ਪੰਜਾਬ

ਸ਼ਹਿਨਾਈਆਂ*
ਸੁਖਦੀਪ ਸਿੰਘ ਸੋਹੀ s/oਮਲਕੀਤ ਸਿੰਘ ਸੋਹੀ ,ਪਿੰਡ ਨਰੈਣਗੜ੍ਹ ਸੋਹੀਆਂ (ਬਰਨਾਲਾ) ਦਾ ਵਿਆਹ ਕਰਨਵੀਰ ਕੌਰ D/oਬਲਵਿੰਦਰ ਸਿੰਘ ਪਿੰਡ ਖੋਟੇ (ਮੋਗਾ) ਦੇ ਨਾਲ ਹੋਇਆ।

ਪੱਤਰਕਾਰ ਗੁਰਸੇਵਕ ਸੋਹੀ ਬਰਨਾਲਾ 7347480582

ਸ਼ਿਕਵਾ

ਸ਼ਿਕਵਾ ਕੀਤਾ ਨਹੀਂ ਕਦੇ ਅਸੀਂ ਬੇਵਫਾਈ ਦਾ 
ਬੇ-ਵਫਾ ਖੁਦ ਆਪਦੇ ਕੀਤੇ ਤੇ ਪਛਤਾਉਂਦੀ ਰਹੀ ।

ਗੁਲਸ਼ਨ ਵਿੱਚੋਂ ਉਹ ਕਲੀ ਵੀ ਮਸਲ ਦਿੱਤੀ 
ਜੋ ਉਮਰ ਭਰ ਸਾਰੇ ਗੁਲਸ਼ਨ ਨੂੰ ਮਹਿਕਾਉਂਦੀ ਰਹੀ।

ਉਮਰ ਭਰ ਦੀਆਂ ਖੁਸ਼ੀਆਂ ਬੇਸ਼ੁਮਾਰ ਖੋਹ ਕੇ ਮੇਰੀਆਂ 
ਜ਼ਾਲਿਮ ਜ਼ੁਲਮ ਕਰਨ ਤੋਂ ਬਾਅਦ ਵੀ ਮੁਸਕੁਰਾਉਂਦੀ ਰਹੀ ।

ਰੱਬ ਦੇ ਵਾਸਤੇ ਛੱਡ ਨਾ ਜਾਵੀਂ ਤੂੰ ਮੈਨੂੰ ਕੱਲਾ 
ਨਿੱਤ ਹੀ ਮੈਨੂੰ ਖ਼ਤਾ ਚ ਉਹ ਸਮਝਾਉਂਦੀ ਰਹੀ ।

ਅੰਤਾਂ ਦਾ ਸੱਜਣਾਂ ਤੈਨੂੰ ਪਿਆਰ ਸੀ ਮੈਂ ਕਰਦਾ 
ਐਪਰ ਨਾਟਕ ਪਿਆਰ ਦਾ ਕਰਕੇ ਤੜਫਾਉਂਦੀ ਰਹੀ ।

ਤੇਰੇ ਪਿਆਰ ਬਦਲੇ ਮੈਂ ਜਾਨ ਆਪਣੀ ਦੇ ਦੇਵਾਂਗੀ 
ਪਰ ਬੇ-ਕਦਰੇ ਫੋਕਾ ਪਿਆਰ ਜਤਾਉਂਦੀ ਰਹੀ।

ਹੋਇਆ ਕੀ ਜੇ"ਸ਼ਾਇਰ " ਘਰ ਤੋਂ ਗਰੀਬ ਸੀ 
ਪਰ ਤੂੰ ਬੇ -ਕੀਰਕੇ  ਉਹਨੂੰ ਬੁਝਾਰਤਾਂ ਪਾਉਂਦੀ ਰਹੀ ।

----------------------------------
 ਕੀ ਕਰਨਾ 

ਰੱਖਿਆ ਸੀ ਜਿਹਦੇ ਸਾਹਮਣੇ ਦਿਲ ਚੀਰ ਮੈਂ ਸੀਨਾ ।
ਭੁਲੇਖੇ ਕਿਉਂ ਉਸਦੇ ਦਿਲ ਵਿੱਚ ਮੇਰੇ ਬਾਰੇ ਰਹੇ ।

ਬਣ ਜਾਂਦਾ ਸੀ ਹਮਾਇਤੀ ਮੇਰਾ ਬੇਸ਼ੱਕ ਹਰ ਕੋਈ 
ਸਭ ਕੁੱਝ ਹੋਣ ਤੋਂ ਬਾਅਦ ਵੀ ਬੇਸਹਾਰੇ ਰਹੇ ।
ਫੁੱਲ ਵਿਛਾਏ ਸੀ ਮੈਂ ਤਾਂ ਹਰੇਕ ਦੇ ਰਾਹ ਤੇ 
ਸੁਲਗਦੀ ਅੱਗ ਦੇ ਕਿਉਂ ਮੇਰੀ ਵਾਰੀ ਅੰਗਾਰੇ ਰਹੇ ।

ਸਾਡੇ ਪਿਆਰ ਚ ਕੋਈ ਕਮੀ ਨਹੀਂ ਸੀ ਸੱਜਣਾ 
ਫੇਰ ਵੀ ਤੜਫਦੇ ਕਿਉਂ ਦੋਵੇਂ ਨਦੀ ਦੇ ਕਿਨਾਰੇ ਰਹੇ ।

ਅੱਲੇ -ਅੱਲੇ ਜ਼ਖ਼ਮਾਂ ਤੇ ਲਾਵਾਂ ਮਲੱਮ ਮੈਂ ਕਿਹੜੀ 
ਉਹਦੇ ਕਹੇ ਹਰ ਸ਼ਬਦ ਬਣੇ ਕਿਉਂ ਚਿੰਗਾਰੇ ਰਹੇ ।

ਕੀ ਕਰਨਾ ਦੁਨੀਆਂ ਤੇ"ਸ਼ਾਇਰ "ਹੁਣ ਜੀ ਕੇ
ਜਦੋਂ ਆਪਣੇ ਹੀ ਸੱਜਣ ਨਾ ਪਿਆਰੇ ਰਹੇ ।

ਜਸਵਿੰਦਰ ਸ਼ਾਇਰ "ਪਪਰਾਲਾ "
9996568220

ਮੁੱਖ ਮੰਤਰੀ ਚੰਨੀ ਦੀ ਫੇਰੀ ਨੇ ਛੇੜੀ ਨਵੀਂ ਚਰਚਾ ਆਪਣੇ ਪੁੱਤਰ ਨੂੰ ਉਤਾਰ ਸਕਦੇ ਨੇ ਚੋਣ ਮੈਦਾਨ ਚ      

