ਮਹਿਲ ਕਲਾਂ/ਬਰਨਾਲਾ-ਮਾਰਚ 2021 (ਗੁਰਸੇਵਕ ਸਿੰਘ ਸੋਹੀ)-
ਸਰਕਾਰੀ ਸੀਨੀਅਰ ਸਕੈਡਰੀ ਸਕੂਲ ਕਲਾਲਮਾਜਰਾ ਵਿਖੇ ਵਿਦਿਆਰਥੀਆਂ ਦੇ ਚੰਗੇ ਭਵਿੱਖ ਦੀ ਕਾਮਨਾ ਕਰਦੇ ਹੋਏ ਸ੍ਰੀ ਸੁਖਮਨੀ ਸਾਹਿਬ ਦੇ ਪਾਠ ਕਰਵਾਏ ਗਏ ਸਮੂਹ ਨਗਰ ਨਿਵਾਸੀਆਂ ਸਟਾਫ ਅਤੇ ਪਤਵੰਤੇ ਸੱਜਣਾਂ ਨੇ ਵਿਦਿਆਰਥੀਆਂ ਦੀ ਸੁੱਖ-ਸ਼ਾਂਤੀ ਅਤੇ ਪ੍ਰੀਖਿਆ ਵਿਚ ਸਫਲਤਾ ਲਈ ਅਰਦਾਸ ਕੀਤੀ ਗਈ। ਸੈਸ਼ਨ 2019 20 ਦੌਰਾਨ ਖੇਡਾਂ ਅਤੇ ਵਿਦਿਅਕ ਖੇਤਰ ਵਿੱਚ ਵਧੀਆ ਕਾਰਗੁਜ਼ਾਰੀ ਦਿਖਾਉਣ ਵਾਲੇ ਵਿਦਿਆਰਥੀਆਂ ਦਾ ਸਨਮਾਨ ਵੀ ਕੀਤਾ ਗਿਆ। ਬਾਰਵੀਂ ਜਮਾਤ ਵਿੱਚੋ ਕ੍ਰਮਵਾਰ ਪਹਿਲਾ ਦੂਜਾ ਅਤੇ ਤੀਸਰਾ ਸਥਾਨ ਪ੍ਰਾਪਤ ਕਰਨ ਵਾਲੀਆਂ ਵਿਦਿਆਰਥਣਾਂ ਵੀਰਪਾਲ ਕੌਰ, ਕਿਰਨਜੀਤ ਕੌਰ, ਲਵਜੋਤ ਕੌਰ, ਖੇਡਾਂ ਵਿੱਚ ਜ਼ਿਲ੍ਹਾ ਬਰਨਾਲਾ ਵੱਲੋਂ ਖੇਡ ਕੇ ਪਹਿਲਾ ਸਥਾਨ ਹਾਸਲ ਕਰਨ ਵਾਲੀਆਂ ਅਤੇ ਹਰਮਨਦੀਪ ਕੌਰ , ਲਵਪ੍ਰੀਤ ਕੌਰ ਅਤੇ ਅਤੇ ਇੰਗਲਿਸ਼ ਬੁਰਸਟਰ ਕਲੱਬ ਦੇ ਜਿਲ੍ਹਾ ਜੇਤੂ ਵਿਦਿਆਰਥੀ ਮਨਦੀਪ ਕੌਰ, ਨਵਨੀਤ ਕੌਰ ,ਜਸ਼ਨਪ੍ਰੀਤ ਸ਼ਰਮਾ ਦਾ ਸਨਮਾਨ ਕੀਤਾ ਗਿਆ। ਦਾਨੀ ਸੱਜਣਾਂ ਵਿੱਚ ਸ੍ਰ ਗੁਰਬਖਸ਼ ਸਿੰਘ ਮੰਡੇਰ ਨੇ 61000, ਸੇਵਾਮੁਕਤ ਪ੍ਰਿੰਸੀਪਲ ਸ੍ਰ ਅਮਰਜੀਤ ਸਿੰਘ ਨੇ 15000, ਸ੍ਰੀ ਚਮਨ ਦੇਵ ਜੀ 10000, ਸ੍ਰੀ ਤਰਸੇਮ ਬਰੇਟਾ ਨੇ 11000 ਸ੍ਰੀ ਕ੍ਰਿਸ਼ਨ ਸ਼ਰਮਾ ਅਤੇ ਬਲਵੰਤ ਸਿੰਘ ਧਾਲੀਵਾਲ ਕੈਨੇਡੀਅਨ ਨੇ ਪੰਜ-ਪੰਜ ਹਜ਼ਾਰ ਰੁਪਏ ਸਕੂਲ ਦੇ ਮੁੱਖ ਦੁਆਰ ਦੇ ਨਵੀਨੀਕਰਨ ਲਈ ਦਾਨ ਦਿੱਤਾ। ਇਸ ਸਮੇਂ ਸਕੂਲ ਪ੍ਰਿੰਸੀਪਲ ਸ੍ਰ ਸੁਨੀਲ ਕੁਮਾਰ, ਸਕੂਲ ਮੈਨੇਜਮੈਂਟ ਕਮੇਟੀ ਦੇ ਚੇਅਰਮੈਨ ਸ੍ਰ ਪਲਵਿੰਦਰ ਸਿੰਘ, ਸ੍ਰ ਰਾਮ ਸਿੰਘ ਫੌਜੀ, ਸ੍ਰ ਅਮਰਜੀਤ ਸਿੰਘ, ਸ੍ਰ ਭੁਪਿੰਦਰ ਪਾਲ ਸ਼ਰਮਾ, ਸ੍ਰ ਹਰਪਾਲ ਸਿੰਘ ਪਾਲਾ ,ਸ੍ਰੀ ਵਰਿੰਦਰ ਕੁਮਾਰ ਪੱਪੂ, ਸ੍ਰ ਮਨਦੀਪ ਸਿੰਘ , ਸ੍ਰੀ ਮਤੀ ਹਰਦੀਪ ਕੌਰ ,ਸ੍ਰੀ ਮਤੀ ਜਗਦੀਸ਼ ਕੌਰ ,ਸ੍ਰੀ ਮਤੀ ਕੁਲਵਿੰਦਰ ਕੌਰ ਹਾਜ਼ਰ ਸਨ। ਮੰਚ ਸੰਚਾਲਨ ਦੀ ਸੇਵਾ ਸ੍ਰ ਅਜੀਤ ਸਿੰਘ ਗਿੱਲ ਨੇ ਨਿਭਾਈ।
