(ਫੋਟੋ ਕੈਪਸਨ:- ਦਿੱਲੀ ਲਈ ਰਵਾਨਾ ਹੋਣ ਸਮੇਂ ਸੀ ਪੀ ਆਈ (ਐਮ) ਦੇ ਆਗੂ)
ਹਠੂਰ,26,ਨਵਬਰ 2020 (ਕੌਸ਼ਲ ਮੱਲ੍ਹਾ)-
ਸੀ ਪੀ ਆਈ (ਐਮ) ਦੇ ਸੀਨੀਅਰ ਆਗੂ ਬਲਜੀਤ ਸਿੰਘ ਗੋਰਸੀਆ ਖਾਨ ਮੁਹੰਮਦ ਦੀ ਅਗਵਾਈ ਹੇਠ
ਇੱਕ ਕਾਫਲਾ ਦਿੱਲੀ ਲਈ ਰਵਾਨਾ ਹੋਇਆ।ਇਸ ਮੌਕੇ ਬਲਜੀਤ ਸਿੰਘ ਗੋਰਸੀਆ ਨੇ ਦੱਸਿਆ ਕਿ ਅੱਜ ਪਾਰਟੀ ਦੇ ਸੂਬਾ ਸਕੱਤਰ ਕਾਮਰੇਡ
ਸੁਖਵਿੰਦਰ ਸਿੰਘ ਸੇਖੋਂ ਦੀ ਅਗਵਾਈ ਹੇਠ ਸੂਬੇ ਵਿਚੋ ਕੇਂਦਰ ਦੀ ਸੁੱਤੀ ਪਈ ਮੋਦੀ ਸਰਕਾਰ ਨੂੰ ਜਗਾਉਣ ਅਤੇ ਕਾਲੇ ਕਾਨੂੰਨਾ
ਨੂੰ ਰੱਦ ਕਰਵਾਉਣ ਲਈ ਸੀ ਪੀ ਆਈ (ਐਮ) ਦੇ ਕਾਫਲਾ ਦਿੱਲੀ ਲਈ ਰਵਾਨਾ ਹੋ ਰਹੇ ਹਨ।ਇਸੇ ਲੜੀ ਤਹਿਤ ਅੱਜ ਹਠੂਰ,ਜਗਰਾਓ,ਸਿੱਧਵਾ
ਬੇਟ,ਭੂੰਦੜੀ ਅਤੇ ਚੌਕੀਮਾਨ ਤੋ ਕਿਸਾਨ-ਮਜਦੂਰਾ ਦੇ ਵੱਡੇ ਕਾਫਲੇ ਰਵਾਨਾ ਕੀਤੇ ਗਏ ਹਨ।ਉਨ੍ਹਾ ਕਿਹਾ ਕਿ ਅਸੀ ਕੇਂਦਰ ਸਰਕਾਰ
ਖਿਲਾਫ ਕਾਲੇ ਕਾਨੂੰਨਾ ਨੂੰ ਰੱਦ ਕਰਵਾਉਣ ਲਈ ਕਾਮਰੇਡ ਸੁਖਵਿੰਦਰ ਸਿੰਘ ਸੇਖੋਂ ਦੀ ਅਗਵਾਈ ਹੇਠ ਹਰ ਸੰਘਰਸ ਕਰਨ ਲਈ ਤਿਆਰ
ਹਾਂ ਕਿਉਕਿ ਹੁਣ ਕੇਂਦਰ ਸਰਕਾਰ ਖਿਲਾਫ ਆਰ-ਪਾਰ ਦੀ ਲੜਾਈ ਸੁਰੂ ਹੋ ਚੁੱਕੀ ਹੈ ਜਿਸ ਦੀ ਜਿੱਤ ਹੁਣ ਬਹੁਤ ਨੇੜੇ ਹੈ ਅਤੇ ਮੋਦੀ ਸਰਕਾਰ
ਨੂੰ ਪੰਜਾਬ ਦੇ ਮਿਹਨਤਕਸ ਲੋਕਾ ਦੇ ਸੰਘਰਸ ਅੱਗੇ ਝੁੱਕਣਾ ਹੀ ਪਵੇਗਾ।ਇਸ ਮੌਕੇ ਉਨ੍ਹਾ ਨਾਲ ਪ੍ਰਧਾਨ ਹਾਕਮ ਸਿੰਘ ਡੱਲਾ,ਜਗਜੀਤ
ਸਿੰਘ ਡਾਗੀਆ,ਨਿਰਮਲ ਸਿੰਘ ਧਾਲੀਵਾਲ,ਪਾਲ ਸਿੰਘ ਭੰਮੀਪੁਰਾ,ਜਗਤਾਰ ਸਿੰਘ ਆਦਿ ਹਾਜ਼ਰ ਸਨ।
