ਹੈ । ਕਾਂਗਰਸ ਵਿੱਚ ਇਸ ਕਿਸਮ ਦੀ ਭੰਨ ਤੋੜ ਦੇਖੀ ਜਾ ਰਹੀ ਹੈ । ਕਿਸਾਨ ਮੋਰਚੇ ਦੇ ਸ਼ੁਰੂ ਤੋਂ ਤਿੰਨੇ ਕਾਨੂੰਨਾਂ ਦੀ ਵਾਪਸੀ ਤੱਕ ਦਾ ਕੈਪਟਨ ਅਮਰਿੰਦਰ ਸਿੰਘ ਦਾ ਰੋਲ ਅੱਖੋਂ ਪਰੋਖੇ ਨਹੀਂ ਕੀਤਾ ਜਾ ਸਕਦਾ । ਬੀ ਜੇ ਪੀ ਦਾ ਵੀ ਖੁਦ ਦਾ ਦਾਅਵਾ ਹੋਵੇਗਾ ਕਿ “ਗੁਰੂ ਨਾਨਕ ਦੇਵ ਜੀ ਦੇ ਗੁਰਪੁਰਬ “ ਮੌਕੇ ਉਹਨਾਂ  ਤਿੰਨੇ ਕਿਸਾਨੀ ਕਾਨੂੰਨ ਵਾਪਸ ਲੈਕੇ  ਇਕ ਸੱਦ ਭਾਵਨਾ ਵਾਲਾ ਸ਼ੁਭ ਕੰਮ ਕੀਤਾ ਹੈ ,  ਇਹ ਭੀ ਗੱਲ ਸਾਹਮਣੇ ਆਵੇਗੀ ਕਿ ਬਾਦਲ ਦਲ ਨੇ ਬੀਬੀ ਹਰਸਿਮਰਤ ਕੌਰ ਰਾਹੀ , ਕਿਸਾਨੀ ਕਾਨੂੰਨ ਦੇ ਹੱਕ ਵਿੱਚ ਵੋਟ ਪਾ ਕੇ ਪੰਜਾਬ ਅਤੇ ਕੇਂਦਰ ਸਰਕਾਰ ਨੂੰ ਗੁਮਰਾਹ ਕੀਤਾ ਸੀ ।ਇਸ ਕੈਪਟਨ , ਬੀ ਜੇ ਪੀ ਨਾਲ ਜੋ ਸਿੱਖ ਧਿਰ ਸੰਯੁਕਤ ਅਕਾਲੀ ਦਲ ਹੈ , ਫੈਸਲਾਕੁਨ ਧਿਰ ਕਹੀ ਜਾ ਸਕਦੀ ਹੈ । ਕਿਉਂਕਿ ਜੋ ਸਿੱਖ ਵੋਟਰ ਹੈ ਉਸ ਦੀ ਨੁਮਾਇੰਦਗੀ ਹਮੇਸ਼ਾ ਅਕਾਲੀ ਦਲ ਹੀ ਰਿਹਾ ਹੈ। ਵੈਸੇ ਵੀ ਬਾਦਲ ਪਰਵਾਰ ਤੋ ਵੱਖ ਹੋ ਕੇ ਸਿੱਖਾਂ ਵਿੱਚ ਜੱਥੇਬੰਦਕ ਹੋਣਾ , ਸਿੱਖ ਪੰਥ ਲਈ ਲੋੜੀਂਦਾ ਅਤੇ ਸਹੀ ਹੈ । ਇਸ ਅਕਾਲੀ ਦਲ ਦੇ ਆਗੂ ਸ. ਸੁੱਖਦੇਵ 