 ਮਹਿਲ ਕਲਾਂ/ ਬਰਨਾਲਾ (ਗੁਰਸੇਵਕ ਸੋਹੀ) ਪੰਜਾਬ ਦੇ ਮੁੱਖ ਮੰਤਰੀ ਸਰਦਾਰ ਚਰਨਜੀਤ ਸਿੰਘ ਚੰਨੀ ਦੀ ਮਹਿਲ ਕਲਾਂ ਫੇਰੀ ਨੇ ਨਵੀਂ ਚਰਚਾ ਛੇੜ ਦਿੱਤੀ ਹੈ ।ਵਿਧਾਨ ਸਭਾ ਹਲਕਾ ਮਹਿਲ ਕਲਾਂ ਤੋਂ  ਕਿਹੜਾ ਉਮੀਦਵਾਰ ਚੋਣ ਮੈਦਾਨ ਚ ਉਤਾਰਿਆ ਜਾਵੇਗਾ। ਸੂਤਰਾਂ ਦਾ ਕਹਿਣਾ ਹੈ ਕਿ ਮੁੱਖ ਮੰਤਰੀ ਚੰਨੀ ਦਾ ਬੇਟਾ ਇੱਥੋਂ ਚੋਣ ਲੜ ਸਕਦਾ ਹੈ, ਕਿਉਂਕਿ ਇਸ ਹਲਕੇ ਤੋਂ 8-10 ਦਾਅਵੇਦਾਰ ਸਾਹਮਣੇ ਆ ਰਹੇ ਹਨ, ਕਿ ਮੈਨੂੰ ਟਿਕਟ ਮਿਲਣੀ ਚਾਹੀਦੀ ਹੈ ਤੇ ਕੋਈ ਵੀ ਮੌਕਾ ਖੁੰਝਣ ਨਹੀਂ ਦਿੰਦੇ ਤੇ  ਹਲਕੇ ਅੰਦਰ ਗੇੜੀਆਂ ਮਾਰਨੀਆਂ ਵੀ ਸ਼ੁਰੂ ਕੀਤੀਆਂ ਹੋਈਆਂ ਹਨ ।ਕਿਉਂਕਿ ਟਿਕਟ ਤਾਂ ਇੱਕ ਨੂੰ ਹੀ ਮਿਲਣੀ ਹੈ ਤੇ ਫੇਰ ਦੂਸਰੇ ਦਾਅਵੇਦਾਰ ਵੀ ਵਿਰੋਧ ਕਰ ਸਕਦੇ ਹਨ ।ਜਿਸ ਕਰ ਕੇ ਮੁੱਖ ਮੰਤਰੀ  ਸ੍ਰ ਚੰਨੀ ਆਪ ਚੋਣ ਲੜ ਸਕਦੇ ਹਨ ਜਾਂ ਫਿਰ ਆਪਣੇ ਪੁੱਤਰ ਨੂੰ ਇਥੋਂ ਮੈਦਾਨ ਵਿਚ ਉਤਾਰ ਸਕਦੇ ਹਨ ।ਮਹਿਲ ਕਲਾਂ ਵਿਖੇ ਮੁੱਖ ਮੰਤਰੀ ਚੰਨੀ ਪਹਿਲਾਂ ਮਾਲਵਾ ਨਰਸਿੰਗ ਕਾਲਜ ਵਿਖੇ ਪਧਾਰੇ ਸੀ, ਜਿੱਥੇ ਸਾਬਕਾ ਵਿਧਾਇਕ ਬੀਬੀ ਹਰਚੰਦ ਕੌਰ ਘਨੌਰੀ ਦਾ ਵਿਰੋਧੀ ਧੜਾ ਮੌਜੂਦ ਸੀ ਤੇ ਕਿਹਾ ਕਿ ਬੀਬੀ ਘਨੌਰੀ ਨੂੰ ਟਿਕਟ ਨਾ ਦਿੱਤੀ ਜਾਵੇ। ਜਿੱਥੇ ਬੀਬੀ ਘਨੌਰੀ ਵੀ ਮੌਜੂਦ ਸੀ। ਬੀਬੀ ਵਿਰੋਧੀ ਧੜੇ ਨੂੰ ਸਰਦਾਰ ਚੰਨੀ ਨੇ ਵਿਸ਼ਵਾਸ ਵੀ ਦਿਵਾਇਆ। ਬਾਅਦ ਵਿਚ ਦਾਣਾ ਮੰਡੀ ਮਹਿਲ ਕਲਾਂ ਵਿਖੇ ਰੈਲੀ ਵਾਲੀ ਜਗ੍ਹਾ ਤੇ ਪਹੁੰਚੇ। ਸਟੇਜ ਓੁਪਰ ਬੀਬੀ ਘਨੌਰੀ  ਮੌਜੂਦ ਸੀ ਤੇ ਵਿਰੋਧੀ ਧੜੇ ਦੇ ਮੈਂਬਰ  ਰੋਸ਼ਨ ਲਾਲ ਬਾਂਸਲ ਤੇ ਤੇਜ ਪਾਲ ਸਿੰਘ ਸੱਦੋਵਾਲ ਵੀ ਸਟੇਜ ਤੇ ਮੌਜੂਦ ਸਨ। ਬੀਬੀ ਘਨੌਰੀ ਨੇ ਮੁੱਖ ਮੰਤਰੀ ਦੇ ਸਾਹਮਣੇ ਮੰਗਾਂ ਰੱਖੀਆਂ ਸਨ, ਪਰ ਸਟੇਜ ਤੋਂ ਮੁੱਖ ਮੰਤਰੀ ਨੇ ਇੱਕ ਵਾਰ ਵੀ ਬੀਬੀ ਘਨੌਰੀ ਦਾ ਨਾਮ ਤੱਕ ਨਹੀਂ ਲਿਆ। ਇਸ ਤੋਂ ਸਿੱਧ ਹੁੰਦਾ ਹੈ ਕਿ ਬੀਬੀ ਘਨੌਰੀ ਦਾ ਪੱਤਾ ਸਾਫ ਦਿਸ ਰਿਹਾ ਹੈ ।ਦੂਜੇ ਪਾਸੇ ਬੀਬੀ ਘਨੌਰੀ ਦੇ ਸਮਰਥਕ ਬੀਬੀ ਨੂੰ ਵਧਾਈਆਂ ਦੇ ਰਹੇ ਸਨ। ਜੇਕਰ ਬੀਬੀ ਘਨੌਰੀ ਨੂੰ ਟਿਕਟ ਦਿੱਤੀ ਗਈ ਤਾਂ ਵਿਰੋਧੀ ਧੜਾ ਖੁੱਲ੍ਹ ਕੇ ਬਗਾਵਤ ਤੇ ਉਤਰ ਆਵੇਗਾ ਤਾਂ  ਫੇਰ ਕਾਂਗਰਸ ਨੂੰ ਇੱਥੋਂ ਸੀਟ ਕੱਢਣੀ ਬੜੀ ਹੀ ਔਖੀ ਹੋ ਜਾਵੇਗੀ। ਜੋ ਮੁੱਖ ਮੰਤਰੀ ਸ ਚੰਨੀ ਨੇ 25  ਕਰੋੜ ਰੁਪਏ ਦੀ ਗਰਾਂਟ ਦੇਣ ਦਾ ਐਲਾਨ ਕੀਤਾ ਸੀ, ਪਰ ਉਹ ਪੈਸਾ ਕਿਸ ਰਾਹੀ ਖਰਚਿਆ ਜਾਵੇਗਾ । ਸੂਤਰਾਂ ਦਾ ਕਹਿਣਾ ਹੈ ਕਿ ਇਹ ਗਰਾਂਟ ਡਿਪਟੀ ਕਮਿਸਨਰ ਬਰਨਾਲਾ ਰਾਹੀਂ ਖਰਚੀ ਜਾਵੇਗੀ, ਜੇਕਰ ਇਹ ਗ੍ਰਾਂਟ ਬੀਬੀ ਘਨੌਰੀ ਰਾਹੀਂ ਦਿੱਤੀ ਜਾਂਦੀ ਹੈ ਤਾਂ ਫਿਰ ਟਿਕਟ ਮਿਲਣ ਦੀ ਆਸ ਵੀ ਬੱਝ ਜਾਂਦੀ ਹੈ, ਕਿਉਂਕਿ ਬੀਬੀ ਘਨੌਰੀ ਦੋ ਵਾਰ  ਵਿਧਾਇਕ ਰਹੀ ਹੈ। ਇਸ ਹਲਕੇ ਤੋਂ ਟਿਕਟ ਦੇ ਦਾਅਵੇਦਾਰ ਗੁਰਦੀਪ ਸਿੰਘ ਦਿਵਾਨਾ, ਬੰਨੀ ਖਹਿਰਾ ( ਜੋ ਵੱਡਾ ਲਾਮ ਲਸ਼ਕਰ ਲੈ ਕੇ ਆਉਂਦਾ ਹੈ ), ਡਾ ਅਮਰਜੀਤ ਸਿੰਘ ਸੰਮਤੀ ਮੈਂਬਰ ਮਹਿਲ ਕਲਾਂ ਤੇ ਹੋਰ ਕਈ  ਸ਼ਾਮਲ ਹਨ ਤੇ ਆਪਣੇ -ਆਪਣੇ ਸਿਆਸੀ ਪ੍ਰਭੂਆਂ ਦੀ ਛਤਰ ਛਾਇਆ ਹੇਠ ਮੁੱਖ ਮੰਤਰੀ ਕੋਲ ਪੇਸ਼ ਹੋ ਰਹੇ ਹਨ । ਜ਼ਿਕਰਯੋਗ ਹੈ ਕਿ ਹੋਪ ਫਾਰ ਮਹਿਲ ਕਲਾਂ ਦੇ ਇੰਚਾਰਜ ਕੁਲਵੰਤ ਸਿੰਘ ਟਿੱਬਾ ਵੀ ਟਿਕਟ ਲੈਣ ਲਈ ਜ਼ੋਰ ਅਜ਼ਮਾਈ ਕਰ ਰਹੇ ਹਨ। ਪਰ ਉਹ ਅਜੇ ਤਕ ਕਾਂਗਰਸ  ਪਾਰਟੀ ਚ ਸ਼ਾਮਲ ਨਹੀਂ ਹੋਏ। ਜੇਕਰ ਉਹ ਪਾਰਟੀ ਚ ਸ਼ਾਮਲ ਹੁੰਦੇ ਹਨ ਤਾਂ ਟਿੱਬਾ ਟਿਕਟ ਲੈਣ ਦੇ ਜਰੂਰ ਦਾਅਵੇਦਾਰ ਬਣ ਸਕਦੇ ਹਨ। ਹੁਣ ਤਾਂ ਸਮਾਂ ਹੀ ਦੱਸੇਗਾ  ਕੀ ਕਿਸ਼ਦੀ ਝੋਲੀ ਲੱਡੂ ਪੈਂਦੇ ਹਨ ।

