ਯੁ.ਕੇ.

ਗੁਰਦੁਆਰਾ ਸਾਹਿਬ ਸਿੰਘ ਸਭਾ ਸਾਊਥਾਲ ਦੀ ਚੋਣ ਦੀ ਅਹਿਮ ਖ਼ਬਰ  - ਗੁਰਦੁਆਰਾ ਸਾਹਿਬ ਦੇ ਮੌਜੂਦਾ ਪ੍ਰਧਾਨ ਸ ਗੁਰਮੇਲ ਸਿੰਘ ਮੱਲ੍ਹੀ ਵੱਲੋਂ ਜ਼ਰੂਰੀ ਬੇਨਤੀ  - ਜਰਨਲਿਸਟ ਅਮਨਜੀਤ ਸਿੰਘ ਖਹਿਰਾ ਦੀ ਵਿਸ਼ੇਸ਼ ਰਿਪੋਰਟ   Urgent request from the present President of Gurdwara Sahib Mr. Gurmel Singh Malhi - Special Report by Journalist Amanjit Singh Khaira

ਲੰਡਨ , 09 ਜੁਲਾਈ ( ਖਹਿਰਾ  ) ਅੱਜ ਅਮਰੀਕੀ ਕਾਂਗਰਸ ਲਈ ਚੁਣੀ ਗਈ ਪਹਿਲੀ ਹਿਜਾਬ ਪਹਿਨਣ ਵਾਲੀ ਮੁਸਲਿਮ ਔਰਤ ਈਲਾਨ ਉਮਰਾ  ਅਤੇ ਯੂਰਪੀਅਨ ਸੰਸਦ ਲਈ ਕੇਵਲ ਤੇ ਕੇਵਲ ਚੁਣੇ ਗਏ  ਸਤਾਰਧਾਰੀ ਸਿੱਖ ਤਨਮਨਜੀਤ ਸਿੰਘ ਢੇਸੀ ਦੀ ਵਿਸ਼ੇਸ਼ ਮੁਲਾਕਾਤ ਹੋਈ  । ਇਸ ਮੀਟਿੰਗ ਬਾਰੇ ਜਾਣਕਾਰੀ ਦਿੰਦੇ ਤਨਮਨਜੀਤ ਸਿੰਘ ਢੇਸੀ ਨੇ ਸਾਡੇ ਪ੍ਰਤੀਨਿਧੀ ਨਾਲ ਗੱਲਬਾਤ ਕਰਦਿਆਂ ਦੱਸਿਆ  ਇਹ ਮਿਲਣੀ ਪ੍ਰਤੀਕਾਤਮਕ ਅਤੇ ਭਾਵਨਾਤਮਕ ਸੀ । ਕਿਉਂਕਿ ਅਸੀਂ ਲੋਕ ਹਾਂ ਜਿਨ੍ਹਾਂ ਦੇ ਪਹਿਰਾਵੇ ਉੱਪਰ ਸਦਾ ਹੀ  ਕਿਤੇ ਨਾ ਕਿਤੇ ਕੋਈ ਨਾ ਕੋਈ ਤਨਜ਼ ਕਸਦਾ ਰਹਿੰਦੈ ਹੈ  ਪਰ ਮੈਂ ਆਸਵੰਦ ਹਾਂ ਕਿ ਜੇਕਰ ਸਾਡੇ ਸਾਥੀਆਂ ਨੂੰ ਇਸ ਗੱਲ ਦੀ ਸਮਝ ਪੈ ਜਾਵੇ ਕਿ ਪਹਿਰਾਵਾ ਇਨਸਾਨ ਦਾ  ਕਿਸੇ ਦਾ ਵਿਰੋਧ ਨਹੀਂ ਕਰਦਾ ਫਿਰ ਭਾਈਚਾਰਕ ਸਾਂਝ ਅਤੇ ਪਿਆਰ ਮੁਹੱਬਤ ਮਜ਼ਬੂਤ ਹੋਣਗੇ ।