ਸਿੰਘ ਢੀਡਸਾ ਅਤੇ ਸ. ਬਰਹਮਪੁਰਾ ਇਸ ਭੇਦ ਤੋਂ ਭਲੀ ਭਾਂਤ ਜਾਣੂ ਹਨ ਕਿ ਬਾਦਲ ਦਲ ਨੇ ਸਿਰਫ਼ ਆਪਣਾ ਪਰਵਾਰ ਪਾਲਣ ਲਈ ਹੀ ਮਕਸਦ ਬਣਾ ਰੱਖਿਆ ਸੀ। ————ਪਰਮਿੰਦਰ ਸਿੰਘ ਬਲ , ਪ੍ਰਧਾਨ ਸਿੱਖ ਫੈਡਰੇਸ਼ਨ ਯੂ ਕੇ ।

ਲੰਡਨ , 19 ਦਸੰਬਰ (  ਖਹਿਰਾ)  ਬਰਤਾਨੀਆ ’ਚ ਤਿੰਨ ਗੁਣਾ ਵਾਧਾ ਨਾਲ ਕੋਵਿਡ ਦੇ ਓਮੀਕ੍ਰੋਨ ਵੇਰੀਐਂਟ ਨਾਲ ਇਨਫੈਕਡਿਟ ਮਰੀਜ਼ਾਂ ਦਾ ਰੋਜ਼ਾਨਾ ਦਾ ਅੰਕੜਾ 10 ਹਜ਼ਾਰ ਪਾਰ ਕਰ ਗਿਆ। ਗੌਰ ਕਰਨ ਵਾਲੀ ਗੱਲ ਹੈ ਕਿ ਓਮੀਕ੍ਰੋਨ ਇਨਫੈਕਸ਼ਨ ਵਾਲੇ ਮਰੀਜ਼ਾਂ ’ਚ ਇਹ ਵਾਧਾ ਮਹਿਜ ਇਕ ਦਿਨ ’ਚ ਹੋਇਆ ਹੈ। ਪ੍ਰਸਿੱਧ ਰਾਕ ਬੈਂਡ ਕਵੀਨ ਦੇ ਲੀਡ ਗਿਟਾਰਿਸਟ ਬ੍ਰੇਨ ਕੋਰੋਨਾ ਤੋਂ ਪੀੜਤ ਪਾਏ ਗਏ ਹਨ।ਬਿ੍ਰਟੇਨ ਹੈਲਥ ਸਕਿਓਰਿਟੀ ਏਜੰਸੀ (ਯੂਕੇਐੱਚਐੱਸਏ) ਨੇ ਸ਼ਨਿਚਰਵਾਰ ਨੂੰ ਹੋਰ 10059 ਲੋਕਾਂ ਦੇ ਨਵੇਂ ਵੇਰੀਐਂਟ ਤੋਂ ਪ੍ਰਭਾਵਿਤ ਹੋਣ ਦੀ ਜਾਣਕਾਰੀ ਦਿੱਤੀ। ਸ਼ੁੱਕਰਵਾਰ ਨੂੰ ਇਸ ਵੇਰੀਐਂਟ ਦੇ 3201 ਮਾਮਲੇ ਸਾਹਮਣੇ ਆਏ ਸਨ। ਦੇਸ਼ ’ਚ ਓਮੀਕ੍ਰੋਨ ਨਾਲ ਕੁੱਲ ਮਰੀਜ਼ਾਂ ਦੀ ਗਿਣਤੀ 24968 ਹੋ ਚੁੱਕੀ ਹੈ। ਬਰਤਾਨੀਆ ’ਚ ਸ਼ਨਿਚਰਵਾਰ ਨੂੰ ਕੁੱਲ 90418 ਲੋਕਾਂ ’ਚ ਕੋਰੋਨਾ ਇਨਫੈਕਸ਼ਨ ਦੀ ਪੁਸ਼ਟੀ ਹੋਈ ਜਦੋਂਕਿ 125 ਦੀ ਮੌਤ ਹੋ ਗਈ।