 ਪ੍ਰਧਾਨ ਰਾਠੀ ਵੱਲੋਂ ਭੁੱਖ ਹੜਤਾਲ ਸ਼ੁਰੂ

ਸੰਗਰੂਰ /ਬਰਨਾਲਾ, 01 ਦਸੰਬਰ ( ਗੁਰਸੇਵਕ ਸੋਹੀ) ਭੁੱਖ ਹੜਤਾਲ ਤੇ ਬੈਠੇ ਇੰਕਲਾਬ ਜਬਰ ਵਿਰੋਧੀ ਸੰਘਰਸ਼ ਕਮੇਟੀ ਦੇ ਪ੍ਰਧਾਨ ਗੁਰਤੇਜ ਰਾਠੀ ਨੇ ਜਾਣਕਾਰੀ ਦਿੰਦਿਆ ਕਿਹਾ ਕਿ SCLO ਸਭਾ ਸ਼ਾਦੀਹਰੀ ਖਿਲਾਫ ਮੈਂਬਰਸ਼ਿਪ ਲੲੀ ਪਿਛਲੇ 6 ਮਹੀਨਿਆਂ ਤੋਂ ਧਰਨਾ ਚੱਲ ਰਿਹਾ ਹੈ ਅਤੇ ਉਹਨਾਂ ਵੱਲੋਂ ਐੱਸ ਡੀ ਐੱਮ ਦਫਤਰ ਦਿੜ੍ਹਬਾ ਵਿਖੇ ਸਬੰਧਿਤ ਅਫਸਰਾਂ ਨੂੰ  ਮ੍ਰਿਤਕ ਜੋਤੀ ਦੇ ਪਰਿਵਾਰ ਦੇ ਪਰਿਵਾਰ ਵੱਲੋਂ ਮੰਗ ਪੱਤਰ ਦਿੱਤਾ ਗਿਆ। ਇਨਸਾਫ ਲੈਣ ਲੲੀ ਲਗਾਏ ਗਏ ਧਰਨੇ ਦੌਰਾਨ ਬੱਚੀ ਜੋਤੀ ਕੌਰ ਪੁੱਤਰੀ ਭੋਲਾ ਸਿੰਘ ਬਿਮਾਰ ਹੋ ਗੲੀ ਸੀ। ਜੋਤੀ ਕੌਰ ਦਾ ਪਿਤਾ ਪਿਛਲੇ 6 ਮਹੀਨਿਆਂ ਤੋਂ ਧਰਨੇ ਚ ਸ਼ਾਮਲ ਹੋਣ ਕਰਕੇ ਕੰਮ ਤੇ ਨਹੀਂ ਜਾ ਸਕਿਆ ਅਤੇ ਘਰ ਚ ਗਰੀਬੀ ਹੋਣ ਕਰਕੇ ਜੋਤੀ ਕੌਰ ਦਾ ਪੂਰੀ ਤਰਾਂ ਇਲਾਜ ਨਹੀਂ ਕਰਵਾਇਆ ਜਾ ਸਕਿਆ ਜਿਸ ਕਾਰਨ 28 ਨਵੰਬਰ 2021 ਨੂੰ ਜੋਤੀ ਕੌਰ ਪੁੱਤਰੀ ਭੋਲਾ ਸਿੰਘ ਦੀ ਮੌਤ ਹੋ ਗੲੀ ਉਸਦਾ ਅੰਤਿਮ ਸੰਸਕਾਰ ਕਰ ਦਿੱਤਾ ਗਿਆ ਹੈ ਪਰ ਫੁੱਲਾਂ ਜਾਂ ਭੋਗ ਦੀ ਰਸਮ ਉਦੋਂ ਤੱਕ ਨਹੀਂ ਨਿਭਾਈ ਜਾਵੇਗੀ ਜਦੋਂ ਤੱਕ ਪਰਿਵਾਰ ਨੂੰ ਇਨਸਾਫ, 20 ਲੱਖ ਮੁਆਵਜਾ ਅਤੇ ਪਰਿਵਾਰ ਦੇ ਇੱਕ ਮੈਂਬਰ ਨੂੰ ਨੌਕਰੀ ਦਿੱਤੀ ਜਾਵੇ। ਕਿਉਂਕਿ ਜੋਤੀ ਕੌਰ ਦੀ ਮੌਤ ਦੀ ਜਿੰਮੇਵਾਰ SCLO ਕਮੇਟੀ ਸ਼ਾਦੀਹਰੀ, ਪ੍ਰਸ਼ਾਸ਼ਨ ਅਤੇ ਮੌਜੂਦਾ ਸਰਕਾਰ ਹੈ। ਕਿਉਂਕਿ ਸਬੰਧਿਤ ਅਧਿਕਾਰੀਆਂ ਵੱਲੋਂ ਧਰਨਾਕਾਰੀਆਂ ਦੀ ਮੰਗ ਤੇ 1956 ਦਾ ਰਿਕਾਰਡ ਦਿੱਤਾ ਗਿਆ ਅਤੇ ਨਾ ਹੀ 11-01-2021 ਦੇ ਸਿਫਾਰਿਸ ਲੈਟਰ ਉੱਪਰ ਕਾਰਵਾੲੀ ਕੀਤੀ ਗੲੀ ਅਤੇ ਨਾਂ ਹੀ ਦੋਸ਼ੀਆਂ ਖਿਲਾਫ ਕੋਈ ਕਾਰਵਾਈ ਕੀਤੀ ਗੲੀ।
ਇਸ ਮੌਕੇ ਜਬਰ ਵਿਰੋਧੀ ਸੰਘਰਸ਼ ਕਮੇਟੀ ਦੇ ਪ੍ਰਧਾਨ ਗਰਤੇਜ ਸਿੰਘ ਰਾਠੀ, ਮੀਤ ਪ੍ਰਧਾਨ ਗੁਰਜੰਟ ਸਿੰਘ ਰਾਜੂ, ਗੁਰਵਿੰਦਰ ਸਿੰਘ, ਲਖਵਿੰਦਰ ਸਿੰਘ, ਰਾਜਵਿੰਦਰ ਸਿੰਘ, ਭੁਪਿੰਦਰ ਸਿੰਘ, ਗੁਰਪ੍ਰੀਤ ਸਿੰਘ, ਮਿੱਠੂ ਸਿੰਘ, ਜਗਤਾਰ ਸਿੰਘ ਮੌਜੂਦਾ ਮੈਂਬਰ SCLO ਸਭਾ, ਲਾਡੀ ਸਿੰਘ, ਕਾਲਾ ਸਿੰਘ, ਮ੍ਰਿਤਕ ਬੱਚੀ ਦੇ ਪਿਤਾ ਭੋਲਾ ਸਿੰਘ ਮਾਤਾ ਕਿਰਨਾ ਕੌਰ ਅਤੇ ਸਮੂਹ ਧਰਨਾਕਾਰੀ ਸ਼ਾਮਲ ਸਨ।

