ਜਗਰਾਉਂ,(ਅਮਿਤ ਖੰਨਾ, ਪੱਪੂ ) ਸੁਨਾਮ ਵਿਖੇ ਹੋਣ ਵਾਲੀ ਜ਼ਿਲ੍ਹਾ ਪੱਧਰੀ ਵੁਸ਼ੂ ਚੈਂਪੀਅਨਸ਼ਿਪ ਲਈ 19 ਖਿਡਾਰੀਆਂ ਦੀ ਚੋਣ ਹੋਈ। ਵੁਸ਼ੂ ਐਸੋਸੀਏਸ਼ਨ ਆਫ਼ ਡਿਸਟਿਕ ਲੁਧਿਆਣਾ ਦੇ ਪ੍ਰਧਾਨ ਸੁਰਿੰਦਰ ਪਾਲ ਵਿਜ ਨੇ ਦੱਸਿਆ ਕਿ ਵੁਸ਼ੂ ਐਸੋਸੀਏਸ਼ਨ ਆਫ਼ ਪੰਜਾਬ ਵੱਲੋਂ 24ਵੀਂ ਸਬ-ਜੂਨੀਅਰ, ਜੂਨੀਅਰ ਤੇ ਸੀਨੀਅਰ ਓਪਨ ਪੰਜਾਬ ਸਟੇਟ ਵੁਸ਼ੂ ਚੈਂਪੀਅਨਸ਼ਿਪ ਸੰਗਰੂਰ ਵੁਸ਼ੂ ਐਸੋਸੀਏਸ਼ਨ ਵੱਲੋਂ ਪਹਿਲੀ ਤੋਂ 3 ਅਕਤੂਬਰ ਤਕ ਸੁਨਾਮ ਵਿਖੇ ਕਰਵਾਈ ਜਾ ਰਹੀ ਹੈ ਜਿਸ ਵਿਚ ਭਾਗ ਲੈਣ ਲਈ ਜ਼ਿਲ੍ਹਾ ਲੁਧਿਆਣਾ ਦੇ 19 ਖਿਡਾਰੀਆਂ ਦੀ ਚੋਣ ਕਰ ਕੇ ਟੀਮ ਨੂੰ ਰਵਾਨਾ ਕੀਤਾ ਗਿਆ।ਉਨ੍ਹਾਂ ਦੱਸਿਆ ਸਾਗਰ ਫਿਟਨੈੱਸ ਜਿਮ ਜਗਰਾਓਂ ਵਿਖੇ ਹੋਈ ਜ਼ਿਲ੍ਹਾ ਲੁਧਿਆਣਾ ਵੁਸ਼ੂ ਟੀਮ ਚ ਜਗਰਾਓਂ ਦੇ ਸੱਤ ਖਿਡਾਰੀ ਤੇ ਲੁਧਿਆਣਾ ਦੇ 12 ਖਿਡਾਰੀ ਭਾਗ ਲੈ ਰਹੇ ਹਨ। ਇਸ ਮੌਕੇ ਐਸੋਸੀਏਸ਼ਨ ਦੇ ਵਾਈਸ ਪ੍ਰਧਾਨ ਸੰਜੀਵ ਮਲਹੋਤਰਾ, ਜਨਰਲ ਸਕੱਤਰ ਦੀਪਕ ਸਿੰਘ, ਜੁਆਇੰਟ ਸਕੱਤਰ ਹਰਦੀਪ ਸਿੰਘ, ਕੈਸ਼ੀਅਰ ਗਗਨਦੀਪ ਵੀ ਹਾਜ਼ਰ ਸਨ।