 ਲੰਡਨ, 06 ਜੁਲਾਈ (ਖਹਿਰਾ)  ਕੰਜ਼ਰਵੇਟਿਵ ਸੰਸਦ ਮੈਂਬਰਾਂ ਸਾਜਿਦ ਜਾਵਿਦ ਅਤੇ ਰਿਸ਼ੀ ਸੁਨਕ ਨੇ ਮੰਗਲਵਾਰ ਨੂੰ ਕ੍ਰਮਵਾਰ ਸਿਹਤ ਅਤੇ ਸਮਾਜਿਕ ਦੇਖਭਾਲ ਲਈ ਰਾਜ ਸਕੱਤਰ ਅਤੇ ਖਜ਼ਾਨੇ ਦੇ ਚਾਂਸਲਰ ਦੇ ਅਹੁਦੇ ਤੋਂ ਅਸਤੀਫ਼ਿਆਂ ਦਾ ਐਲਾਨ ਕੀਤਾ। ਪ੍ਰਧਾਨ ਮੰਤਰੀ ਬੋਰਿਸ ਜੌਹਨਸਨ ਨੇ ਸੰਸਦ ਦੇ ਖਿਲਾਫ ਦੁਰਵਿਹਾਰ ਦੀ ਸ਼ਿਕਾਇਤ ਤੋਂ ਬਾਅਦ ਕ੍ਰਿਸ ਪਿਨਚਰ ਨੂੰ ਸਰਕਾਰੀ ਭੂਮਿਕਾ ਲਈ ਨਿਯੁਕਤ ਕਰਨ ਲਈ ਮੁਆਫੀ ਮੰਗਣ ਤੋਂ ਬਾਅਦ ਇਹ ਸਾਹਮਣੇ ਆਇਆ ਹੈ। ਅਸਤੀਫ਼ਿਆਂ ਤੋਂ ਬਾਅਦ ਡਾਊਨਿੰਗ ਸਟ੍ਰੀਟ ਦੇ ਸਾਬਕਾ ਚੀਫ਼ ਆਫ਼ ਸਟਾਫ ਸਟੀਵ ਬਾਰਕਲੇ ਨੂੰ  ਸਿਹਤ ਸਕੱਤਰ ਅਤੇ ਸਾਬਕਾ ਸਿੱਖਿਆ ਸਕੱਤਰ ਨਦੀਮ ਜ਼ਹਾਵੀ ਨੂੰ ਚਾਂਸਲਰ ਵਜੋਂ ਨਿਯੁਕਤ ਕੀਤਾ ਗਿਆ |

ਲੰਡਨ, 06 ਜੁਲਾਈ (ਖਹਿਰਾ)  ਅੱਜ ( ਬੁੱਧਵਾਰ) ਨੈਸ਼ਨਲ ਇੰਸ਼ੋਰੈਂਸ ਥ੍ਰੈਸ਼ਹੋਲਡ ਰਾਤੋ-ਰਾਤ £9,880 ਤੋਂ £12,570 ਤੱਕ ਵਧ ਜਾਵੇਗਾ — 30 ਮਿਲੀਅਨ ਬ੍ਰਿਟਿਸ਼ ਕਰਮਚਾਰੀਆਂ ਨੂੰ £330 ਪ੍ਰਤੀ ਸਾਲ ਤੱਕ ਦੀ ਬਚਤ ਹੋਵੇਗੀ। ਬਰਤਾਨੀਆ ਦੀ ਇਤਿਹਾਸ  ਵਿੱਚ ਇਹ ਸਭ ਤੋਂ ਵੱਡਾ ਟੈਕਸ ਕਟ ਹੈ।  

ਨੀਦਰਲੈਂਡ ਜਰਮਨੀ ਹਾਈਵੇ ਨੂੰ ਟਰੈਕਟਰਾਂ ਦੀਆਂ ਵੱਡੀਆਂ ਕਤਾਰਾਂ ਨਾਲ ਰੋਕਿਆ  

ਐਮਸਟਰਡਮ , ਜੁਲਾਈ  (ਖਹਿਰਾ )

ਭਾਰਤ ਦੀ ਤਰਜ਼ ਤੇ ਉੱਪਰ ਨੀਦਰਲੈਂਡ ਵਿੱਚ ਵੀ ਕਿਸਾਨਾਂ ਵੱਲੋਂ ਵੱਡੇ ਪੱਧਰ ਉੱਪਰ ਪ੍ਰੋਟੈਸਟ ਕੀਤਾ ਗਿਆ । ਨੀਦਰਲੈਂਡ ਦੇ ਕਿਸਾਨਾਂ ਨੇ ਹਾਈਵੇਅ ਨੂੰ ਰੋਕਣ, ਸਰਕਾਰੀ ਇਮਾਰਤਾਂ ਦੇ ਸਾਹਮਣੇ ਹੜਤਾਲਾਂ ਕਰਨ ਅਤੇ ਸੁਪਰਮਾਰਕੀਟਾਂ ਅਤੇ ਸੁਪਰਮਾਰਕੀਟਾਂ ਨੂੰ ਘੇਰਨ ਲਈ ਟਰੈਕਟਰਾਂ ਦੀ ਵਰਤੋਂ ਕੀਤੀ। ਕਿਸਾਨਾਂ ਨੇ ਨੀਦਰਲੈਂਡ-ਜਰਮਨੀ ਹਾਈਵੇਅ ਨੂੰ ਵੀ ਜਾਮ ਕਰ ਦਿੱਤਾ।ਨੀਦਰਲੈਂਡ ਦੀ ਸਰਕਾਰ 2030 ਤੱਕ ਅਮੋਨੀਆ ਅਤੇ ਨਾਈਟ੍ਰੋਜਨ ਆਕਸਾਈਡ ਦੇ ਨਿਕਾਸ ਨੂੰ 50% ਤੱਕ ਘਟਾਉਣਾ ਚਾਹੁੰਦੀ ਹੈ।

ਕਿਸਾਨਾਂ 'ਤੇ ਵੱਖ-ਵੱਖ ਤਰ੍ਹਾਂ ਦੀਆਂ ਪਾਬੰਦੀਆਂ ਲਗਾਈਆਂ ਜਾ ਰਹੀਆਂ ਹਨ, ਜਿਸ ਤਹਿਤ ਪਸ਼ੂ ਰੱਖਣ 'ਤੇ ਪਾਬੰਦੀ, ਖੇਤੀ ਵਿਚ ਖਾਦਾਂ ਦੀ ਵਰਤੋਂ 'ਤੇ ਪਾਬੰਦੀ ਆਦਿ ਸ਼ਾਮਲ ਹਨ।ਕਿਸਾਨਾਂ ਦਾ ਕਹਿਣਾ ਹੈ ਕਿ ਹਵਾਈ ਆਵਾਜਾਈ, ਬਿਲਡਿੰਗ ਕੰਸਟਰੱਕਸ਼ਨ ਅਤੇ ਉਦਯੋਗਾਂ ਤੋਂ ਵੱਡੀ ਮਾਤਰਾ ਵਿੱਚ ਖਤਰਨਾਕ ਗੈਸਾਂ ਨਿਕਲਦੀਆਂ ਹੋਣਗੀਆਂ ਪਰ ਉਨ੍ਹਾਂ 'ਤੇ ਕੋਈ ਰੋਕ ਨਹੀਂ ਲਗਾਈ ਜਾ ਰਹੀ। ਕਿਸਾਨਾਂ ਨੇ ਇੱਕ ਨਵਾਂ ਨਾਅਰਾ "ਸਾਡੇ ਕਿਸਾਨ, ਸਾਡਾ ਭਵਿੱਖ" ("our farmers,our future")ਦਿੱਤਾ ਹੈ, ਜਿਵੇਂ ਕਿ ਭਾਰਤ ਵਿੱਚ ਕਿਸਾਨ ਅੰਦੋਲਨ ਦੌਰਾਨ ਨਾਅਰਾ ਸੀ "no farmer, no food"।ਭਾਰਤ ਦੇ ਕਿਸਾਨ ਅੰਦੋਲਨ ਨੇ ਦੁਨੀਆ ਭਰ ਦੇ ਕਿਸਾਨਾਂ 'ਤੇ ਡੂੰਘਾ ਪ੍ਰਭਾਵ ਪਾਇਆ ਹੈ ਅਤੇ ਟਰੈਕਟਰਾਂ ਰਾਹੀਂ ਸ਼ਾਂਤਮਈ ਪ੍ਰਦਰਸ਼ਨ ਦੀ ਭਾਵਨਾ ਪੈਦਾ ਕੀਤੀ ਹੈ ਜਿਸ ਦੇ ਭਵਿੱਖ ਵਿੱਚ ਸਾਰਥਕ ਨਤੀਜੇ ਸਾਹਮਣੇ ਆਉਣਗੇ। ਅੱਜ ਦੇ ਇਸ ਪ੍ਰੋਟੈਸਟ ਨੇ ਯੂਰਪ ਵਿੱਚ ਬਹੁਤ ਵੱਡੇ ਪੱਧਰ ਉੱਪਰ ਪ੍ਰਭਾਵ ਛੱਡਿਆ ਹੈ। 