ਅੰਮ੍ਰਿਤਸਰ ਹਵਾਈ ਅੱਡਾ ਅਥਾਰਿਟੀ ਨੇ ਜਾਰੀ ਕੀਤੀਆਂ ਨਵੀਆਂ ਗਾਈਡਲਾਈਨਜ਼  

ਨਵੇਂ ਵੈਰੀਐਂਟ ਨੂੰ ਲੈ ਕੇ ਵਰਤੀ ਜਾ ਰਹੀ ਹੈ ਚੌਕਸੀ  

ਅੰਮ੍ਰਿਤਸਰ , 01 ਦਸੰਬਰ (ਜਸਮੇਲ ਗ਼ਾਲਿਬ ) ਕਰੋਨੇ ਦੇ ਨਵੇਂ ਵੇਰੀਐਂਟ ਨੂੰ ਫੈਲਣ ਤੋਂ ਰੋਕਣ ਲਈ ਸ੍ਰੀ ਗੁਰੂ ਰਾਮਦਾਸ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੇ ਲੰਡਨ ਬਰਮਿੰਘਮ ਤੇ ਰੋਮ ਤੋਂ ਆਉਣ ਵਾਲੇ ਮੁਸਾਫਰਾਂ ਨੂੰ ਘੱਟੋ ਘੱਟ ਛੇ ਘੰਟੇ ਲਈ ਰੁਕਣਾ ਪਵੇਗਾ ਏਅਰਪੋਰਟ ਉੱਪਰ । ਇਸ ਲਈ ਕਿ ਉਨ੍ਹਾਂ ਦੀ ਚੰਗੀ ਤਰ੍ਹਾਂ ਜਾਂਚ ਹੋ ਸਕੇ ਇਹ ਨਵੀਆਂ ਗਾਈਡਲਾਈਨਜ਼ ਹਵਾਈ ਅੱਡਾ ਅਥਾਰਟੀ ਵੱਲੋਂ ਅੱਜ ਰਾਤ ਬਾਰਾਂ ਵਜੇ ਤੋਂ ਲਾਗੂ ਕਰ ਦਿੱਤੀ ਆ ਜਾਣਗੀਆਂ  । ਅੰਮ੍ਰਿਤਸਰ ਹਵਾਈ ਅੱਡਾ ਅਥਾਰਟੀ ਵਲੋਂ ਜ਼ਿਲ੍ਹਾ ਪ੍ਰਸ਼ਾਸਨ ਤੇ ਪ੍ਰਾਈਵੇਟ ਲੈਬਾਰਟੀਜ਼ ਦੇ ਤਾਲਮੇਲ ਨਾਲ ਬਾਹਰੋਂ ਆਉਣ ਵਾਲੇ ਮੁਸਾਫ਼ਰਾਂ ਦੇ ਟੈਸਟ ਕਰਵਾਏ ਜਾ ਸਕਣ ਦਾ ਪ੍ਰਬੰਧ ਕੀਤਾ ਜਾਵੇਗਾ । ਪ੍ਰੈੱਸ ਨਾਲ ਗੱਲਬਾਤ ਕਰਦੇ ਹੋਏ  ਹਵਾਈ ਅੱਡੇ ਦੇ ਡਾਇਰੈਕਟਰ ਬੀ ਕੇ ਸੇਠ ਨੇ ਦੱਸਿਆ ਕਿ ਕਰੁਣਾ ਮਹਾਂਮਾਰੀ ਦੇ ਨਵੇਂ ਵੈਰੀਐਂਟ ਓਮਨੀ ਕ੍ਰੌਨ ਨੂੰ ਰੋਕਣ ਲਈ ਅਥਾਰਟੀਜ਼ ਵੱਲੋਂ ਹਰ ਸੰਭਵ ਯਤਨ ਸ਼ੁਰੂ ਕਰ ਦਿੱਤੇ ਗਏ ਹਨ ਜ਼ਿਲ੍ਹਾ ਪ੍ਰਸ਼ਾਸਨ ਨਾਲ ਵੀ ਮੀਟਿੰਗ ਕਰਕੇ ਇਸ ਤੇ ਵਿਚਾਰ ਵਟਾਂਦਰਾ ਕੀਤਾ ਗਿਆ ਹੈ ਤਾਂ ਕਿ ਬਾਹਰੋਂ ਆਉਣ ਵਾਲੇ ਮੁਸਾਫ਼ਰਾਂ ਦੇ ਟੈਸਟ ਘੱਟ ਤੋਂ ਘੱਟ ਰੇਟ ਤੇ ਕਰਵਾਏ ਜਾ ਸਕਣ  । ਉਨ੍ਹਾਂ ਦੱਸਿਆ ਕਿ ਮੁਸਾਫਰਾਂ ਦੇ ਰੈਪਿਡ ਟੈਸਟ ਕਰਵਾਉਣ ਦੀ ਆਗਿਆ ਮਿਲ ਗਈ ਹੈ ਰੈਪਿਡ ਟੈਸਟ ਦੀ ਰਿਪੋਰਟ ਆਉਣ ਚ ਘੱਟ ਤੋਂ ਘੱਟ ਚਾਰ ਤੋਂ ਪੰਜ ਘੰਟੇ ਦਾ ਸਮਾਂ ਲੱਗਦਾ ਹੈ  । ਇਸ ਸਮੇਂ ਓਮਨੀ ਕ੍ਰੌਨ ਪ੍ਰਭਾਵਿਤ ਦੇਸ਼ਾਂ ਚੋਂ ਲੰਡਨ ਬਰਮਿੰਘਮ ਤੇ ਰੋਮ ਤੋਂ ਹੀ ਅੰਬਰਸਰ ਫਲਾਈਟ ਆ ਰਹੀ ਹੈ ਅਜਿਹੇ ਸਮੇਂ ਫਲਾਈਟ ਲੈਂਡ ਹੋਣ ਅਤੇ ਪੇਸ਼ਾਵਰਾਂ ਦੀ ਟੈਸਟ ਪ੍ਰਕਿਰਿਆ ਪੂਰੀ ਹੋਣ ਤੋਂ ਘੱਟ ਛੇ ਘੰਟੇ ਦਾ ਸਮਾਂ ਲੱਗੇਗਾ ।