ਸਿਹਤ ਮੰਤਰੀ ਸਾਜ਼ਿਦ ਜਾਵਿਦ ਨੇ ਮੀਡੀਆ ਵੱਲੋਂ ਪੁੱਛੇ ਗਏ ਲਾਕਡਾਊਨ ਲਗਾਉਣ ਸਬੰਧੀ ਸਵਾਲ ’ਤੇ ਕਿਹਾ, ‘ਅਸੀਂ ਅੰਕਿੜਆਂ ਦਾ ਵਿਸ਼ਲੇਸ਼ਣ ਕਰ ਰਹੇ ਹਾਂ। ਵਿਗਿਆਨੀਆਂ ਨਾਲ ਵਿਚਾਰ-ਵਟਾਂਦਰਾ ਕੀਤਾ ਜਾ ਰਿਹਾ ਹੈ ਤੇ ਹਾਲਾਤ ’ਤੇ ਨਜ਼ਰ ਰੱਖ ਰਹੇ ਹਾਂ।’

ਲੰਡਨ, 09 ਦਸੰਬਰ (ਖਹਿਰਾ) ਬਰਤਾਨੀਆ ਦੇ ਪ੍ਰਧਾਨ ਮੰਤਰੀ ਬੌਰਿਸ ਜੌਹਨਸਨ ਦੇ ਘਰ ਅੱਜ ਇਕ ਬੇਟੀ ਨੇ ਜਨਮ ਲਿਆ।   ਮਿਲੀ ਜਾਣਕਾਰੀ ਅਨੁਸਾਰ ਬਰਤਾਨੀਆ ਦੇ ਪ੍ਰਧਾਨ ਮੰਤਰੀ ਬੋਰਿਸ ਜੌਹਨਸਨ ਦੀ ਧਰਮ ਪਤਨੀ  ਕੈਰੀ ਜੌਹਨਸਨ ਨੇ ਲੰਡਨ ਦੇ ਹਸਪਤਾਲ ਵਿੱਚ ਬੇਟੀ ਨੂੰ ਜਨਮ ਦਿੱਤਾ, ਬੇਟੀ ਦੇ ਜਨਮ ਉਪਰੰਤ   ਮਾਂ ਤੇ ਬੇਟੀ ਦੋਵੇਂ ਸਿਹਤਮੰਦ ਹਨ। ਤੁਹਾਡੀ ਜਾਣਕਾਰੀ ਲਈ ਦੱਸ ਦਈਏ ਕਿ ਬੋਰਿਸ ਜੌਹਨਸਨ ਦੀ ਇਹ ਬੇਟੀ ਉਨ੍ਹਾਂ ਦਾ ਸੱਤਵਾਂ ਬੱਚਾ ਹੈ  । ਪ੍ਰਧਾਨ ਮੰਤਰੀ ਦੀ ਧਰਮਪਤਨੀ ਕੈਰੀ ਜੌਹਨਸਨ ਦਾ ਇਹ ਦੂਸਰਾ ਬੱਚਾ ਹੈ  ।

ਗੁਰਦੁਆਰਾ ਸਾਹਿਬ ਦੇ ਪ੍ਰਬੰਧਕਾਂ ਵੱਲੋਂ ਸ ਕੁਲਵੰਤ ਸਿੰਘ ਧਾਲੀਵਾਲ ਨੂੰ ਪੰਜਾਬ ਅੰਦਰ ਵੱਡੀ ਪੱਧਰ ਉੱਪਰ ਕੈਂਸਰ ਪ੍ਰਤੀ ਲੋਕਾਂ ਨੂੰ ਜਾਗਰੂਕ ਕਰਨ ਲਈ ਕੀਤਾ ਗਿਆ ਸਨਮਾਨਤ  

ਹਡਰਸਫੀਲਡ ਦੇ ਵਾਸੀਆਂ ਅਤੇ ਗੁਰਦੁਆਰਾ ਸਾਹਿਬ ਦੇ ਪ੍ਰਬੰਧਕਾਂ ਵੱਲੋਂ ਤਿੰਨ ਵੱਡੇ ਕੈਂਪਾਂ ਵਿੱਚ ਦਿੱਤਾ ਜਾਵੇਗਾ ਸਹਿਯੋਗ - ਕੁਲਵੰਤ ਸਿੰਘ ਧਾਲੀਵਾਲ  