ਖੁਰਾਕੀ ਉਤਪਾਦਾਂ ਦੀਆਂ ਕੀਮਤਾਂ ’ਚ ਭਾਰੀ ਵਾਧੇ ਕਾਰਨ ਬਰਤਾਨੀਆ ’ਚ ਖਪਤਕਾਰ ਮੁੱਲ ਮਹਿੰਗਾਈ 40 ਸਾਲ ਦੇ ਮੁਕਾਬਲੇ ਵਿੱਚ ਉੱਚ ਪੱਧਰ ਉਪਰ ਪੁੱਜ ਗਈ ਹੈ । ਰਾਸ਼ਟਰੀ ਸਟੈਟੇਸਟਿਕਸ ਦਫ਼ਤਰ ਦੇ ਅੰਕਡ਼ਿਆਂ ਮੁਤਾਬਕ, ਮਈ ’ਚ ਮਹਿੰਗਾਈ ਦਰ 9.1 ਫੀਸਦੀ ਰਹੀ ਹੈ ਜਿਹਡ਼ੀ ਮਾਰਚ 1982 ਦੇ ਬਾਅਦ ਸਭ ਤੋਂ ਜ਼ਿਆਦਾ ਹੈ। ਸੱਤ ਦੇਸ਼ਾਂ ਦੇ ਸਮੂਹ ਜੀ-7 ’ਚ ਇੱਥੇ ਸਭ ਤੋਂ ਜ਼ਿਆਦਾ ਮਹਿੰਗਾਈ ਦਰ ਹੈ। ਬਰਤਾਨੀਆ ਦੀ ਮੁਦਰਾ ਪਾਊਂਡ ਸਟਰਲਿੰਗ ਦਾ ਇਸ ਸਾਲ ਡਾਲਰ ਦੇ ਮੁਕਾਬਲੇ ਸਭ ਤੋਂ ਖਰਾਬ ਪ੍ਰਦਰਸ਼ਨ ਰਿਹਾ ਹੈ। ਮਹਿੰਗਾਈ ਦੇ ਅੰਕਡ਼ੇ ਆਉਣ ਦੇ ਬਾਅਦ ਬੁੱਧਵਾਰ ਨੂੰ ਇਸ ਵਿਚ 1.22 ਡਾਲਰ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਕੁਝ ਨਿਵੇਸ਼ਕਾਂ ਦਾ ਕਹਿਣਾ ਹੈ ਕਿ ਬਰਤਾਨੀਆ ਦੇ ਸਾਹਮਣੇ ਜ਼ਿਆਦਾ ਮਹਿੰਗਾਈ ਤੇ ਮੰਦੀ, ਦੋਵਾਂ ਦੀ ਚੁਣੌਤੀ ਹੈ। ਨਿਵੇਸ਼ਕਾਂ ਦਾ ਮੰਨਣਾ ਹੈ ਕਿ ਇਹ ਵੱਡੀ ਊਰਜਾ ਦਰਾਮਦ ਬਿੱਲ ਤੇ ਬ੍ਰੈਗਜ਼ਿਟ ਨਾਲ ਜੁਡ਼ੀਆਂ ਪਰੇਸ਼ਾਨੀਆਂ ਨੂੰ ਦਰਸਾਉਂਦਾ ਹੈ। ਇਸ ਨਾਲ ਯੂਰਪੀ ਯੂਨੀਅਨ ਨਾਲ ਕਾਰੋਬਾਰੀ ਸਮਝੌਤਿਆਂ ’ਤੇ ਵੀ ਅਸਰ ਪੈ ਸਕਦਾ ਹੈ। ਥਿੰਕ ਟੈਂਕ ਰੈਜ਼ੋਲਿਊਸ਼ਨ ਫਾਊਂਡੇਸ਼ਨ ਦੇ ਸੀਨੀਅਰ ਅਰਥਸ਼ਾਸਤਰੀ ਜੈਕ ਲਿਜ਼ੇ ਦਾ ਕਹਿਣਾ ਹੈ ਕਿ ਆਰਥਿਕ ਆਊਟਲੁੱਕ ਸਾਫ਼ ਨਹੀਂ ਹੈ। ਕੋਈ ਨਹੀਂ ਜਾਣਦਾ ਕਿ ਜ਼ਿਆਦਾ ਮਹਿੰਗਾਈ ਕਿਵੇਂ ਖਤਮ ਹੋਵੇਗੀ ਤੇ ਕਿੰਨੇ ਲੰਬੇ ਸਮੇਂ ਤਕ ਬਣੀ ਰਹੇਗੀ? ਮੁਦਰਾ ਨੀਤੀ ’ਤੇ ਫੈਸਲਾ ਕਰਨਾ ਵੀ ਮੁਸ਼ਕਲ ਹੋਵੇਗਾ। ਇਸ ਮਹਿੰਗਾਈ ਨੂੰ ਲੈ ਕੇ ਬਰਤਾਨੀਆ ਵਿੱਚ ਵਸਣ ਵਾਲੇ ਲੋਕ ਚਿੰਤਤ ਨਜ਼ਰ ਆ ਰਹੇ ਹਨ ਕਿਉਂਕਿ ਸਰਕਾਰ ਵੀ ਇਸ ਦਾ ਕੋਈ ਸਾਰਥਕ ਹੱਲ ਲੱਭਣ ਵਿੱਚ ਨਾਕਾਮ ਹੁੰਦੀ ਨਜ਼ਰ ਆ ਰਹੀ ਹੈ ।

