ਜਗਰਾਉਂ ( ਅਮਿਤ ਖੰਨਾ ) ਭਾਰਤੀ ਸਟੇਟ ਬੈਂਕ ਜਗਰਾਓਂ ਵੱਲੋਂ ਅੱਜ 66ਵੇਂ ਸਥਾਪਨਾ ਦਿਵਸ ਮੌਕੇ ਸਿਵਲ ਹਸਪਤਾਲ ਨੂੰ ਦੋ ਵੀਲ ਚੇਅਰ ਬੈਂਕ ਦੇ ਰੀਜਨਲ ਮੈਨੇਜਰ ਓਮੇਸ਼ ਕੁਮਾਰ ਨੇ ਆਪਣੇ ਕਰ ਕਮਲਾਂ ਨਾਲ ਦਿੱਤੀਆਂ। ਜਗਰਾਓਂ ਸ਼ਾਖਾ ਦੇ ਚੀਫ਼ ਮੈਨੇਜਰ ਮਹਾਂਵੀਰ ਪ੍ਰਸ਼ਾਦ ਤੇ ਕੇ ਐੱਸ ਆਨੰਦ ਅਤੇ ਮੈਨੇਜਰ ਨਰਿੰਦਰ ਕੋਚਰ ਦੀ ਮੌਜੂਦਗੀ ਵਿਚ ਹਸਪਤਾਲ ਦੇ ਐੱਸ ਐੱਮ ਓ ਡਾ: ਪ੍ਰਦੀਪ ਮਹਿੰਦਰਾ ਨੰੂ ਵੀਲ ਚੇਅਰ ਭੇਂਟ ਕਰਨ ਮੌਕੇ ਬੈਂਕ ਦੇ ਰੀਜਨਲ ਮੈਨੇਜਰ ਓਮੇਸ਼ ਕੁਮਾਰ ਨੇ ਬੈਂਕ ਦੇ 66ਵੇਂ ਸਥਾਪਨਾ ਦਿਵਸ ਮੌਕੇ ਹਰਿਆਲੀ ਦਾ ਸੰਦੇਸ਼ ਦਿੰਦਿਆਂ ਐਲਾਨ ਕੀਤਾ ਕਿ ਬੈਂਕ ਦੇ ਰੀਜਨ ਲੁਧਿਆਣਾ ਦੀ 55 ਬੈਂਕ ਸ਼ਾਖਾਵਾਂ ਵੱਲੋਂ 10 ਹਜ਼ਾਰ ਪੌਦਾ ਲਗਾ ਕੇ ਉਸ ਦੀ ਸਾਂਭ ਸੰਭਾਲ ਦੀ ਪੂਰੀ ਜਿੰਮੇਵਾਰੀ ਨਿਭਾਈ ਜਾਵੇਗੀ ਤਾਂ ਕਿ ਦੂਸ਼ਿਤ ਹੋ ਵਾਤਾਵਰਨ ਨੂੰ ਸ਼ੱੁਧ ਕਰਨ ਅਤੇ ਆਕਸੀਜਨ ਦੀ ਕਮੀ ਨੂੰ ਦੂਰ ਕੀਤਾ ਜਾ ਸਕੇ। ਇਸ ਮੌਕੇ ਰੀਜਨ ਮੈਨੇਜਰ ਉਮੇਸ਼ ਕੁਮਾਰ ਨੂੰ ਗਾਹਕਾਂ ਨੂੰ ਡਿਜੀਟਲ ਐੱਪ ਦੀ ਵਰਤੋਂ ਕਰਨ ਦੀ ਸਲਾਹ ਦਿੰਦਿਆਂ ਸਾਫ਼ ਕੀਤਾ ਕਿ ਸਾਡੀ ਬੈਂਕ ਦਾ ਕੋਈ ਵੀ ਮੁਲਾਜ਼ਮ ਗਾਹਕ ਨੂੰ ਫ਼ੋਨ ਕਰ ਕੇ ਕੋਈ ਵੀ ਪਿੰਨ ਜਾਂ ਪਰਸਨਲ ਵੇਰਵਾ ਨਹੀਂ ਮੰਗਦਾ। ਉਨ੍ਹਾਂ ਕਿਹਾ ਕਿ ਕਿਸੇ ਨੂੰ ਵੀ ਆਪਣੇ ਖਾਤੇ ਦਾ ਪਿੰਨ, ਆਧਾਰ ਕਾਰਡ ਤੇ ਪਰਸਨਲ ਵੇਰਵਾ ਨਾ ਦਿਓ। ਉਨ੍ਹਾਂ ਕਿਹਾ ਡਿਜੀਟਲ ਐੱਪ ਦੇ ਬਹੁਤ ਫ਼ਾਇਦੇ ਹਨ, ਇਸ ਨਾਲ ਸਮੇਂ ਦੀ ਬੱਚਤ, ਖ਼ਰਚੇ ਦੀ ਬੱਚਤ ਅਤੇ ਕਾਗ਼ਜ਼ ਦੀ ਬੱਚਤ ਹੋਣ ਦੇ ਨਾਲ ਤੁਹਾਨੰੂ ਭੀੜ ਵਿਚ ਨਹੀਂ ਜਾਣਾ ਪਵੇਗਾ ਜਿਸ ਨਾਲ ਸਮਾਜਿਕ ਦੂਰੀ ਦੀ ਪਾਲਣਾ ਹੋਵੇਗੀ ਅਤੇ ਬਿਮਾਰੀ ਤੋਂ ਬਚਿਆ ਜਾ ਸਕਦਾ ਹੈ। ਇਸ ਉਪਰੰਤ ਬੈਂਕ ਵੱਲੋਂ ਲਾਇਨ ਭਵਨ ਵਿਖੇ ਗਰੀਨ ਮਿਸ਼ਨ ਟੀਮ ਦੇ ਸਹਿਯੋਗ ਨਾਲ ਹਰਿਆਵਲ ਲਹਿਰ ਦੀ ਆਰੰਭਤਾ ਕਰਦਿਆਂ ਪੌਦੇ ਵੀ ਲਗਾਏ। ਇਸ ਮੌਕੇ ਸਾਬਕਾ ਵਿਧਾਇਕ ਐੱਸ ਆਰ ਕਲੇਰ, ਕਮਲਜੀਤ ਸਿੰਘ ਮੱਲ੍ਹਾ, ਚੀਫ਼ ਮੈਨੇਜਰ ਮਹਾਂਵੀਰ ਪ੍ਰਸ਼ਾਦ ਤੇ ਕੇ ਐੱਸ ਆਨੰਦ, ਮੈਨੇਜਰ ਨਰਿੰਦਰ ਕੋਚਰ, ਡਾ: ਸੰਗੀਨਾ ਗਰਗ, ਡਾ: ਸੁਰਿੰਦਰ ਸਿੰਘ, ਦੀਪਇੰਦਰ ਭੰਡਾਰੀ, ਸ਼ਿਵਰਾਜ ਸਿੰਘ, ਇੰਦਰਜੀਤ ਲਾਂਬਾ, ਹਰਦੇਵ ਬੌਬੀ, ਪਿੰ੍ਰਸੀਪਲ ਚਰਨਜੀਤ ਭੰਡਾਰੀ, ਹਰਮਿੰਦਰ ਰਾਏ, ਮਨਿੰਦਰ ਪਾਲ ਸਿੰਘ ਬਾਲੀ, ਵਰੁਣ ਬਾਂਸਲ, ਗਗਨਦੀਪ ਸਰਨਾ, ਜਤਿੰਦਰ ਬਾਂਸਲ, ਅਜੇ ਬਾਂਸਲ, ਗੁਰਦਰਸ਼ਨ ਮਿੱਤਲ, ਲਾਲ ਚੰਦ ਮੰਗਲਾ, ਰਾਕੇਸ਼ ਜੈਨ, ਕੈਪਟਨ ਨਰੇਸ਼ ਵਰਮਾ, ਪਰਮਿੰਦਰ ਸਿੰਘ, ਗੁਰਸ਼ਰਨ ਸਿੰਘ, ਪਰਮਵੀਰ ਸਿੰਘ ਗਿੱਲ, ਮਨਜੀਤ ਮਠਾੜੂ, ਨਿਰਭੈ ਸਿੰਘ ਸਿੱਧੂ, ਸਤਪਾਲ ਸਿੰਘ ਦੇਹੜਕਾ, ਹਰਿੰਦਰਪਾਲ ਸਿੰਘ ਮਣਕੂ ਕਾਲਾ, ਗੁਰਪ੍ਰੀਤ ਸਿੰਘ ਛੀਨਾ, ਮੇਜਰ ਸਿੰਘ ਛੀਨਾ, ਕੇਵਲ ਮਲਹੋਤਰਾ, ਡਾ: ਜਸਵੰਤ ਸਿੰਘ ਢਿੱਲੋਂ, ਲਖਵਿੰਦਰ ਧੰਜਲ, ਕੰਚਨ ਗੁਪਤਾ, ਬਲਜਿੰਦਰ ਹੈਪੀ ਆਦਿ ਹਾਜ਼ਰ ਸਨ।
