ਰਾਏਕੌਟ 2 ਜੂਨ (ਗੁਰਕੀਰਤ ਸਿੰਘ)-
ਯੂਥ ਅਕਾਲੀ ਦਲ ਜਿਲਾ ਦਿਹਾਤੀ ਦੇ ਪ੍ਰਧਾਨ ਪ੍ਰਭਜੋਤ ਸਿੰਘ ਧਾਲੀਵਾਲ ਅਤੇ ਹਲਕਾ ਰਾਏਕੋਟ ਦੇ ਇੰਚਾਰਜ ਬਲਵਿੰਦਰ ਸਿੰਘ ਸੰਧੂ ਵੱਲੋਂ ਜਿਲਾ ਪੱਧਰ ਤੇ ਨਿਯੁਕਤੀਆਂ ਕੀਤੇ ਜਾਣ ਦਾ ਸਿਲਸਿਲਾ ਸ਼ੁਰੂ ਕਰ ਦਿੱਤਾ ਗਿਆ ਹੈ।ਜਿਸਦੇ ਤਹਿਤ ਉਨਾਂ ਵੱਲੋਂ ਸਰਕਲ ਰਾਏਕੋਟ ਦੇ ਵਿੱਚ ਯੂਥ ਆਗੂਆਂ ਅਜੇ ਕੁਮਾਰ ਜੱਸਾ, ਹਰਪਾਲ ਸਿੰਘ ਥਿੰਦ ਅਤੇ ਬਲਵੰਤ ਸਿੰਘ ਗੁਰੀ ਨੂੰ ਸੀਨੀਅਰ ਵਾਈਸ ਪ੍ਰਧਾਨ, ਸਨਦੀਪ ਸਿੰਘ ਸੀਪਾ, ਦੀਪਕ ਕੁਮਾਰ ਦੀਪੂ, ਰਵਿੰਦਰ ਸਿੰਘ ਔਲਖ ਨੂੰ ਵਾਈਸ ਪ੍ਰਧਾਨ, ਬਲਜੀਤ ਸਿੰਘ ਅਤੇ ਗੁਰਦੀਪ ਸਿੰਘ ਨੂੰ ਜਨਰਲ ਸੈਕਟਰੀ ਦੀ ਜਿੰਮੇਵਾਰੀ ਸੌਪੀ ਗਈ।ਇਸ ਮੌਕੇ ਸੰਧੂ ਅਤੇ ਧਾਲੀਵਾਲ ਨੇ ਸਾਂਝੇ ਬਿਆਨ ਅਨੁਸਾਰ ਕਿਹਾ ਕਿ ਇਹ ਆਗੂ ਪਾਰਟੀ ਦੀਆਂ ਗਤੀਵਿਧੀਆਂ ਵਿੱਚ ਵਧ ਚੜ੍ਹਕੇ ਭਾਗ ਲੈਂਦੇ ਹੋਏ ਪੂਰੀ ਤਨਦੇਹੀ ਦੇ ਨਾਲ ਪਾਰਟੀ ਦੀ ਸੇਵਾ ਕਰ ਰਹੇ ਹਨ।ਜਿਸਦੇ ਚਲਦਿਆਂ ਇਨਾਂ ਨੂੰ ਇਹ ਜਿੰਮੇਵਾਰੀਆਂ ਸੌਪੀਆਂ ਗਈਆਂ ਹਨ।ਉਨਾਂ ਕਿਹਾ ਕਿ ਹਲਕੇ ਸਮੇਤ ਪੂਰੇ ਜਿਲੇ ਭਰ ਵਿੱਚ ਦੇ ਵਿੱਚੋਂ ਪਾਰਟੀ ਪ੍ਰਤੀ ਵਧੀਆ ਚੰਗੀਆਂ ਸਰਗਰਮੀਆਂ ਦਿਖਾਉਣ ਵਾਲੇ ਨੌਜਵਾਨਾਂ ਨੂੰ ਜਿੰਮੇਵਾਰੀਆਂ ਦਿੱਤੀਆਂ ਜਾਣਗੀਆਂ।ਇਸ ਮੌਕੇ ਨਿਯੁਕਤੀ ਪੱਤਰ ਹਾਸਿਲ ਕਰਨ ਵਾਲੇ ਆਗੂਆਂ ਨੇ ਵੀ ਪਾਰਟੀ ਹਾਈਕਮਾਂਡ ਸਮੇਤ ਹਲਕਾ ਇੰਚਾਰਜ ਬਲਵਿੰਦਰ ਸਿੰਘ ਸੰਧੂ ਅਤੇ ਜਿਲਾ ਪ੍ਰਧਾਨ ਪ੍ਰਭਜੋਤ ਸਿੰਘ ਧਾਲੀਵਾਲ ਦਾ ਵਿਸ਼ੇਸ਼ ਧੰਨਵਾਦ ਕਰਦਿਆਂ ਵਿਸ਼ਵਾਸ ਦਿਵਾਇਆ ਕਿ ਇਨਾਂ ਜਿੰਮੇਵਾਰੀਆਂ ਨਾਲ ਉਨਾਂ ਦੇ ਹੌਂਸਲੇ ਹੋਰ ਵੀ ਜਿਆਦਾ ਬੁਲੰਦ ਹੋਣਗੇ ਅਤੇ ਉਹ ਦਿੱਤੀਆਂ ਜਿੰਮੇਵਾਰੀਆਂ ਨੂੰ ਪੂਰੀ ਤਨਦੇਹੀ ਅਤੇ ਇਮਾਨਦਾਰੀ ਨਾਲ ਨਿਭਾਉਣਗੇ।ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਅਮਨਦੀਪ ਸਿੰਘ ਗਿੱਲ, ਸਰਪੰਚ ਮਿੰਟੂ ਜੱਟਪੁਰਾ, ਰਿੰਕਾ ਕੁਤਬਾ ਬਾਹਮਣੀਆ,ਸਰਕਲ ਪ੍ਰਧਾਨ ਗੁਰਮੇਲ ਸਿੰਘ ਆਂਡਲੂ, ਗਗਨਪ੍ਰੀਤ ਸਿੰਘ ਛੰਨਾ ਆਦਿ ਹਾਜਿਰ ਸਨ।