ਤੁਹਾਡੀ ਜਾਣਕਾਰੀ ਲਈ ਦੱਸ ਦਈਏ ਕਿ ਓਮੀ ਕੋਰੋਨਾ ਦੇ ਪ੍ਰਭਾਵ ਨੂੰ ਦੇਖਦੇ ਹੋਏ ਵਿਦੇਸ਼ ਤੋਂ ਆਉਣ ਵਾਲੇ ਮੁਸਾਫ਼ਰਾਂ ਲਈ ਸੱਤ ਦਿਨ ਕੁਆਰਨਟਿਨ ਵੀਹ ਕਰਨਾ ਹੋਵੇਗਾ ਇਸ ਲਈ ਪੰਜਾਬ ਸਰਕਾਰ ਵੱਲੋਂ ਵੀ ਗਾਈਡਲਾਈਨਜ਼ ਜਾਰੀ ਕਰ ਦਿੱਤੀਆਂ ਗਈਆਂ ਹਨ  ।ਆਰ ਟੀ ਪੀ ਸੀ ਆਰ ਦੀ ਰਿਪੋਰਟ ਆਉਣ ਤੋਂ ਬਾਅਦ ਹੋਮ ਇਸ ਲਿਸਟ ਚ ਰੱਖਿਆ ਜਾਵੇਗਾ ਤੇ ਇਸ ਤੋਂ ਬਾਅਦ ਫਿਰ ਤੋਂ ਟੈਸਟ ਕੀਤਾ ਜਾਵੇਗਾ  । 

ਲੰਡਨ ਰੋਮ ਤੇ ਬਰਮਿੰਘਮ ਤੋਂ ਰੋਜ਼ਾਨਾ ਤਕਰੀਬਨ 250 ਦੇ ਕਰੀਬ ਮੁਸਾਫਰ ਅੰਮ੍ਰਿਤਸਰ ਪੁੱਜਦੇ ਹਨ ।  

ਫ਼ਰੀਦਕੋਟ,30 ਨਵੰਬਰ ( ਜਨ ਸ਼ਕਤੀ ਨਿਊਜ਼ ਬਿਊਰੋ) ਮਾਤਾ ਵਿੱਦਿਆ ਦੇਵੀ ਲਿਖਾਰੀ ਸਭਾ ਵੱਲੋਂ ਹੀਰਾ ਸਿੰਘ ਤੂਤ ਨੂੰ ਉਹਨਾਂ ਦੀ ਕਿਤਾਬ ਲੋਕ ਅਰਪਣ ਹੋਣ ਤੇ ਵਧਾਈ ਦਿੱਤੀ ਮਾਤਾ ਵਿੱਦਿਆ ਦੇਵੀ ਲਿਖਾਰੀ ਸਭਾ ਦੇ ਸਮੂਹ ਮੈਂਬਰਾਂ ਵੱਲੋਂ ਪਿਛਲੇ ਦਿਨੀਂ ਚੱਲ ਰਹੇ ਪੰਜਾਬੀ ਮਾਂਹ ਦੇ ਚੱਲਦਿਆਂ ਲੇਖਕ ਤੇ ਅਧਿਆਪਕ ਹੀਰਾ ਸਿੰਘ ਤੂਤ ਦੀ ਸੋਲ੍ਹਵੀ ਕਿਤਾਬ ਤੇ ਕਾਵਿ ਸੰਗ੍ਰਹਿ “ਫਿਜ਼ਾਵਾਂ ਦੇ ਰੰਗ” ਲੋਕ ਅਰਪਣ ਹੋਣ ਤੇ ਵਧਾਈ ਦਿੱਤੀ ਗਈ ਸਭਾ ਦੇ ਸਰਪ੍ਰਸਤ ਸ਼ਾਮ ਸੁੰਦਰ ਕਾਲੜਾ ਨੇ ਹੀਰਾ ਸਿੰਘ ਤੂਤ ਨੂੰ ਵਧਾਈ ਦਿੰਦਿਆਂ ਕਿਹਾ ਕਿ ਲੇਖਕ ਹੀਰਾ ਸਿੰਘ ਤੂਤ ਇਕ ਵਧੀਆਂ ਲੇਖਕ ਹੈ ਤੇ ਉਸ ਨੇ ਪਿਛਲੇ ਸਮੇ ਦੌਰਾਨ ਪੰਦਰਾਂ ਕਿਤਾਬ ਪੰਜਾਬੀ ਸਾਹਿਤ ਦੀ ਝੋਲੀ ਪਾਈਆਂ ਹਨ ਸਭਾ ਦੇ ਪ੍ਰਧਾਨ ਸ਼ਿਵ ਨਾਥ ਦਰਦੀ ਜੀ ਨੇ ਹੀਰਾ ਸਿੰਘ ਤੂਤ ਨੂੰ ਵਧਾਈ ਦਿੰਦਿਆਂ ਕਿਹਾ ਕਿ ਹੀਰਾ ਸਿੰਘ ਤੂਤ ਮਾਤਾ ਵਿੱਦਿਆ ਦੇਵੀ ਲਿਖਾਰੀ ਦਾ ਇੱਕ ਯੋਗ ਮੈਂਬਰ ਹੈ  ਉਸ ਦੀਆਂ ਕਿਤਾਬਾਂ ਦੀ ਭਾਸ਼ਾ ਮਿਆਰੀ ਹੈ ਉਸ ਦੀ ਇਸ ਕਿਤਾਬ ਵਿੱਚ ਹਰ ਪੱਖ ਤੇ ਲਿਖਤ ਸ਼ਾਮਿਲ ਹੈ ਸਭਾ ਦੇ ਮੀਤ ਪ੍ਰਧਾਨ ਵਤਨਵੀਰ ਜ਼ਖ਼ਮੀ ਨੇ ਵੀ ਹੀਰਾ ਸਿੰਘ ਤੂਤ ਨੂੰ ਵਧਾਈ ਦਿੱਤੀ ਤੇ ਕਿਹਾ ਕਿ ਅੱਜ ਦੇ ਸਮੇ ਦੀ ਮੰਗ ਹੈ ਕਿ ਲੇਖਕਾਂ ਦੁਆਰਾ ਇਸ ਤਰ੍ਹਾ ਦਾ ਸਾਹਿਤ ਪੰਜਾਬੀਆਂ ਦੀ ਝੋਲੀ ਪਾਇਆ ਜਾਵੇ ਜਿਸ ਨਾਲ ਸਮਾਜ ਦੇ ਹਰ ਵਰਗ ਫ਼ਾਇਦਾ ਹੋਵੇ ਤੇ ਤੂਤ ਸਾਹਿਬ ਅਜਿਹੇ ਹੀ ਲੇਖਕ ਹਨ ਸਭਾ ਦੇ ਜਨਰਲ ਸਕੱਤਰ ਧਰਮ ਪਰਵਾਨਾ ਪ੍ਰੈਸ ਸਕੱਤਰ ਬੀਰ ਇੰਦਰ ਸਰਾਂ ਪ੍ਰੋਫੈਸਰ  ਨਿਰਮਲ ਕੌਸ਼ਿਕ ਲਖਵਿੰਦਰ ਕੋਟਸੁਖੀਆ ਬਲਵੰਤ ਗੱਖੜ ਗੁਰਤੇਜ ਪੱਖੀ ਰਾਜ ਗਿੱਲ ਭਾਣਾ ਕੁਲਵਿੰਦਰ ਵਿਰਕ ਤੇ ਹੋਰ ਮੈਂਬਰਾਂ ਨੇ ਵਧਾਈ ਦਿੱਤੀ