ਹਡਰਸਫੀਲਡ/ ਯੂ ਕੇ  6 ਦਸੰਬਰ ( ਖਹਿਰਾ )  ਵਰਲਡ ਕੈਂਸਰ ਕੇਅਰ ਦੇ ਬਾਨੀ ਸਰਦਾਰ ਕੁਲਵੰਤ ਸਿੰਘ ਧਾਲੀਵਾਲ ਅੱਜ ਇੰਗਲੈਂਡ ਦੇ ਸ਼ਹਿਰ ਹਡਰਜ਼ਫੀਲਡ ਵਿਖੇ ਨਤਮਸਤਕ ਹੋਣ ਲਈ ਪਹੁੰਚੇ  । ਜਿੱਥੇ ਉਨ੍ਹਾਂ ਦਾ ਪ੍ਰਬੰਧਕਾਂ ਵੱਲੋਂ ਪੰਜਾਬ ਅੰਦਰ ਲੋਕਾਂ ਨੂੰ ਕੈਂਸਰ ਅਵੇਰਨੈਸ , ਪਿੰਡ ਪਿੰਡ ਵਿਚ ਜਾ ਕੇ ਕੈਂਪ ਲਾਉਣ ਅਤੇ ਮਨੁੱਖਤਾ ਦੀ ਸੇਵਾ ਲਈ ਕੀਤੇ ਜਾ ਰਹੇ ਉਪਰਾਲਿਆਂ ਦੀ ਸ਼ਲਾਘਾ ਕਰਦੇ ਹੋਏ ਮਾਣ ਸਨਮਾਨ ਕੀਤਾ ਗਿਆ  । ਇਸ ਸਮੇਂ ਗੁਰਦੁਆਰਾ ਫਾਰ ਟਾਊਨ ਹਡਰਸਫੀਲਡ ਦੇ ਮੁੱਖ ਪ੍ਰਬੰਧਕ ਮਨਜੀਤ ਸਿੰਘ ਕੰਗ ਨੇ ਗੱਲਬਾਤ ਕਰਦੇ ਦੱਸਿਆ ਪਿਛਲੇ ਦਿਨੀਂ ਗੁਰਦੀਪ ਸਿੰਘ ਕੂਨਰ ਵੱਲੋਂ ਵਰਲਡ ਕੈਂਸਰ ਕੇਅਰ ਦੀ ਸੰਸਥਾ ਜੋ ਕਿ ਕੁਲਵੰਤ ਸਿੰਘ ਧਾਲੀਵਾਲ ਵੱਲੋਂ ਚਲਾਈ ਜਾ ਰਹੀ ਹੈ ਉੱਚਾ ਪਿੰਡ  ਚ ਕੈਂਸਰ ਅਵੇਅਰਨੈੱਸ  ਕੈਂਪ ਲਗਾਇਆ ਗਿਆ ਜਿਸ ਵਿੱਚ ਵੱਡੀ ਗਿਣਤੀ ਵਿਚ ਇਲਾਕੇ ਦੇ ਲੋਕਾਂ ਨੇ ਫਾਇਦਾ ਲਿਆ । ਇਸ ਕੈਂਪ ਦੇ ਮੱਦੇਨਜ਼ਰ ਅੱਜ ਗੁਰਦੁਆਰਾ ਫਾਰ  ਟਾਊਨ ਹਡਰਜ਼ਫੀਲਡ ਵਿਖੇ ਸ ਕੁਲਵੰਤ ਸਿੰਘ ਧਾਲੀਵਾਲ ਦਾ ਧੰਨਵਾਦ ਕੀਤਾ ਗਿਆ  । ਇਸਦੇ ਨਾਲ ਹੀ ਅੱਜ ਕੁਲਵੰਤ ਸਿੰਘ ਧਾਲੀਵਾਲ ਵੱਲੋਂ ਗੁਰਦੁਆਰਾ ਸਾਹਿਬ ਦੀ ਸੰਗਤ ਨੂੰ ਕੈਂਸਰ ਪ੍ਰਤੀ ਅਵੇਰਨੈੱਸ ਅਤੇ ਪੰਜਾਬ ਵਿੱਚ ਹੋਰ ਕੁਰੀਤੀਆਂ ਅਤੇ ਸਾਡੇ ਸਮੁੱਚੇ ਸਮਾਜ ਵਿੱਚ ਹੋਰ ਕੁਰੀਤੀਆਂ ਬਾਰੇ ਜੋ ਜਾਣਕਾਰੀ ਦਿੱਤੀ ਬਹੁਤ ਹੀ ਅਹਿਮੀਅਤ ਰੱਖਦੀ ਹੈ  । ਉਨ੍ਹਾਂ ਅੱਗੇ ਆਖਿਆ ਕਿ ਡਾ ਕੁਲਵੰਤ ਸਿੰਘ ਧਾਲੀਵਾਲ ਦੇ ਕੰਮਾਂ ਤੋਂ ਖੁਸ਼ ਹੋ ਕੇ ਅੱਜ ਉਨ੍ਹਾਂ ਨੂੰ ਹੋਰ ਰਾਸ਼ੀ ਵੀ ਭੇਟ ਕੀਤੀ ਗਈ ਅਤੇ ਉਸ ਦੇ ਨਾਲ ਹੀ  ਗੁਰਦੁਆਰਾ ਸਾਹਿਬ ਦੀ ਸੰਗਤ ਨੇ ਇਕ ਹੋਰ ਕੈਂਪ ਬੁੱਕ ਕਰਾਉਣ ਲਈ ਮਾਇਆ ਇਕੱਠੀ ਕੀਤੀ ਹੈ ਜੋ ਕਿ ਨਿਸ਼ਚਿਤ ਸਮੇਂ ਉੱਪਰ ਸਰਦਾਰ ਕੁਲਵੰਤ ਸਿੰਘ ਧਾਲੀਵਾਲ ਨੂੰ ਮੁਹੱਈਆ ਕਰਾ ਦਿੱਤੀ ਜਾਵੇਗੀ । 

ਅੱਜ ਜੋ ਧਾਲੀਵਾਲ ਨੂੰ ਰਾਸ਼ੀ ਭੇਟ ਕੀਤੀ ਗਈ ਇਸ ਬਾਰੇ ਜਾਣਕਾਰੀ ਦਿੰਦੇ ਸ ਮਨਜੀਤ ਸਿੰਘ ਕੰਗ ਨੇ ਦੱਸਿਆ ਇਹ ਰਾਸ਼ੀ ਸ ਸੰਤੋਖ ਸਿੰਘ ਦੁਸਾਂਝ ,ਸ ਬਲਹਾਰ ਸਿੰਘ ਦੁਸਾਂਝ ,ਸ ਬਲਵਿੰਦਰ ਸਿੰਘ ਕੰਗ ਅਤੇ ਸਵਰਗਵਾਸੀ ਸੰਤੋਖ ਸਿੰਘ ਕੁਲਾਰ ਵੱਲੋਂ ਗੁਰਦੁਆਰਾ ਸਾਹਿਬਾਨ ਵਿਚ ਕੀਰਤਨ ਦੀਆਂ ਸੇਵਾਵਾਂ ਨਿਭਾ ਕੇ ਇਕੱਠੇ ਕੀਤੇ ਗਏ ਸਨ । 

ਇਸ ਸਮੇਂ ਸਰਦਾਰ ਕੁਲਵੰਤ ਸਿੰਘ ਧਾਲੀਵਾਲ ਨੇ ਗੱਲਬਾਤ ਕਰਦੇ ਹੋਏ ਜਿੱਥੇ ਹੈੱਡਜ਼ ਫੀਲਡ ਗੁਰਦੁਆਰਾ ਸਾਹਿਬ ਦੇ ਪ੍ਰਬੰਧਕਾਂ ਦਾ ਧੰਨਵਾਦ ਕੀਤਾ ਉੱਥੇ ਉਨ੍ਹਾਂ ਉਚੇਚੇ ਤੌਰ ਤੇ  ਦੁਨੀਆਂ ਵਿੱਚ ਵਸਣ ਵਾਲੇ ਦਾਨੀ ਸੱਜਣਾਂ ਅੱਗੇ ਬੇਨਤੀ ਵੀ ਕੀਤੀ ਕਿ ਆਪਣਾ ਦਸਵੰਧ ਚੰਗੇ ਪਾਸੇ ਲਾਉਣ ਲਈ ਯਤਨਸ਼ੀਲ ਹੋਈਏ ਪੰਜਾਬ ਅੱਜ ਕੈਂਸਰ ਦੀ  ਬਹੁਤ ਵੱਡੀ ਮਾਰ ਝੱਲ ਰਿਹਾ ਹੈ ਸਾਡੇ ਕੋਲੋਂ ਸਾਡੇ ਘਰਾਂ ਦੇ  ਮੁਖੀਆਂ ਦੇ ਚਿਰਾਗ ਬੁਝ ਰਹੇ ਹਨ ਜੋ ਕਿ ਬਹੁਤ ਹੀ ਦੁਖਦਾਈ ਹਨ ਆਓ ਸਾਰੇ ਰਲ ਕੇ ਵਰਲਡ ਕੈਂਸਰ ਕੇਅਰ ਦਾ ਸਾਥ ਦੇਈਏ ਤੇ ਆਪਣੇ ਪਰਿਵਾਰਾਂ ਅਤੇ ਸਹਿਯੋਗੀਆਂ ਦੀਆਂ ਕੀਮਤੀ ਜਾਨਾਂ ਬਚਾਉਣ ਵਿਚ ਹਿੱਸਾ ਪਾਈਏ  । ਸ ਕੁਲਵੰਤ ਸਿੰਘ ਧਾਲੀਵਾਲ ਨੇ ਸ ਸੰਤੋਖ ਸਿੰਘ ਦੁਸਾਂਝ ,ਸ ਬਲਹਾਰ ਸਿੰਘ ਦੁਸਾਂਝ  , ਸ ਬਲਵਿੰਦਰ ਸਿੰਘ ਕੰਗ ਅਤੇ ਉਨ੍ਹਾਂ ਦੇ ਵਿਛੜ ਚੁੱਕੇ ਸਾਥੀ ਸ ਸੰਤੋਖ ਸਿੰਘ ਕੁਲਾਰ ਨੂੰ ਯਾਦ ਕਰਦੇ ਹਾਂ ਇਨ੍ਹਾਂ ਦੀ ਟੀਮ ਦਾ ਧੰਨਵਾਦ ਕੀਤਾ ਜਿਨ੍ਹਾਂ ਨੇ ਇਕ ਬਹੁਤ ਹੀ ਉੱਚੀ ਸੋਚ ਅਪਣਾ ਕੇ ਗੁਰਦੁਆਰਾ ਪ੍ਰਬੰਧ ਵਿਚ ਜਾ ਕੇ ਕੀਰਤਨ ਕਰ ਕੇ ਇਹ ਮਾਇਆ ਮਨੁੱਖਤਾ ਦੇ ਭਲੇ ਲਈ ਇਕੱਠੀ ਕੀਤੀ । ਇਸ ਸਮੇਂ ਗੁਰਦੁਆਰਾ ਸਾਹਿਬ ਦੇ ਪ੍ਰਬੰਧਕਾਂ ਵਿੱਚ ਮੌਜੂਦ ਸਨ ਗੁਰਦੁਆਰਾ ਸਾਹਿਬ ਦੇ ਮੁੱਖ ਗ੍ਰੰਥੀ ਗਿਆਨੀ ਹਰਜੀਤ ਸਿੰਘ  , ਮੁੱਖ ਪ੍ਰਬੰਧਕ  ਸ ਮਨਜੀਤ ਸਿੰਘ ਕੰਗ , ਸ ਬਲਵਿੰਦਰ ਸਿੰਘ ਕੰਗ, ਸੰਤੋਖ ਸਿੰਘ ਦੁਸਾਂਝ , ਬਲਿਹਾਰ ਸਿੰਘ ਦੁਸਾਂਝ  , ਸੰਦੀਪ ਸਿੰਘ , ਗੁਰਦੀਪ ਸਿੰਘ ਕੂਨਰ ਆਦਿ  ।