ਲੰਡਨ 23 ਜੁਲਾਈ (ਖਹਿਰਾ ) ਦੋ ਸਾਲ ਕੋਰੋਨਾ ਮਹਾਂਮਾਰੀ ਤੋਂ ਬਾਅਦ ਇੰਗਲੈਂਡ ਵਿੱਚ ਕਬੱਡੀ ਬੜੇ ਹੀ ਧੂਮ ਧੜੱਕੇ ਨਾਲ ਸ਼ੁਰੂ ਹੋ ਗਈ ਹੈ । ਕਬੱਡੀ ਟੂਰਨਾਮੈਂਟਾਂ ਦੀ ਇਸ ਲੜੀ ਤਹਿਤ ਇਸ ਹਫ਼ਤੇ 24 ਜੁਲਾਈ 2022 ਦਿਨ ਐਤਵਾਰ ਨੂੰ ਈਰਥ ਵੂਲਿਚ ਕਬੱਡੀ ਕਲੱਬ ਵੱਲੋਂ ਟੂਰਨਾਮੈਂਟ ਕਰਵਾਇਆ ਜਾ ਰਿਹਾ ਹੈ । ਈਰਥ ਵੂਲਿਚ ਕਬੱਡੀ ਕਲੱਬ ਦੇ ਪ੍ਰਬੰਧਕਾਂ ਵੱਲੋਂ ਮਿਲੀ ਜਾਣਕਾਰੀ ਅਨੁਸਾਰ ਇਹ ਟੂਰਨਾਮੈਂਟ Erith Leisure Center ,Avenue Road, Erith DA8 3AT ਵਿਖੇ ਇਸ਼ਤਿਹਾਰ ਉੱਪਰ ਦਿੱਤੇ ਪ੍ਰੋਗਰਾਮ ਅਨੁਸਾਰ ਸਵੇਰੇ 9 ਵਜੇ ਤੋਂ ਸ਼ੁਰੂ ਹੋ ਕੇ ਸ਼ਾਮ ਦੇ 7 ਵਜੇ ਤੱਕ ਹੋਵੇਗਾ। ਦਰਸ਼ਕਾਂ ਦੀ ਗਰਾਊਂਡ ਵਿੱਚ ਐਂਟਰੀ ਫ਼ੀਸ ਦਸ ਪੌਂਡ ਹੈ ਅਤੇ ਕਾਰ ਪਾਰਕਿੰਗ ਫ਼ੀਸ ਪੰਜ ਪੌਂਡ ਸਾਰੇ ਦਿਨ ਲਈ ਨਿਸ਼ਚਿਤ ਹੈ । ਈਰਥ ਵੂਲਿਚ ਕਬੱਡੀ ਕਲੱਬ ਦੇ ਪ੍ਰਬੰਧਕਾਂ ਵੱਲੋਂ ਸਮੂਹ ਕਬੱਡੀ ਨਾਲ ਪਿਆਰ ਰੱਖਣ ਵਾਲਿਆਂ ਨੂੰ ਹੁੰਮ ਹੁਮਾ ਕੇ ਪਹੁੰਚਣ ਦਾ ਸੱਦਾ ਲੰਗਰ ਅਤੁੱਟ ਵਰਤਣਗੇ ।
