ਬਲੌਜ਼ਮ ਕਾਨਵੈਂਟ ਸਕੂਲ ਦੇ ਪ੍ਰਿੰਸੀਪਲ ਦੇ ਪਰਿਵਾਰ ਵੱਲੋਂ ਵਿਆਹ ਦੀ ਖ਼ੁਸ਼ੀ ਨੂੰ ਮੁੱਖ ਰੱਖ ਕੇ ਦਿੱਤਾ ਗਿਆ ਵੱਡਾ ਸਹਿਯੋਗ
ਜਗਰਾਉਂ ,ਨਵੰਬਰ 2020 -(ਚਰਨਜੀਤ ਸਿੰਘ ਚੰਨ /ਮੋਹਿਤ ਗੋਇਲ /ਮਨਜਿੰਦਰ ਗਿੱਲ/ਸਿਮਰਨ ਅਖਾੜਾ )-
ਐਸ ਬੀ ਬੀ ਐੱਸ ਲਾਹੌਰ ਖ਼ਾਲਸਾ ਸਕੂਲ ਲਡ਼ਕੇ ਜਗਰਾਉਂ ਵਿਖੇ ਗਰੀਨ ਮਿਸ਼ਨ ਪੰਜਾਬ ਟੀਮ ਵੱਲੋ ਸਾਹਿਬ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪੰਜ ਸੌ ਪੰਜਾਹ ਵੇਂ ਗੁਰਪੁਰਬ ਨੂੰ ਲੈ ਕੇ ਜੋ ਮੁਹਿੰਮ ਸ਼ੁਰੂ ਕੀਤੀ ਗਈ ਸੀ ਉਸ ਤਹਿਤ ਅੱਜ ਬਲੌਜ਼ਮ ਕਾਨਵੈਟ ਸਕੂਲ ਦੇ ਪ੍ਰਿੰਸੀਪਲ ਅਮਰਜੀਤ ਕੌਰ ਨਾਜ਼ ਦੇ ਪਰਿਵਾਰ ਦੇ ਸਹਿਯੋਗ ਦੇ ਨਾਲ ਪੰਜ ਸੌ ਪੰਜਾਹ ਬੂਟਿਆਂ ਦਾ ਜੰਗਲ ਲਾਇਆ ਗਿਆ ।ਪੂਰਾ ਸਾਲ ਜਗਰਾਉਂ ਅੰਦਰ ਲੱਖਾਂ ਦੀ ਤਾਦਾਦ ਵਿੱਚ ਗਰੀਨ ਪੰਜਾਬ ਮਿਸ਼ਨ ਟੀਮ ਵੱਲੋ ਬੂਟੇ ਲਾ ਕੇ ਧਰਤੀ ਨੂੰ 33%ਰੁੱਖਾਂ ਨਾਲ ਭਰਨ ਦਾ ਆਪਣਾ ਟੀਚਾ ਨਿਸ਼ਾਨੇ ਵੱਲ ਲੈ ਕੇ ਜਾਣ ਦੀ ਸਫ਼ਲ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ । ਅੱਜ ਜਿੱਥੇ ਬਲੌਜ਼ਮ ਕਾਨਵੈਂਟ ਸਕੂਲ ਦੇ ਪ੍ਰਿੰਸੀਪਲ ਅਮਰਜੀਤ ਕੌਰ ਰਾਜ ਦੇ ਪਰਿਵਾਰ ਵੱਲੋਂ ਇਕ ਨਵੀਂ ਪਿਰਤ ਪਾਉਂਦਿਆਂ ਆਪਣੇ ਨਵ ਵਿਆਹੇ ਜੋੜੇ ਦੇ ਵਿਆਹ ਮੌਕੇ ਇਸ ਜੰਗਲ ਨੂੰ ਲਾਹੁਣ ਦੇ ਖ਼ਰਚ ਦੀ ਜ਼ਿੰਮੇਵਾਰੀ ਚੱਕ ਸਾਡੇ ਸਮਾਜ ਨੂੰ ਇੱਕ ਨਵਾਂ ਸੁਨੇਹਾ ਦਿੱਤਾ । ਪ੍ਰਿੰਸੀਪਲ ਲਾਜ ਨੇ ਗੱਲ ਕਰਦੇ ਆਖਿਆ ਕਿ ਅੱਜ ਜ਼ਰੂਰਤ ਹੈ ਸਮਾਜ ਨੂੰ ਆਪਣੇ ਵਿਆਹ ਸ਼ਾਦੀਆਂ ਉੱਪਰ ਆਪਣੇ ਯਾਦਗਾਰੀ ਪਲਾਂ ਨੂੰ ਬੂਟਿਆਂ ਨਾਲ ਜੋਡ਼ਿਆ ਜਾਵੇ ।ਜਿਸ ਨਾਲ ਸਾਨੂੰ ਹਰਿਆਲੀ ਨੂੰ ਪਿਆਰ ਕਰਨ ਦਾ ਮੌਕਾ ਮਿਲ ਸਕੇ ।ਉਸ ਸਮੇਂ ਸਤਪਾਲ ਸਿੰਘ ਦੇਹਡ਼ਕਾ ਮੁੱਖ ਸੇਵਾਦਾਰ ਗਰੀਨ ਪੰਜਾਬ ਮਿਸ਼ਨ ਟੀਮ ਨੇ ਆਏ ਹੋਏ ਸਾਰੇ ਹੀ ਪਤਵੰਤਿਆਂ ਦਾ ਧੰਨਵਾਦ ਕੀਤਾ। ਇਸ ਸਮੇਂ ਇਲਾਕਾ ਭਰ ਤੋ ਬਹੁਤ ਹੀ ਸਤਿਕਾਰਯੋਗ ਸ਼ਖ਼ਸੀਅਤਾਂ ਇਸ ਵਿਲੱਖਣ ਸਮੇਂ ਦੀ ਸ਼ੋਹਰਤ ਨੂੰ ਵਧਾ ਰਹੀਆਂ ਸਨ ।