Says SGPC committed to every possible support to Afghan Sikhs

Amritsar, June 21(Jan Shakti News )

Shiromani Gurdwara Parbandhak Committee (SGPC) President Advocate S. Harjinder Singh reached New Delhi on Monday and expressed his condolences to the family members of Bhai Sawinder Singh, who was martyred in the terror attack on Gurdwara Karte Parwan near Kabul in Afghanistan.

S. Harjinder Singh attended the antim ardas (last prayers) of Bhai Sawinder Singh at Gurdwara Sri Guru Arjan Dev Ji in Tilak Nagar, New Delhi and termed the terror attack on Kabul Gurdwara as a cruel act against humanity.

SGPC President met Bhai Sawinder Singh’s wife Pal Kaur, his son who arrived from the United Kingdom S. Ajmeet Singh and other family members and while expressing his condolences, he assured to provide every possible support from SGPC.

S. Harjinder Singh said, “SGPC is with the Afghan Sikhs and will always remain committed to provide every possible support in the time of need. The government must take timely steps to ensure the safety of Sikhs and Indians living across the globe and so that the pain of such unfortunate incidents does not have to be tolerated.”

SGPC President said that although it was the duty of the governments to settle the Sikhs stuck in Afghanistan after bringing them to India, the SGPC will always remain present for fulfilling the needs required in this process. He appealed to the Government of India to bring all the Afghan Sikhs to India and make concrete arrangements for their welfare and special attention for their employment.

Meanwhile, on behalf of SGPC, Advocate S. Harjinder Singh bestowed S. Ajmeet Singh, son of Shaheed Bhai Sawinder Singh with the Guru’s blessing Siropoa (robe of honour) and a dastar (turban).

Apart from meeting the family members of Bhai Sawinder Singh, SGPC President also met Afghan Sikh leaders living in Delhi and discussed the number of Sikhs still living in Afghanistan and ascertained the current situation there.

SGPC President S. Harjinder Singh also met Afghanistan’s Ambassador to India Mr. Farid Mamundzay, who was also present on this occasion and asked him to ensure the safety of Sikhs in Afghanistan.

