ਲੰਡਨ, 28 ਜੂਨ ( ਗਿਆਨੀ ਰਵਿੰਦਰਪਾਲ ਸਿੰਘ )-ਯੂ.ਕੇ. ਦੀ ਮਹਾਰਾਣੀ ਐਲਿਜ਼ਾਬੈੱਥ ਦੇ ਪਤੀ ਪਿ੍ੰਸ ਫਿਲਿਪ ਦੀ ਯਾਦ 'ਚ ਯੂ.ਕੇ. ਦੀ ਸਿੱਕੇ ਜਾਰੀ ਕਰਨ ਵਾਲੀ ਸੰਸਥਾ ਰੋਇਲ ਮਿੰਟ ਵਲੋਂ 5 ਪੌਂਡ ਦੇ ਸਿੱਕੇ ਜਾਰੀ ਕੀਤੇ ਹਨ | ਇਨ੍ਹਾਂ ਸਿੱਕਿਆਂ 'ਤੇ ਪਿ੍ੰਸ ਫਿਲਿਪ ਦੀ ਤਸਵੀਰ ਹੈ ਜਿਸ 'ਤੇ ਪਿ੍ੰਸ ਫਿਲਿਪ ਦੇ ਨਾਂਅ ਤੋਂ ਇਲਾਵਾ 'ਡਿਊਕ ਆਫ਼ ਈਡਨਬਰਗ' ਅਤੇ ਜਨਮ ਤੇ ਮੌਤ ਸਾਲ 1921-2021 ਅੰਕਿਤ ਹਨ | ਸਿੱਕੇ 'ਤੇ ਅੰਕਿਤ ਤਸਵੀਰ ਨੂੰ 2008 'ਚ ਪਿ੍ੰਸ ਫਿਲਿਪ ਵਲੋਂ ਖ਼ੁਦ ਮਾਨਤਾ ਦਿੱਤੀ ਸੀ | ਉਕਤ ਸਿੱਕਿਆਂ ਨੂੰ ਬਰਤਾਨੀਆ ਦੀ ਫ਼ੌਜ ਨੂੰ ਸਮਰਪਿਤ ਮਨਾਏ ਜਾਂਦੇ ਹਥਿਆਰਬੰਦ ਫ਼ੌਜ ਦਿਵਸ ਮੌਕੇ ਜਾਰੀ ਕੀਤਾ ਗਿਆ ਹੈ | ਯੂ.ਕੇ. ਦੇ ਖ਼ਜ਼ਾਨਾ ਮੰਤਰੀ ਰਿਸ਼ੀ ਸੁਨਾਕ ਨੇ ਕਿਹਾ ਕਿ ਇਹ ਸਿੱਕਾ ਪਿ੍ੰਸ ਫਿਲਿਪ ਨੂੰ ਸ਼ਰਧਾਂਜਲੀ ਹੈ | ਜੋ ਲੋਕਾਂ ਲਈ ਵੱਖ-ਵੱਖ ਥਾਵਾਂ 'ਤੇ ਉਪਲਬਧ ਹੋਵੇਗਾ | ਪੰਜ ਪੌਂਡ ਦੇ ਇਹ ਸਿੱਕੇ ਚਾਂਦੀ ਅਤੇ ਸੋਨੇ ਦੇ ਹਨ | ਸਿੱਕਿਆਂ ਤੋਂ ਹੋਈ ਵਿੱਕਰੀ 'ਚੋਂ ਰੋਇਲ ਮਿੰਟ ਵਲੋਂ 50000 ਪੌਂਡ 'ਡਿਊਕ ਆਫ਼ ਈਡਨਬਰਗ ਐਵਾਰਡ ਯੂ.ਕੇ.' ਅਤੇ 'ਡਿਊਕ ਆਫ਼ ਈਡਨਬਰਗ ਅੰਤਰਰਾਸ਼ਟਰੀ ਐਵਾਰਡ ਫਾਊਾਡੇਸ਼ਨ' ਨੂੰ ਦਿੱਤਾ ਜਾਵੇਗਾ ਤਾਂ ਇਹ ਸਮਾਜ ਸੇਵੀ ਸੰਸਥਾਵਾਂ ਯੂ.ਕੇ. ਅਤੇ ਵਿਦੇਸ਼ਾਂ 'ਚ ਨੌਜਵਾਨਾਂ ਦੀ ਮਦਦ ਕਰਦੀਆਂ ਰਹਿਣ |
