ਅੰਮ੍ਰਿਤਸਰ, ਜੂਨ 2019 ( ਦੇਸ਼ ਦੀ ਰਾਜਧਾਨੀ ਦਿੱਲੀ ਵਿਚ ਅਚਾਨਕ ਮੌਸਮ ਖ਼ਰਾਬ ਹੋਣ ਕਾਰਣ, ਸਿਡਨੀ, ਪੂਨੇ ,ਇੰਦੌਰ, ਗੁਹਾਟੀ, ਗੋਆ ਆਦਿ ਤੋਂ ਦਿੱਲੀ ਦੇ ਕੌਮਾਂਤਰੀ ਹਵਾਈ ਅੱਡਾ ਵਿਖੇ ਪੁੱਜਣ ਵਾਲੀਆਂ ਕਰੀਬ ਅੱਠ ਉਡਾਣਾਂ ਨੂੰ ਤਬਦੀਲ ਕਰਦਿਆਂ ਅੰਮ੍ਰਿਤਸਰ ਦੇ ਹਵਾਈ ਅੱਡਾ ਰਾਜਾਸਾਂਸੀ ਵਿਖੇ ਉਤਰਿਆ ਗਿਆ।ਪ੍ਰਾਪਤ ਜਾਣਕਾਰੀ ਅਨੁਸਾਰ ਦਿੱਲੀ ਵਿਚ ਅਚਾਨਕ ਕਰੀਬ ਸ਼ਾਮ 7 ਕੁ ਵਜੇ ਦੇ ਦਰਮਿਆਨ ਅਚਾਨਕ ਮੌਸਮ ਖ਼ਰਾਬ ਹੋ ਗਿਆ, ਜਿਸ ਦੌਰਾਨ ਦਿੱਲੀ ਦੇ ਕੌਮਾਂਤਰੀ ਹਵਾਈ ਅੱਡੇ ਤੇ ਪੁੱਜਣ ਵਾਲੀਆਂ ਕਰੀਬ ਅੱਠ ਉਡਾਣਾਂ 'ਚ ਪੂਨੇ ਤੋਂ ੳਜੇਬਿਕਸਤਾਨ, ਇੰਦੌਰ ਤੋਂ ਇੰਡੀਗੋ, ਗੁਹਾਟੀ ਤੋਂ ਸਪਾਈਸ ਜੈੱਟ, ਸਿਡਨੀ ਤੋਂ ਏਅਰ ਇੰਡੀਆ, ਤੇ ਹੋਰ ਸਪਾਈਸ ਜੈੱਟ, ਏਅਰ ਇੰਡੀਆ ਦੀਆਂ ਉਡਾਣਾਂ ਦਾ ਮੁੱਖ ਮੋੜਦਿਆਂ ਅੰਮ੍ਰਿਤਸਰ ਦੇ ਸ੍ਰੀ ਗੁਰੂ ਰਾਮਦਾਸ ਜੀ ਕੌਮਾਂਤਰੀ ਹਵਾਈ ਅੱਡਾ ਰਾਜਾਸਾਂਸੀ ਵਿਖੇ ਉਤਾਰਿਆ ਗਿਆ।