ਮਹਾਨ ਗਾਇਕਾਂ ਅਤੇ ਸ਼ਖਸੀਅਤਾਂ ਨੂੰ ਸ਼ਰਧਾਂਜਲੀ ਭੇਟ ਕਰਨ ਦੇ ਇਸ ਰਿਵਾਜ਼ ਨੂੰ ਅੱਗੇ ਵਧਾਉਂਦੇ ਹੋਏ ਪਦਮ ਸ਼੍ਰੀ ਤੋਂ ਸਮਮਾਨਿਤ ਵਿਕਰਮਜੀਤ ਸਾਹਨੀ ਨੇ ਪੰਜਾਬ ਦੇ ਪ੍ਰਸਿੱਧ ਗਾਇਕ ਆਸਾ ਸਿੰਘ ਮਸਤਾਨਾ ਨੂੰ ਉਨ੍ਹਾਂ ਦੇ ਨਵੇਂ ਗੀਤ 'ਸੰਜਣਾ ਵੀ ਤੁੱਰ ਜਾਣਾ' ਨਾਲ ਸ਼ਰਧਾਂਜਲੀ ਭੇਟ ਕੀਤੀ ਹੈ ਜੋ ਮਸਤਾਨਾ ਦੇ ਗੀਤ 'ਜਦੋਂ ਮੇਰੀ ਅਰਥੀ' 'ਤੇ ਆਧਾਰਿਤ ਹੈ। ਵਰਲਡ ਪੰਜਾਬੀ ਸੰਗਠਨ ਦੇ ਅੰਤਰਾਸ਼੍ਟ੍ਰੀਯ ਪ੍ਰਧਾਨ ਵਿਕਰਮਜੀਤ ਸਾਹਨੀ ਅਤੇ ਮਸ਼ਹੂਰ ਗਾਇਕਾ ਜੋਤੀ ਨੂਰਾਨ ਵੱਲੋਂ ਗਾਯਾ ਗਿਆ 'ਤੂ ਹੀ ਇਕ ਤੂ' ਦੀ ਪ੍ਰਸ਼ੰਸਕਾਂ ਦੀ ਸਫਲਤਾ ਤੋਂ ਬਾਅਦ, ਜਿਸ ਨੇ 10 ਮਿਲੀਅਨ ਵਿਊਜ਼ ਨੂੰ ਪਾਰ ਕਰ ਲਿਆ ਹੈ। ਵਿਕਰਮਜੀਤ ਸਾਹਨੀ ਨੇ 28 ਨਵੰਬਰ 2021 ਨੂੰ ਵੀ ਪੰਜਾਬੀ ਰਿਕਾਰਡਜ਼ ਦੇ ਲੇਬਲ 'ਤੇ ਇਕ ਹੋਰ ਗੀਤ 'ਸੰਜਣਾ ਵੀ ਤੁੱਰ ਜਾਣਾ' ਰਿਲੀਜ਼ ਕੀਤਾ। ਗੀਤ ਦਾ ਵੀਡੀਓ ਸ੍ਰੀਮਤੀ ਪੂਜਾ ਗੁਜਰਾਲ ਦੁਆਰਾ ਨਿਰਦੇਸ਼ਤ ਹੈ ਅਤੇ ਪੰਡਿਤ ਸ਼ਿਵਰਾਮ ਦੁਆਰਾ ਤਿਆਰ ਕੀਤਾ ਗਿਆ ਹੈ। ਇਸ ਗੀਤ ਨੂੰ ਵਿਕਰਮ ਸਾਹਨੀ ਨੇ ਆਪਣੀ ਆਵਾਜ਼ ਵਿੱਚ ਪ੍ਰਕਾਸ਼ ਸਾਥੀ ਦੇ ਲਿਖੇ ਬੋਲਾਂ ਨੂੰ ਵਿਚ ਹੋਰ ਜਾਨ ਪਾ ਦਿੱਤੀ ਹੈ। ਪੂਜਾ ਗੁਜਰਾਲ ਦੇ ਨਿਰਦੇਸ਼ਨ 'ਚ 'ਤੂੰ ਹੀ ਇਕ ਤੂ' ਅਤੇ 'ਸਜਨਾ ਵੇ ਤੁਰ ਜਾਨਾ' ਗੀਤਾਂ ਨਾਲ ਦਰਸ਼ਕਾਂ ਨੂੰ ਪੂਰੀ ਤਰ੍ਹਾਂ ਮੋਹਿਤ ਕਰ ਦਿੱਤਾ ਹੈ, ਕਿਉਂਕਿ ਇਸ ਗੀਤ ਦੇ ਸੈੱਟ ਦੇ ਡਿਜ਼ਾਈਨ ਦੀ ਖੂਬਸੂਰਤੀ ਨੇ ਮਾਹੌਲ ਨੂੰ ਸਿਰਜਿਆ ਹੈ ਜੋ ਗੀਤ ਦੀ ਅਸਲ ਭਾਵਨਾ ਨੂੰ ਵਧਾਉਂਦਾ ਹੈ। ਇਸ ਮੌਕੇ ਤੇ ਵਿਕਰਮਜੀਤ ਸਾਹਨੀ ਨੇ ਕਿਹਾ,"ਆਸ਼ਾ ਸਿੰਘ ਮਸਤਾਨਾ ਨੂੰ ਸ਼ਰਧਾਂਜਲੀ ਭੇਟ ਕਰਨਾ ਅਤੇ ਪੰਜਾਬ ਦੇ ਸੱਭਿਆਚਾਰਕ ਲੋਕ-ਵਿਰਸੇ ਨੂੰ ਅਮੀਰ ਸੰਗੀਤ ਅਤੇ ਪਰੰਪਰਾ ਰਾਹੀਂ ਪ੍ਰਫੁੱਲਤ ਕਰਨਾ ਮੇਰੇ ਲਈ ਮਾਣ ਵਾਲੀ ਗੱਲ ਹੈ।"ਇਹ ਗੀਤ 28 ਨਵੰਬਰ 2021 ਨੂੰ ਵੀ ਪੰਜਾਬੀ ਰਿਕਾਰਡਜ਼ ਦੇ ਯੂਟਿਊਬ ਚੈਨਲ 'ਤੇ ਰਿਲੀਜ਼ ਕੀਤਾ ਗਿਆ ਸੀ।

ਹਰਜਿੰਦਰ ਸਿੰਘ  9463828000

ਮਹਿਲ ਕਲਾਂ/ ਬਰਨਾਲਾ- ਨਵੰਬਰ- (ਗੁਰਸੇਵਕ ਸੋਹੀ )-ਭਾਰਤ ਰਤਨ ਬਾਬਾ ਸਾਹਿਬ ਡਾ ਭੀਮ ਰਾਓ ਅੰਬੇਡਕਰ ਜੀ ਦੇ ਪ੍ਰੀਨਿਰਵਾਣ ਦਿਵਸ ਤੇ ਪਿੰਡ ਗੋਬਿੰਦਗੜ੍ਹ ਵਿਖੇ,'ਚੇਤਨਾ ਮੰਚ ਗੋਬਿੰਦਗੜ੍ਹ'( ਨੇਡ਼ੇ ਮਹਿਲਕਲਾਂ ) ਵਲੋਂ ਪ੍ਰੋਗਰਾਮ ਕਰਵਾਇਆ ਗਿਆ। ਪ੍ਰੋਗਰਾਮ ਦੀ ਸ਼ੁਰੂਆਤ ਗੁਰਬਾਣੀ ਦੇ ਸ਼ਬਦ ਗਾਇਨ ਭਾਈ ਜਸਵੀਰ ਸਿੰਘ ਖਾਲਸਾ ਜੀ ਦੇ ਕੀਰਤਨੀ ਜੱਥੇ ਵਲੋਂ ਕੀਤੀ ਗਈ। ਕਵੀਸ਼ਰੀ ਜਥਿਆਂ ਚ ਜਗਦੇਵ ਸਿੰਘ ਕਲਾਲਾ, ਚਰਨਜੀਤ ਸਿੰਘ ਕਲਾਲਾ ਅਤੇ ਬਲਿਹਾਰ ਸਿੰਘ ਗੋਬਿੰਦਗੜ੍ਹੀਆ, ਵੀਰਪਾਲ ਸਿੰਘ ਚੋਟੀਆਂ ਨੇ ਬਾਬਾ ਸਾਹਿਬ ਜੀ ਦੀ ਜੀਵਨੀ ਤੇ ਆਧਾਰਿਤ  ਕਵੀਸ਼ਰੀਆਂ ਗਾ ਕੇ ਮਹੌਲ ਨੂੰ ਪੂਰੇ ਰੰਗਾਂ ਚ ਲਿਆ ਦਿੱਤਾ। ਬੁਲਾਰਿਆਂ ਨੇ ਬਾਬਾ ਸਾਹਿਬ ਦੇ ਕਈ ਅਣਗੌਲੇ ਕਾਰਜ ਤੇ ਚਾਨਣਾ ਪਾਉਂਦਿਆਂ ਲੋਕਾਂ ਨੂੰ ਜਾਗ੍ਰਿਤ ਕੀਤਾ। ਉਚੇਚੇ ਤੌਰ ਤੇ ਪਹੁੰਚੇ ਸੰਤ ਕੁਲਵੰਤ ਰਾਮ ਜੀ ਪ੍ਰਧਾਨ (ਗੁਰੂ ਰਵਿਦਾਸ ਸਾਧੂ ਸੰਪਰਦਾਇ ਸੁਸਾਇਟੀ ਪੰਜਾਬ) ਗੱਦੀਨਸ਼ੀਨ 108 ਸੰਤ ਬਾਬਾ ਮੇਲਾ ਰਾਮ ਜੀ ਭਰੋਮਜਾਰਾ,ਨੇੜੇ ਬਹਿਰਾਮ ਜਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ,ਨੇ ਆਪਣੇ    ਵਿਚਾਰ ਪੇਸ਼ ਕੀਤੇ।ਲੈਕਚਰਾਰ ਬਲਬੀਰ ਕੌਰ ਰਾਏਕੋਟੀ ਨੇ ਆਪਣੇ ਭਾਸ਼ਣ ਚ ਔਰਤ ਵਰਗ ਤੇ ਬਾਬਾ ਸਾਹਿਬ ਵਲੋਂ ਕੀਤੇ ਵੱਡੇ ਉਪਕਾਰਾਂ ਤੇ ਚਾਨਣਾ ਪਾਉਂਦਿਆਂ ਹਾਜਰੀਨ ਔਰਤਾਂ ਨੂੰ ਸੋਚਣ ਲਈ ਮਜ਼ਬੂਰ ਕਰ ਦਿੱਤਾ । ਸਿਕੰਦਰ ਸਿੰਘ ਸਿੱਧੂ (ਜ ਸਕੱਤਰ ਬਹੁਜਨ ਮੁਕਤੀ ਪਾਰਟੀ), ਅਤੇ ਗੁਰਚਰਨ ਸਿੰਘ ਰਾਮਗੜ੍ਹ (ਸੰਵਿਧਾਨ ਬਚਾਓ ਅੰਦੋਲਨ ਭਾਰਤ, ਦਸ ਕਿਤਾਬਾਂ ਦੇ ਲੇਖਕ), ਇਨ੍ਹਾਂ ਨੇ ਆਪਣੀ ਤਕਰੀਰ ਰਾਹੀਂ ਜਿਵੇਂ ਸੁੱਤੇ ਹੋਏ ਲੋਕਾਂ ਨੂੰ ਹਲੂਣਾ ਦੇ ਕੇ ਜਗਾਉਣ ਵਾਲੀ ਗੱਲ ਕੀਤੀ। ਬਲਵੀਰ ਕੌਰ ਰਾਮਗੜ੍ਹ ਸਿਵੀਆਂ ਨੇ ਆਪਣੀ ਦੂਜੀ ਛਪੀ ਕਿਤਾਬ ਚੋਂ (ਪੱਤਝੜ ਦੇ ਫੁੱਲ) ਗੀਤ ਪੇਸ਼ ਕਰਕੇ ਵਾਹ ਵਾਹ ਖੱਟੀ। ਬੱਚੀ ਇਵਨੀਤ ਨੇ'ਸੱਚੇ ਇਨਕਲਾਬ ਦਿਆ ਸੂਰਜਾ' ਅਤੇ ਰਮਨਜੋਤ ਕੌਰ ਨੇ'ਚੁੰਨੀ ਤਾਜ ਹੁੰਦੀ ਐ ਭੈਣਾਂ ਦੇ ਸਿਰ ਦਾ' ਪੂਰੇ ਸੁਰਤਾਲ ਚ ਸੁਰੀਲੀ ਆਵਾਜ਼ ਨਾਲ ਪੰਡਾਲ ਚੋਂ ਤਾੜੀਆਂ ਦੀ ਦਾਦ ਖੱਟੀ।ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਦੀ ਨਾਟਕ ਟੀਮ ਵੱਲੋਂ 'ਲੜਾਂਗੇ ਸਾਥੀ' ਅਤੇ  ਨਸ਼ਿਆਂ ਦੇ ਮਾੜੇ ਨਤੀਜਿਆਂ ਦਾ ਪੱਖ ਪੇਸ਼ ਕਰਦਾ ਅਤੇ ਗਰੀਬੀ ਚ ਰਹਿ ਰਹੇ ਲੋਕਾਂ ਨੂੰ ਸੰਘਰਸ਼ ਨਾਲ ਜੀਵਨ ਸੁਧਾਰਨ ਵਾਲਾ ਨਾਟਕ ਦਿਖਾ ਕੇ ਪ੍ਰੋਗਰਾਮ ਚ ਪਹੁੰਚੇ ਲੋਕਾਂ ਨੂੰ ਨਵੀਂ ਸੇਧ ਦੇ ਕੇ ਪ੍ਰਭਾਵਿਤ ਕੀਤਾ। ਡਾ ਸੁਖਦੇਵ ਸਿੰਘ ਕੇ ਡੀ (ਸਾਬਕਾ ਸਰਪੰਚ)  ਭਾਈ ਕੁਲਵਿੰਦਰ ਸਿੰਘ, ਗੁਰਬਚਨ ਸਿੰਘ, ਸੁਖਦੇਵ ਸਿੰਘ, ਪਰਮਜੀਤ ਸਿੰਘ, ਲੱਖਾ ਸਿੰਘ ਨੇ ਵੀ ਹਾਜਰੀ ਲਗਵਾਈ।ਡਾ ਮਿੱਠੂ ਮੁਹੰਮਦ (ਸੀ ਮੀਤ ਪ੍ਰਧਾਨ MPAP) ਡਾ ਜਗਜੀਤ ਸਿੰਘ ਕਾਲਸਾਂ (ਚੇਅਰਮੈਨ  MPAP ਬਲਾਕ ਮਹਿਲ ਕਲਾਂ) ਨੂੰ ਵਿਸ਼ੇਸ਼ ਤੌਰ ਤੇ ਸਨਮਾਨਿਤ ਕੀਤਾ ਗਿਆ)। ਸਟੇਜ ਦੀ ਕਾਰਵਾਈ  ਬਲਬੀਰ ਕੌਰ ਰਾਏਕੋਟੀ ਨੇ ਬਾਖੂਬੀ ਨਿਭਾਈ। ਇਹ ਪ੍ਰੋਗਰਾਮ ਚੇਤਨਾ ਮੰਚ ਦੇ ਪ੍ਰਧਾਨ ਬਲਿਹਾਰ ਸਿੰਘ ਗੋਬਿੰਦਗੜ੍ਹੀਆ, ਸੀਨੀਅਰ ਮੀਤ ਪ੍ਰਧਾਨ ਜਗਤਾਰ ਸਿੰਘ, ਮੀਤ ਪ੍ਰਧਾਨ ਸੰਤੋਖ ਸਿੰਘ, ਜ ਸਕੱਤਰ ਬਲਜਿੰਦਰ ਸਿੰਘ, ਸਕੱਤਰ ਦਰਸ਼ਨ ਸਿੰਘ ਬੱਗੂ, ਖਜਾਨਚੀ ਬਲਜੀਤ ਸਿੰਘ,ਮੈਂਬਰ ਜਸਪਾਲ ਸਿੰਘ,ਮੈਂਬਰ ਪ੍ਰਕਾਸ਼ ਸਿੰਘ, ਗੁਰਮੇਲ ਸਿੰਘ ਫੌਜੀ ਅਤੇ ਜੀ ਓ ਜੀ ਪਿਆਰਾ ਸਿੰਘ, ਸੇਵਾ ਸਿਮਰਨ ਚੈਰੀਟੇਬਲ ਟਰੱਸਟ ਗੋਬਿੰਦਗੜ੍ਹ, ਬੀ ਕੇ ਯੂ ਡਕੌਂਦਾ, ਬੀ ਕੇ ਯੂ ਉਗਰਾਹਾਂ ਅਤੇ ਸਮੂਹ ਨਗਰ ਨਿਵਾਸੀਆਂ ਦੇ ਸਹਿਯੋਗ ਨਾਲ ਕੀਤਾ ਗਿਆ।ਮੰਚ ਵਲੋਂ ਬਾਹਰੋਂ ਆਏ ਸਾਰੇ ਪਤਵੰਤਿਆਂ ਨੂੰ ਸਨਮਾਨ ਦੇ ਕੇ ਮਾਣ ਕੀਤਾ ਗਿਆ। ਸਾਮ ਤੱਕ ਚੱਲਿਆ ਇਹ ਪ੍ਰੋਗਰਾਮ ਚੇਤੰਨਤਾ ਦਾ ਸੁਨੇਹਾ ਦਿੰਦਾ ਅਮਿੱਟ ਛਾਪ ਛੱਡਦਾ ਸਮਾਪਿਤ ਹੋਇਆ।