ਗੁਰਦੁਆਰਾ ਸਾਹਿਬ ਦੀ ਵੋਟਿੰਗ ਬਣਾਉਣ ਸਮੇਂ ਆ ਰਹੀਆਂ ਮੁਸ਼ਕਲਾਂ ਵੱਲ ਦੁਆਇਆ ਧਿਆਨ  

ਲੰਡਨ, 11 ਜੂਨ  (ਖਹਿਰਾ)  ਗੁਰਦੁਆਰਾ ਸ੍ਰੀ ਗੁਰੂ ਸਿੰਘ ਸਭਾ ਦੇ ਪ੍ਰਧਾਨ ਸ ਗੁਰਮੇਲ ਸਿੰਘ ਮੱਲ੍ਹੀ ਅਤੇ ਜਨਰਲ ਸਕੱਤਰ ਸ ਹਰਜੀਤ ਸਿੰਘ ਸਰਪੰਚ ਨੇ ਗੁਰਦੁਆਰਾ ਸ੍ਰੀ ਗੁਰੂ ਸਿੰਘ ਸਭਾ ਸਾਊਥਾਲ ਦੇ ਟਰੱਸਟ ਦੇ ਚੇਅਰਮੈਨ ਨੂੰ ਗੁਰਦੁਆਰਾ ਸਾਹਿਬ ਦੀਆਂ ਬਣ ਰਹੀਆਂ ਨਵੀਂਆਂ ਵੋਟਾਂ ਲਈ ਲੋਕਾਂ ਦੀ ਮੰਗ ਅਨੁਸਾਰ  ਚਾਰ ਕਾਉਂਸਲ ਦੇ ਏਰੀਆ ਵਿਚ ਰਹਿ ਰਹੇ  ਪੜ੍ਹਾਈ ਜਾਂ ਕੰਮ ਦੇ ਤੌਰ ਤੇ ਆਏ ਨੌਜਵਾਨਾਂ ਨੂੰ ਵੋਟ ਦੇ ਅਧਿਕਾਰ ਤੋਂ ਵਾਂਝੇ ਕੀਤਾ ਜਾ ਰਿਹਾ ਹੈ ਜੋ ਕਿ ਸੰਵਿਧਾਨ ਦੇ ਅਨੁਸਾਰ ਜਿਸ ਤਰ੍ਹਾਂ ਕਿ ਉਨ੍ਹਾਂ ਨੌਜਵਾਨਾਂ ਨੇ ਦੱਸਿਆ ਕੇ ਸਾਡੀ ਵੋਟ ਬਣਨੀ ਚਾਹੀਦੀ ਹੈ ਜ਼ਰੂਰ ਗੁਰਦੁਆਰਾ ਸਾਹਿਬ ਦੇ ਟਰੱਸਟ ਦੇ ਚੇਅਰਮੈਨ ਨੂੰ ਇਸ ਗੱਲ ਵੱਲ ਧਿਆਨ ਦੇ ਕੇ ਜਲਦ ਤੋਂ ਜਲਦ ਇਸ ਦਾ ਹੱਲ ਕਰਨਾ ਚਾਹੀਦਾ ਹੈ  । ਇਸ ਸਮੇਂ ਸਾਡੇ ਪ੍ਰਤੀਨਿਧ ਨਾਲ ਗੱਲਬਾਤ ਕਰਦਿਆਂ ਸ ਗੁਰਮੇਲ ਸਿੰਘ ਮੱਲੀ ਨੇ ਦੱਸਿਆ ਕਿ ਪਡ਼੍ਹਾਈ ਅਤੇ ਕੰਮਕਾਰ ਲਈ ਆਏ ਨੌਜਵਾਨਾਂ ਦਾ ਗੁਰਦੁਆਰਾ ਸਾਹਿਬ ਦੀ ਸੇਵਾ ਸੰਭਾਲ ਦੇ ਵਿੱਚ ਬੜਾ ਵੱਡਾ ਯੋਗਦਾਨ ਹੈ ਜਿਸ ਨੂੰ ਅੱਖੋਂ ਪਰੋਖੇ ਕਰਨਾ ਸਹੀ ਨਹੀਂ ਹੋਵੇਗਾ  ।   

