ਜਗਰਾਉਂ ਜਨਵਰੀ 2021(ਮੋਹਿਤ ਗੋਇਲ ਕੁਲਦੀਪ ਸਿੰਘ ਕੋਮਲ)
ਪਲਾਸਟਿਕ ਦੇ ਕਚਰੇ ਤੋਂ ਮੁਕਤ ਕਰਵਾਉਣ ਲਈ ਇਕ ਰੈਲੀ ਪੂਰੇ ਸ਼ਹਿਰ ਅੰਦਰ ਕਢੀ ਜਿਸ ਦੀ ਅਗਵਾਈ ਇਥੋਂ ਦੇ ਕਾਰਜ ਸਾਧਕ ਅਫਸਰ ਸ ਮਨੋਹਰ ਸਿੰਘ ਜੀ ਨੇ ਕੀਤੀ, ਜਿਸ ਵਿੱਚ ਸਕੂਲ ਸਟਾਫ, ਬੱਚਿਆਂ, ਪੁਲਿਸ ਕਰਮਚਾਰੀ ਅਤੇ ਐਨ ਜੀ ਓ ਨਾਲ ਸਨ ਇਹ ਰੈਲੀ ਪੁਰਾਣੀ ਮੰਡੀ, ਰਾਏਕੋਟ ਰੋਡ,ਜੀ ਟੀ ਰੋਡ ਤੇ ਹੁੰਦੀ ਹੋਈ ਵਾਪਸ ਨਗਰ ਕੌਂਸਲ ਚ ਸਮਾਪਤ ਹੋਈ। ਇੱਥੋਂ ਦੇ ਕਸਬਾ ਮੁੱਲਾਪੁਰ ਦਾਖਾ ਦੇ ਕਾਰਜ਼ ਸਾਧਕ ਅਫਸਰ ਮਨੋਹਰ ਸਿੰਘ ਹੁਣਾਂ ਨੇ ਦੱਸਿਆ ਕਿ ਉਨ੍ਹਾਂ ਨਾਲ ਇਸ ਰੈਲੀ ਵਿੱਚ ਐਮ ਐਸ ਆਦਰਸ਼ ਪਬਲਿਕ ਸਕੂਲ ਦੇ ਬੱਚਿਆਂ ਅਤੇ ਸਟਾਫ ਨੇ ਹੱਥਾਂ ਵਿੱਚ ਪਲਾਸਟਿਕ ਵਰਤੋਂ ਨਾ ਕਰਨ ਲਈ ਸਲੋਗਨਾਂ ਨੂੰ ਫੜਿਆ ਹੋਇਆ ਸੀ। ਇਸ ਮੁਹਿੰਮ ਨੂੰ ਪੁਲਿਸ ਕਰਮਚਾਰੀਆਂ ਅਤੇ ਸਥਾਨਕ ਐਨ.ਜੀ.ਓਜ਼ ਨੂੰ ਨਾਲ ਲੈ ਕੇ ਚਲਾਈ ਗਈ, ਅਤੇ ਦੁਕਾਨਦਾਰਾਂ ਦੇ ਚਲਾਨ ਵੀ ਕੱਟੇ ਗਏ ਜੋ ਪਲਾਸਟਿਕ ਵੇਚਣ ਵਾਲੇ ਹਨ। ਰੈਲੀ ਦੀ ਵਾਪਸੀ 'ਤੇ ਪਲਾਸਟਿਕ ਕਚਰੇ ਨੂੰ ਅੱਗ ਲਗਾ ਦਿੱਤੀ ਗਈ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਸੁਖਦੀਪ ਸਿੰਘ ਭੱਟੀ ਇੰਸਪੈਕਟਰ, ਅਨਿਲ ਕੁਮਾਰ ਸੈਨੇਟਰੀ ਇੰਸਪੈਕਟਰ, ਅਭੈ ਜੋਸ਼ੀ ਅਕਾਉਂਟੈਂਟ ਆਦਿ ਹਾਜ਼ਰ ਸਨ।