ਵਿਜੇ ਕੁਮਾਰ ਸੈਣੀ ਦੀ ਹੋਈ ਅਚਾਨਕ ਹਾਰਟ ਅਟੈਕ ਨਾਲ ਮੌਤ  
ਜਗਰਾਉਂ, 29  ਨਵੰਬਰ  (ਜਸਮੇਲ ਗ਼ਾਲਿਬ ) ਬਹੁਤ ਹੀ ਵਧੀਆ ਸੁਭਾਅ, ਦਿਆਨਤਦਾਰੀ ਦੀ ਕੋਈ ਹੱਦ ਨਹੀਂ, ਸਮਾਜ ਸੇਵੀ ਹਰੇਕ ਦੇ ਦੁੱਖ ਸੁੱਖ ਵਿੱਚ ਖੜਨ ਵਾਲਾ ਚਾਰ ਦਿਨਾਂ ਦੀ ਬਿਮਾਰੀ ਤੋਂ ਬਾਅਦ  ਇਸ ਫ਼ਾਨੀ ਸੰਸਾਰ ਨੂੰ ਅਲਵਿਦਾ ਆਖ ਗਿਆ ਵਿਜੇ ਕੁਮਾਰ ਸੈਣੀ  । ਅੱਜ 29 ਨਵੰਬਰ ਬਾਅਦ ਦੁਪਹਿਰ ਉਨ੍ਹਾਂ ਦਾ ਸਸਕਾਰ ਜਗਰਾਉਂ ਵਿਖੇ ਕਰ ਦਿੱਤਾ ਗਿਆ । ਇਸ ਸਮੇਂ ਜਨ ਸ਼ਕਤੀ ਨਿਊਜ਼ ਦੇ ਸੰਪਾਦਕ ਅਮਨਜੀਤ ਸਿੰਘ ਖਹਿਰਾ ਨੇ ਗੱਲਬਾਤ ਕਰਦੇ ਦੱਸਿਆ ਵਿਜੇ ਕੁਮਾਰ ਦੇ ਅਚਾਨਕ ਬਿਮਾਰ ਹੋ ਜਾਣ ਅਤੇ ਕੁਝ ਕੁ ਦਿਨਾਂ ਵਿੱਚ ਹੀ ਉਸ ਦੀ ਮੌਤ ਹੋ ਜਾਣ ਦਾ ਬਹੁਤ ਹੀ ਗਹਿਰਾ ਦੁੱਖ ਹੋਇਆ । ਮੇਰੇ ਇੰਗਲੈਂਡ ਵਿੱਚ ਹੋਣ ਕਰਕੇ ਉਨ੍ਹਾਂ ਦੀ ਮੌਤ ਬਾਰੇ ਜਾਣਕਾਰੀ  ਕੁਝ ਚਿਰ ਪਹਿਲਾਂ ਸੂਬੇਦਾਰ ਦੇਵੀ ਦਿਆਲ ਜੀ ਵੱਲੋਂ ਸਾਂਝੀ ਕੀਤੀ ਗਈ । ਕਿਉਂਕਿ ਵਿਜੇ ਕੁਮਾਰ ਦਾ ਮੇਰੇ ਨਾਲ ਭਰਾ ਵਾਲਾ ਅਤੇ ਮੇਰੇ ਮਾਤਾ ਜੀ ਨਾਲ ਇਕ ਪੁੱਤ ਵਾਲਾ ਹੀ ਰਿਸ਼ਤਾ ਬਣਿਆ ਹੋਇਆ ਸੀ । ਵਿਜੇ ਕੁਮਾਰ ਦਾ ਸਾਥੋਂ ਵਿਛੜ ਜਾਣਾ ਇਕ ਬਹੁਤ ਵੱਡਾ ਅਨਿਆਇ ਅਤੇ ਕਹਿਰ ਹੈ ।  ਮੈਂ ਆਪਣੇ ਵੱਲੋਂ ਤੇ ਆਪਣੇ ਪਰਿਵਾਰ ਅਤੇ ਮਾਤਾ ਜੀ ਵੱਲੋਂ ਸਾਹਿਬ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਅੱਗੇ ਅਰਦਾਸ ਬੇਨਤੀ ਕਰਦਾ ਹਾਂ ਕੇ ਗੁਰੂ ਸਾਹਿਬ ਵਿਜੇ ਕੁਮਾਰ ਦੀ ਪਿਆਰੀ ਰੂਹ ਨੂੰ ਆਪਣੇ ਚਰਨਾਂ ਵਿਚ ਨਿਵਾਸ ਬਖਸ਼ੇ  ਉਨ੍ਹਾਂ ਦੇ ਪਰਿਵਾਰ ਦੋਨੋਂ ਬੇਟਿਆਂ ਦੇ ਪਰਿਵਾਰ ਅਤੇ ਮਾਸਟਰ ਮਦਨ ਲਾਲ ਜੀ ਜੋ ਕਿ ਪਹਿਲਾਂ ਹੀ ਬਹੁਤ ਦੁੱਖ ਵਿਚ ਹਨ ਨੂੰ ਭਾਣਾ ਮੰਨਣ ਦਾ ਬਲ ਬਖ਼ਸ਼ਣ ।