ਲੈਸਟਰ (ਖਹਿਰਾ ) ਇਸ ਹਫ਼ਤੇ ਯੂ ਕੇ ਵਿੱਚ “ਕੁਈਨ ਪਲੈਟੀਨਮ ਜੁਬਲੀ 2022”ਥਾਂ ਥਾਂ ਤੇ ਬੜੀ ਧੂਮ- ਧਾਮ ਨਾਲ ਮਨਾਈ ਜਾ ਰਹੀ ਹੈ। ਯੂ ਕੇ ਦੀ ਰਾਣੀ ਏਲਿਜ਼ਬੈਥ ਨੇ ਸਭ ਤੋਂ ਲੰਬਾ ਸਮਾਂ 70 ਸਾਲ ਯੂ ਕੇ ਵਿੱਚ ਰਾਜ ਕੀਤਾ ਹੈ। ਇਸ ਲਈ ਇਹ ਸਪੈਸ਼ਲ ਸਮਾਂ ਇਸ ਹਫ਼ਤੇ ਧੂਮ- ਧਾਮ ਨਾਲ ਮਨਾਇਆ ਗਿਆ। ਸਾਡੇ ਮਿਲਾਪ ਗਰੁੱਪ ਦੇ ਮਹੀਨਾਵਾਰੀ ਸੈਸ਼ਨ ਵਿੱਚ ਵੀ ਲੇਡੀਜ਼ ਵੱਲੋਂ ਧੂਮ-ਧਾਮ ਨਾਲ ਮਨਾਇਆ ਗਿਆ। ਜਿੱਥੇ ਅਸੀਂ ਆਪਣੇ ਦਿਨ ਤਿਉਹਾਰ ਹਮੇਸ਼ਾਂ ਧੂਮ ਧਾਮ ਨਾਲ ਮਨਾਉਂਦੇ ਹਾਂ,ਉੱਥੇ ਅਸੀਂ ਸੋਚਿਆ ਕਿ ਯੂ ਕੇ ਦੇ ਵਸਨੀਕ ਹੋਣ ਦੇ ਨਾਤੇ ਮਹਾਰਾਣੀ ਦੀ ਖੁਸ਼ੀ ਵਿੱਚ ਵੀ ਥੋੜਾ ਬਹੁਤਾ ਹਿੱਸਾ ਪਾਉਣਾ ਬਣਦਾ ਹੈ। ਸਾਨੂੰ ਕਦੇ ਬੇਗਾਨਾ ਪਣ ਨਹੀਂ ਮਹਿਸੂਸ ਹੋਣ ਦਿੱਤਾ। ਹਰ ਸਹੂਲਤ ਇੱਥੋਂ ਦੀ ਸਰਕਾਰ ਨੇ ਸਾਨੂੰ ਵੀ ਦਿੱਤੀ ਹੈ। ਯੂ ਕੇ ਵਿੱਚ ਲੰਬੇ ਅਰਸੇ ਤੋਂ ਵੱਸ ਰਹੇ ਬਹੁਤ ਸਾਰੀਆਂ ਵੱਖਰੀਆਂ ਕਮਿਊਨਟੀਆਂ ਨੇ ਵੀ ਇਸ ਨੂੰ ਆਪਣੇ ਆਪਣੇ ਤਰੀਕੇ ਨਾਲ ਮਨਾਇਆ। ਸਟ੍ਰੀਟ ਪਾਰਟੀਆਂ ਕੀਤੀਆਂ ਗਈਆਂ। ਸਜਾਵਟ ਕੀਤੀ ਗਈ। ਮਿਲਾਪ ਗਰੁੱਪ ਦੇ ਐਡਮਨ ਸਟਾਫ਼ ਲ਼ੇਖਿਕਾ ਜਸਵੰਤ ਕੌਰ ਬੈਂਸ, ਕਮਲਜੀਤ ਕੌਰ ਨੱਤ, ਰਾਜਵੀਰ ਕੌਰ, ਗੁਰਬਖਸ਼ ਕੌਰ, ਰਣਜੀਤ ਕੌਰ, ਕੁਲਦੀਪ ਕੌਰ ਨੇ ਪ੍ਰੋਗ੍ਰਾਮ ਦੀ ਰੂਪ ਰੇਖਾ ਉਲੀਕੀ। ਅਤੇ ਮਿਲਾਪ ਗਰੁੱਪ ਵੱਲੋਂ ਵੀ “ ਕੁਈਨ ਪਲੈਟੀਨਮ ਜੁਬਲੀ 2022 ਮਨਾਈ ਗਈ। ਸੈਸ਼ਨ ਦੀ ਸ਼ੁਰੂਆਤ ਧਾਰਮਿਕ ਪ੍ਰੋਗਰਾਮ ਨਾਲ ਸ਼ੁਰੂ ਕੀਤੀ ਗਈ। ਬਾਅਦ ਵਿੱਚ ਯੂ ਕੇ ਮਲਕਾ ਦੀ ਤਸਵੀਰ ਵਾਲੇ ਲੇਡੀਜ਼ ਨੇ ਕਾਰਡ ਬਣਾਏ, ਪਾਰਟੀ ਕਰਾਊਨ ਵੀ ਬਣਾਏ। ਫੇਰ ਇਕੱਠੇ ਹੋ ਕੇ ਕੇਕ ਕੱਟਿਆ, ਅਤੇ ਗੀਤ ਸੰਗੀਤ ਕੀਤਾ।  ਐਕਸਰਸਾਈਜ਼ ਸੈਸ਼ਨ ਵੀ ਸਿਹਤਯਾਬੀ ਲਈ ਕੀਤਾ ਗਿਆ। ਬਾਅਦ ਵਿੱਚ ਮਿਲ ਕੇ ਸਭ ਨੇ ਖਾਣਾ ਖਾਧਾ। ਇਸ ਗਰੁੱਪ ਵਿੱਚ ਇਕੱਠੇ ਹੋਕੇ ਪੰਜਾਬੀ ਮਾਂ ਬੋਲੀ, ਸਾਹਿਤ ਸੱਭਿਆਚਾਰ , ਸਮਾਜਿਕ ਗੱਲਾਂ, ਦਿਨ ਤਿਉਹਾਰ ਲੇਡੀਜ਼ ਵੱਲੋਂ ਮਨਾਏ ਜਾਂਦੇ ਹਨ। ਇਸ ਵਾਰ ਲੰਬੇ ਸਮੇਂ ਤੋਂ ਯੂ ਕੇ ਦੇ ਵਸਨੀਕ ਹੋਣ ਤੇ ਨਾਤੇ ਅਤੇ ਰਾਣੀ ਦੇ ਰਾਜ ਵਿੱਚ ਜੀਵਨ ਬਤੀਤ ਕਰਦੇ ਹੋਏ ਹਰ ਤਰਾਂ ਦੀਆਂ ਸਹੂਲਤਾਂ ਪੰਜਾਬੀਆਂ ਨੂੰ ਵੀ ਇਸ ਮੁਲਕ ਵਿੱਚ ਪ੍ਰਦਾਨ ਕੀਤੀਆਂ ਗਈਆਂ। ਇਹ ਚੰਗਾ ਸੋਚ ਕੇ ਲੇਡੀਜ਼ ਨੇ ਸੋਚਿਆ ਸਾਡਾ ਵੀ ਥੋੜਾ ਬਹੁਤਾ ਸੈਲੀਬਰੇਸ਼ਨ ਵਿੱਚ ਹਿੱਸਾ ਲੈਣਾ ਬਣਦਾ ਹੈ। ਇਸ ਲਈ ਸਭ ਨੇ ਰਲ ਮਿਲ ਕੇ ਆਪਣੇ ਤਰੀਕੇ ਨਾਲ ਮਨਾਇਆ। ਜਸਵੰਤ ਕੌਰ ਬੈਂਸ ਨੇ ਸਾਰੀਆਂ ਲੇਡੀਜ਼ ਦਾ ਧੰਨਵਾਦ ਕੀਤਾ ਅਤੇ ਅਖੀਰ ਵਿੱਚ ਇੱਕ ਧਾਰਮਿਕ ਸ਼ਬਦ ਨਾਲ ਸਰਬੱਤ ਦਾ ਭਲਾ ਮੰਗਦੇ ਹੋਏ ਪ੍ਰੋਗਰਾਮ ਦੀ ਸਮਾਪਤੀ ਕੀਤੀ।

ਲੈਸਟਰ ਵਿਖੇ ਕਿਊਨ ਪਲਾਟੀਨਮ ਜੁਬਲੀ ਮਨਾਉਂਦੀਆਂ ਹੋਈਆਂ ਪੰਜਾਬਣਾਂ

ਮਿਲਾਪ ਗਰੁੱਪ ਨੇ ਵੀ ਬਹੁਤ ਹੀ ਧੂਮਧਾਮ ਨਾਲ ਮਨਾਇਆ ਕਿਊਨ ਪਲਾਟੀਨਮ ਜੁਬਲੀ ਵੀ ਸੂਬਾਈ