ਜਗਰਾਓਂ, ਜਨਵਰੀ 2021 ( ਮੋਹਿਤ ਗੋਇਲ /ਕੁਲਦੀਪ ਸਿੰਘ ਕੋਮਲ )-
ਏ ਐਸ਼ ਆਈ ਅੰਗਰੇਜ਼ ਸਿੰਘ ਥਾਣਾ ਸਿਟੀ ਜਗਰਾਉਂ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਦੀਪਕ ਕੁਮਾਰ ਪੁੱਤਰ ਰਮੇਸ਼ ਕੁਮਾਰ ਭੋਗੀਆਂ ਮੁਹੱਲਾ ਪ੍ਰਤਾਪ ਨਗਰ ਨੇ ਆਪਣੀ ਸ਼ਿਕਾਇਤ ਰਾਹੀਂ ਦੱਸਿਆ ਕਿ ਮੈਂ ਆਪਣੇ ਪਿਤਾ ਜੀ ਨਾਲ 19/12/20 ਨੂੰ ਸ਼ਾਮ ਵੇਲੇ ਬਜਾਰ ਤੋਂ ਆਪਣੇ ਘਰ ਨੂੰ ਜਾ ਰਿਹਾ ਸੀ, ਜਦੋ ਅਸੀ ਪੂਰੀ ਮਸੀਨ ਰਿਪੇਅਰ ਦੀ ਦੁਕਾਨ ਨੇੜੇ ਸੁਭਾਸ ਗੇਟ ਜਗਰਾਉ ਨੇੜੇ ਪਹੁੰਚੇ ਤਾਂ ਮੈਨੂੰ ਮੇਰੇ ਮੋਬਾਇਲ ਫੋਨ ਸੈਮਸੰਗ ਮਾਰਕਾ ਐੱਮ-11 ਪਰ ਕਿਸੇ ਦਾ ਫੋਨ ਆਇਆ, ਜਦੋ ਮੈ ਆਪਣਾ ਫੋਨ ਕੱਢ ਕੇ ਫੋਨ ਸੁਣਨ ਲੱਗਾ, ਤਾਂ ਸਾਡੇ ਪਿੱਛੇ 02 ਨਾ-ਮਾਲੂਮ ਵਿਅਕਤੀ ਮੋਟਰਸਾਈਕਲ ਪਰ ਆਏ ਅਤੇ ਪਿੱਛੇ ਬੈਠੇ ਵਿਅਕਤੀ ਨੇ ਜਿਸਦੇ ਹੱਥ ਵਿੱਚ ਰਾਡ ਲੋਹਾ ਸੀ, ਦਾ ਡਰ ਦੇ ਕੇ ਮੇਰਾ ਮੋਬਾਇਲ ਫੋਨ ਖੋਹ ਕੇ ਲੈ ਗਏ। ਮੈ ਹੁਣ ਤੱਕ ਆਪਣੇ ਤੌਰ ਪਰ ਉਕਤਾਨ ਨਾ-ਮਾਲੂਮ ਵਿਅਕਤੀਆਂ ਦੀ ਭਾਲ ਕਰਦਾ ਰਿਹਾ ਸੀ, ਜੋ ਹੁਣ ਮੈਨੂੰ ਪਤਾ ਲੱਗਾ ਹੈ ਕਿ ਮੇਰਾ ਮੋਬਾਇਲ ਫੋਨ ਰਘਵੀਰ ਸਿੰਘ ਉਰਫ ਨੀਲੀ ਪੁੱਤਰ ਹਾਕਮ ਸਿੰਘ ਵਾਸੀ ਗਾਂਧੀ ਨਗਰ ਜਗਰਾਉਂ ਅਤੇ ਗੁਰਪ੍ਰੀਤ ਸਿੰਘ ਵਾਸੀ ਹੇਮਕੁੰਟ ਕੋਲਡ ਸਟੋਰ ਮੋਗਾ ਹਾਲ ਵਾਸੀ ਕੇਅਰ ਆਫ ਵਿੱਕੀ ਰਾਣੀ ਵਾਲਾ ਖੂਹ ਜਗਰਾਉਂ ਨੇ ਖੋਹ ਕੀਤਾ ਸੀ । ਕਥਿਤ ਦੋਸ਼ੀ ਤੋਂ ਮੋਬਾਇਲ ਫੋਨ ਅਤੇ ਮੋਟਰਸਾਈਕਲ ਬਰਾਮਦ ਕਰਕੇ ਥਾਣਾ ਸਿਟੀ ਜਗਰਾਉਂ ਵਿਖੇ ਮਾਮਲਾ ਦਰਜ ਕੀਤਾ ਗਿਆ।
